FAARO 18:12 - Biblía Axweesantá Hhohho' ar Mungú 2004

¹² «Aníng mura' sleémeero kudá' hhohhó' oo múk Israeli naa aníngí haniís adór di/tá hhohho', nee difaáiro nee balángw geera ngu kuúngí haniís.

FAARO 18:12 Iomraidhean Croise

IIMU/UUNGW 27:28

Mungú har'uú doori ngu haniisi, hhapér hho' ngi haniisi, balaangw nee difaáiro ni hamaariye'.

2 WAAWITÁ 4:42

Heeko wák oo Ba'al-shalishár daáhh Elisha heé Mungú guri mikaátér mibeeri tsár i huúw, ar taa tleéhh ar balángw geera oo kurkudá' oo angaánoó shayiri nee qiintár angaáno ar guniyadu iwa hatsiya'. Elisha Gehasi guri báy, «Haniiseek dír muu ka /ayi.»

2 QOM'I 31:5

Kaangwí múk Israeli nguwa axaás, daqaari'iimar'ín ngina ló'wa haniisiyé', bu'úngw geera, nee difaái, nee di/i, nee danú, nee muruú hatlá' oo ta hamaareés baraá qamuuín wa alé. Nee umuúqo gár wák baraá mibaango ar umuú gár i kona'a ngina huwiyé'.

WARA'AMI 147:14

Inós wayda gu sagesihhimiit baraá digmuú ayaawoge. Nun aaxamiis muruú /aymár hhoe.

WARA'AMI 81:16

Kár ee, aníng geeraawo kuúng ugwa /aymiís ar angaánoó hhó'. Nee geeraawo un /aymiís ar danuú baraá pa/mír tlaa/a.

TI'INAANGW 22:29

«Ma tligaar bu'úngw hargeera kuduú baraá qaymoorók daáhh kuwa hup, nee difaáiro. «Barismoowók ngun aníngí hanís.

TI'INAANGW 23:19

«Mamaá geera awa baraá qamuuhúng dahhá' huwaare' baraá doó AAKOÓ MUNGÚ Munguúhúng. «Tam deelmoó niiná oo du'uúm mu humiimara' baraá ilwaá aayorós. »

TI'INAANGW 34:26

«Bu'úngw hhó' oo geera oo balaangw baraá yaamuuhunge un hubá' baraá doó AAKOÓ MUNGÚ Munguúhúng. «Deelmoó leei laqaá oo bee/i mu humimara' baraá ilwaá aayorós.»

ESEKIELI 44:30

Mura' sleémeero kudá' slaqo hhó' oo baris, nee bu'ungwhúng oo geera, nee umuúqo gár ta ilahhooár wa hanisa' dir'eé' ar kaahamuusér Mungú. Slamí male ale dír tara huuríngw eeri'iiká, puuruú har geera ku hanisá' dír kaahamuusér Mungú, as aníng marayhúng ngiwa tsuuq.

TLAHHOÓ LAÁWI 2:12

Bu'uungók oo geera ngu ilahhooár wa húp dír AAKOÓ MUNGÚ, ala ku qaasiiká gawaá kitángw ilahhooa tawa slaahhareeraá tsuuá'.

TLAHHOÓ LAÁWI 2:14

Qoomár ilahhooarók tidár bu'úngw geera bar húp dír AAKOÓ MUNGÚ, masók a tidá' taa /ar'aá aldaá/, laqaá mikaátér taa tleéhh ar puuruú angaánoó taa xoósl.

TLAHHOÓ LAÁWI 23:17

Umuúqo do'o mikaáte tsár kan haniis as tawa ilahhooár ta gáwtí tlesa' as ngiwa hanisa' dír anuú AAKOÓ MUNGÚ. Umuúqo mukatmoowo masók gár kungura tleéhh a kílo tsár ar puuruú natsaatsaá' oo taa sluuftís. Mikaáteesíng ngin hubá' dír anuú AAKOÓ MUNGÚ as tawa ilahhooár bu'úngw geera dirhunge.

TLAHHOÓ LAÁWI 23:20

Kaahamusmoó Mungú giri gáwtí tlees as tawa ilahhooár ni haniisi dír anuú AAKOÓ MUNGÚ, dinkwa nee mukaatmoó bu'úngw geera, nee deelaydá' tsár oo bee/aangw. Muruusíng a muruú hhohhó' dír anuú AAKOÓ MUNGUHE, nee a muruú /aymár kaahamusmoó Mungú kilós.

DABE 18:3

«Gaarí an hariimár kaahamuusér Mungú: Muruudá' ta ilahhooár wa tsu/i, adór hikwa, nee bee/aangw, kaahamuusér Mungú ya'aá geera ngi sleer, nee taqeesama' nee xooslár gura'.

DABE 18:4

Bu'ungwhúng oo geera un hanisá' dír kaahamuusér Mungú, nee difaái, nee di/i nee se'éngw bee/angwhúng oo taa geerií tlaqé'.

DABE 26:2

bu'úngw geera oo ta baraá yaamuudá' wa bu'uun, kudá' AAKOÓ MUNGÚ, Munguúhúng naa kuungá' i haniís, bu'ungwdá' un húp ar lakwaanti ay didá' AAKOÓ MUNGÚ, Munguúhúng aa tsawaár tawa didá' umuuwós kuwa ateetin.

DABE 32:14

Inooín di/i nee ilwa ngina dír hikwá wa slayé'. Di/tá bee/aangw nee ar gwaandaawe ngina slayé', daqoroó Bashani oo awe nee aara, dinkwa nee angaánoó ló'wa hhohhó'. Difaáír /aben ar mamaá sabiíbu ana wahaandé'.