FAARO 18:11 - Biblía Axweesantá Hhohho' ar Mungú 2004

¹¹ «Sleeme muruú hatlá' sleémeero oo múk Israeli ni duuxi adór ilahhooár ta haniisi dír Mungú, muruuwí a kók. Muruuwí ngu dirók i haniís, nee dír daaqaywók nee dír dasuuwoge, tawa hariímarhúng ay alhhe'eesáy wasle. Hee barnaxes ku harmeetinká baraá xwaylaroge i harín muruuwí nguwa /ayi.

FAARO 18:11 Iomraidhean Croise

TLAHHOÓ LAÁWI 10:14

Ala fu'unaá da/eewo nee awa yaae awa ilahhooár ta gáwtí tleesi kawa haniisi dír AAKOÓ MUNGÚ, i aleesleerá' kiwa /aga' umuúqo dír hhoohhooe, kuúng nee na/iiwók awa daaqaay nee awa dasuuwo. Muruuwí an hariímarók nee xwaylarók, kwí tinda haniís as ilahhooár wayda nee múk Israeli.

TLAHHOÓ LAÁWI 7:14

Hee mandasmoó wák gun haniis dír AAKOÓ MUNGÚ baraá umuú ilahhooaro, mandaásaydá' tari oo kaahamusmoodá' tseerér ilahhooár wayda gaa hikimiis gawaá kitángw ilahhooa.

FAARO 18:1

AAKOÓ MUNGÚ Aroni guri bay, «Kuúng nee daaqaywók nee múk guruú doó baabuúwók dinkwa nee kuúng dakuúsár aa tleehharut didá' hhoohhooe i gawaá daandeemoohúng, ala dakuúsár aa tleehharut baraá gadiyér kahamuusi'iimaro i gawaá daanduuwók nee daaqaywók kiloohúng.

FAARO 18:10

Muruuwí /ayaak as tawa muruú ló'wa hhohhó', nee múk muruuwí gu /aáy a hhawaate kilooín, asma muruuwí dirhunge ku ló'wa hhohhó'.

FAARO 18:19

«Muruudá' sleémeero hhohhó' oo múk Israeli ni aníngí hanmiisi, aníng ngu kuúng i haniís, nee daaqaywók nee dasuuwók as tawa hariímar'ín daqisleém. Gaarí an alqadór alhhe'eesay wasl dir'eene nee diroge nee dír xwaylaroge.»

FAARO 18:8

AAKOÓ MUNGÚ Aroni guri báy, «Aníng ilahhooadá' múk Israeli naa aníngí haniís, aníng ngi kuúngí haniís, muruudá' sleémeero hhohhó' naa aníngí haniisiyé', muruudá' sleémeero taa dimbé paraátl nee múk Israeli. Muruuwí sleémeero ngun kuúngí haniís nee daaqaywók as tawa koohúng, nee an hariímarhúng ar kahamuusi'iima ay alhhe'eesáy wasle.

DABE 18:3

«Gaarí an hariimár kaahamuusér Mungú: Muruudá' ta ilahhooár wa tsu/i, adór hikwa, nee bee/aangw, kaahamuusér Mungú ya'aá geera ngi sleer, nee taqeesama' nee xooslár gura'.