FAARO 18:1 - Biblía Axweesantá Hhohho' ar Mungú 2004

¹ AAKOÓ MUNGÚ Aroni guri bay, «Kuúng nee daaqaywók nee múk guruú doó baabuúwók dinkwa nee kuúng dakuúsár aa tleehharut didá' hhoohhooe i gawaá daandeemoohúng, ala dakuúsár aa tleehharut baraá gadiyér kahamuusi'iimaro i gawaá daanduuwók nee daaqaywók kiloohúng.

FAARO 18:1 Iomraidhean Croise

TI'INAANGW 28:38

Aroni parereehhamtí ngin gawaá gitse/aawósí qaas, nee gawaá parereehhamtihe lo'odu nee tlakweema sleémeero awa xoorór Israeli naa tleehhiyé', qoomár niwa ilahhooár hhohhó' hanmisiya', ngin gagaar, aníng ilahhooadá' ngari ya/aám.

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

ESEKIELI 4:4

«Daqaní tláw ta qát ar bihhiiwók awa doó basáy. Qooma sleémeerowo ar tawa adoorír hot, tlakweemaá múk Israeli in gagát adór huwár iloo'.

TLAHHOÓ LAÁWI 10:17

«Ahaá waáy, ilahhooár tlakweema hingeesa masa didá' hhoohhoó' wa /agi'iiká? Asma ka ló'wa hhoohhoo' Mungú ngina dirhúngí haniís as kahhó' kuungá' dakuúsár xooro kawa hingeesa', nee haraki/isa kawa tlehha' dír geeraá AAKOÓ MUNGUHE.

TLAHHOÓ LAÁWI 22:16

Xoorór Israeli mingiwa baraá dakuúsar'ín i dahaás as muruú /aymár hhohhó' nguwa /ayiyé', sakwasleemár hariím as dakuúsar'ín nee tlakweemaaín ngiri slayá'. Aníng a AAKOÓ MUNGÚ kudá' muruusíng gwaa paraatl.»

TLAHHOÓ LAÁWI 22:9

«Kaahamuusér Mungú gár kawa hariím a hara'ayar'eé' ngin oohiyá', as kahhó' tlakweema mingiwa tleehhiyé' nee kiri didá' hhoohhoóí tsuu/. Aníng a AAKOÓ MUNGÚ, kudá' inooín gaa paraatl.

FAARO 14:34

Kuungá' slahh'amu nu sláy as daanduú tlakweemaahúng kureeri mibeeri tsiyáhh adoodár kilá' deelór mibeeri tsiyahhe yaamu kiwa tsawtsawusé', kurkú wák a adór baalár wák, kuungá' daqaní a tsahhá' adór aníng muuna ira gaás.

FAARO 16:10

Mungú naa ilaiwa/amér i haniís inós kuwa i tseewuura', kuungá' dinkwa nee múk Laáwi sleémeero. Tam adoorí hám daxta a malé kaahamusi'iimár sla'á'a?

FAARO 17:13

Umuúqo heé heémár AAKOÓ MUNGÚ gaa i tseewuyi aqo in gwaa'. Xáy a hhaamána sleémeero?»

FAARO 17:3

nee umuú Aroni gooiimeek gawaá hhartidá' tinda huúw as múk tlahhoó Laáwi. Hhartá wák ar daanduú geeraharusmoó tlahhaay.

FAARO 17:7

Mose hhadoodá' giri qaás sleémeero dír geeraá AAKOÓ MUNGÚ baraá heémaadár lamabu'uungw.

FAARO 18:11

«Sleeme muruú hatlá' sleémeero oo múk Israeli ni duuxi adór ilahhooár ta haniisi dír Mungú, muruuwí a kók. Muruuwí ngu dirók i haniís, nee dír daaqaywók nee dír dasuuwoge, tawa hariímarhúng ay alhhe'eesáy wasle. Hee barnaxes ku harmeetinká baraá xwaylaroge i harín muruuwí nguwa /ayi.

FAARO 3:6

«Múk tlahhoó Laáwi diirí tseeweesang, ki dír geera kaahamusmo Aroni i sihhtís as inós nguwa sagadiyuusiya'.

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

HAR'OHUUSE 17:12

Mika masoomoodá' guri kaahamusmoó wa qaás, iri do'ós wa hoót.