FAARO 17:3 - Biblía Axweesantá Hhohho' ar Mungú 2004

³ nee umuú Aroni gooiimeek gawaá hhartidá' tinda huúw as múk tlahhoó Laáwi. Hhartá wák ar daanduú geeraharusmoó tlahhaay.

FAARO 17:3 Iomraidhean Croise

TI'INAANGW 6:16

Daxta umeerí ar daaqoó Laáwi nee xwaylar'ín: Gershoni nee Kohati, nee Merari. Laáwi kureeri ngaa hoót a tsiiruú wák nee mibeeri tám nee faanqw.

TI'INAANGW 6:20

Amramuwí hho'ór baabuúín Yokebedi gari duúx, nee inós Aroni nee Mose giri laqwál. Kureeraá Amramu aa hoót a tsiru nee mibeeraá tám nee faanqw.

YEREMIA 42:20

aga qwadé' nee slafingwhúng ugwa baraá tsaxwáy hubé'. Asma kuungá' aníng ina ya/abé' dír AAKOÓ MUNGÚ, Munguúhúng, tawa kata', ‹Ti aleefiriin dír AAKOÓ MUNGÚ, Munguúrén, tidá' niqo sa ooi, kuúng ngi ó', atén a tleehhaán.›

ESEKIELI 37:16

«Heewí, xwaytsír wák taatahheek, nee /aymi'iiká' gawaawós ti gooiin, ‹Dír múk Yuda nee oo Israeli kudaá mar'eefo.› Naagáy xwatsatsír hatlá' taatahheek nee /aymi'iiká' gooimeek gawaawós, ‹Dír Yosefu (xwaytsír Efraimu) nee múk Israeli kudá' guruú doó wák.›

FAARO 17:2

«Múk Israeli ádbaweek u hhadaá mibaá nee tsár i huwiye', umuú geeraharusmoó tlahhaywo hhara wak. Heé hhara nga huuw umuuwós ku gawaá hhártí gooiín,

FAARO 17:4

Hhadoodá' ki qás baraá heémár Mungú dír geeraá sandakmoó alqado, didá' aníng nee kuúng tay dogaagitaan.

FAARO 18:1

AAKOÓ MUNGÚ Aroni guri bay, «Kuúng nee daaqaywók nee múk guruú doó baabuúwók dinkwa nee kuúng dakuúsár aa tleehharut didá' hhoohhooe i gawaá daandeemoohúng, ala dakuúsár aa tleehharut baraá gadiyér kahamuusi'iimaro i gawaá daanduuwók nee daaqaywók kiloohúng.

FAARO 18:7

Ala kuúng kilók nee daaqaywók gadiyér kaahamuusi'iima sleémeero an tlehhá' ar ilakaahara, ar dír kitángw ilahhooa nee muruudá' sleémeero oo didá' ak hhoohhoo' ar alaá inqwaaridá' do' gwaa qasis. Gaarí an gadiyérhúng, asma kaahamuusi'iima ngina qeemu wa haniís. Heé hatlá' barnaxes aa tseewúy ku gaasi.»

FAARO 26:10

Qoomaadae yaamu afa nguna awaatlyé' inooín kiri guú/ nee Korawo tari alqaátl, nee bartidá' Kora gwaa eehadi qoomár asla múk tsiire tsár nee mibeeraá kooán nguwa qororo'ós. Tari adór naanaqa dír muko.