FAARO 16:5 - Biblía Axweesantá Hhohho' ar Mungú 2004

⁵ Kora nee mukós kudá' gwaa eehari giri báy, «Matlo matlaatle, AAKOÓ MUNGÚ heewós ngu laqán, nee axáy a heemá oo hhoohhoó', nee a heemá oo i pa/aángwí haniisi oo inós gu i tseewúw, kudá' aa tsawaár an kudá' gu i tseewúw.

FAARO 16:5 Iomraidhean Croise

WARA'AMI 105:26

Aluuwo lawaalmoowós Mose guri ya/aáw, nee Aronidá' aa tsawaár guri ya/aáw.

WARA'AMI 115:10

Múk guruú doó Aroni harahhifo qaasaak dír AAKOÓ MUNGÚ. Inós nu alee/iimiis nee nu baqamín.

WARA'AMI 65:4

Heé amohhoó' an kudá' kuúng taa tsawát, nee kuri dahi'ís iwa hooti didár hotaawók wa ale. Ar hhoeemaá do'oge atén aga yaandahhe'eesaán.

TI'INAANGW 28:1

«Kuúng Móse, tláw hhiyaawók Aroni nee daaqaywós Nadabu, nee Abihu, nee Eleasari nee Itamariwo paraatleek dír xoorór Israeliro, as tawa kaahamuusér aníng i sagadiyuus.

TI'INAANGW 28:41

Hhiyaawók Aroni nee daaqaywose in tsiitís ar tlabaasingá', daqaní ki iimbaláx di/to, kiri dákwí qás as kiwa paratl tawa kaahamuusér aníng i sagadiyuus.

TI'INAANGW 28:43

Suruwánaywí Aroni nee daaqaywose ngun dahamiisiyá' umuúqo barni baraá heémár Mungú kayá', laqaá barta dír kitángw ilahhooa káy, as gadiyér'ín ar kaahamuusi'iima ngiwa tleehhiya'. Adoorí birnga tleehhi'iiká, tlakweema ngaa tleehhiyé' nee nin qatliyá'. Dakwí i warqayká dír Aroni nee daaqaywose ay kureér.»

YEREMIA 30:21

Geeraharusmooín kun baraá tla/angw'ín wa sláy, waawutmooín ku sláy baraaine, inós aníng u dir'eénií tseeweés, inós niri tseewúy. Asma heé dir'eénií tseewúw ar /uuruuwós tumu wák i kaahh. Anuú AAKOÓ MUNGÚ tí ngina oó'.

YEREMIA 49:19

Ga/aawaak, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Edomu ngur guus baraá yaamuuín wa alé. Aníng geeraharusmooeé' oo aníng i iialooeemiís un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlaampa'aás a gaalá?

YEREMIA 50:44

Ga/aaweek, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Babuloni ngur guus baraá yaamuuín wa ale. Aníng geeraharusmooeé' oo ni slaa' un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlampa'aás a gaalá?

ESEKIELI 40:46

Nee kutuwidá' /iikú ga/aw an kutuwír kaahamuusér Mungú, tidá' gadiyuus dír kitángw ilahhooár wa ale. Kaahamuuseerír Mungú ar guruú doó Sadoki, inooín kilooín an múk taa pa/aángwí haniís baraá tlahhoó Laáwiwo, iwa dír geeraá Aakoó MUNGÚ kakaya'.»

ESEKIELI 43:19

Daqaní ku hanís dír kaahamuuseedár tlahhoó Laáwi, kudá' awa xwaylár Sadoki, inooín kilooín aníng i haratseewuye', as iwa sagadiyusiya'. Anuú Aakoó MUNGÚ tí aga oó'. Tsa/tamoó niiná oo awu ti sleer as tawa ilahhooár tlakweema hingeesa.

ESEKIELI 45:4

Yaamuuká' awa diirí an yaamaá hhoohhoo' dír ayahunge, nee yaamaá taa paraátl as kaahamuusér Mungú, tidá' AAKOÓ MUNGÚ sagadiyuus didár hotaawós wa ale. Baraakae inooín maray'ín ki tleehhi, nee a dír dooeé' sleeme.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

TLAHHOÓ LAÁWI 8:2

«Aroni ar tlaweek nee daaqaywose, nee tlabadaá kaahamuuseero, nee dí/tá kir iimbalaxa nee awuú ilahhooár tlakweema hingeesaro, nee gwaandaawe tsár, nee lakwaantír mikaátér taa sluuftisiiká.

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »

FAARO 16:3

Inooín tari burumburiít dír geeraá Mose nee Aroni ngiri bayé', «Kuungá' daxta ado a tlahhmisá', dinku'uumaarí ka hhoohhoo' nee umuú hee oo baraá dinku'uumarí ku hhoohhoó', nee AAKOÓ MUNGÚ a dinkwa nee atén sleémeero. Ahaá waáy bare kuungá' daxta tin múk urén tlehhitá' dír daanduú xoorór AAKOÓ MUNGUHE?»

FAARO 16:6

Gimsé', adoorí tleehhaak: Matlaatleero kuúng dinkwa nee mukók xosluudá' ta gil'ór qamaamin tataahhaak,

FAARO 17:5

Hhartá heé naa tsawaár in harmá/. Ar gawaá loohirihe qununu/oó múk Israeli daanduuhunge un faák.»

FAARO 17:8

Matlaatlér taa kayi, Mose iri dáh baraá heémár lamabu'uungw. Baraadae hhartá Aroni oo tlahhoó Laáwi, ina harmá/, nee iri /ayús nee mamu naa hamaariyé' awa xa'anoó taa bay loósi.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Tlehhema'aá ya/Abuuse 1:2

ay qoomaadá' inós kuwa ar tláy gawaá doori. Qoomaadae inós ya/abuuseerós tidá' aa tsawaár gana hara'ayiiyín ar /uuruú Qeeruú hhoohhoó' oo Mungú.

Tlehhema'aá ya/Abuuse 1:24

Mungú kuri firín, tari oó', «Aáko, kuúng munér muu sleémeero a xú', dír mukwí tsare heé kuúng taa tsawát laqaamang,

Tlehhema'aá ya/Abuuse 13:2

Looarka wake múk kríshaanáy qoomár iwa Munguú sluufmiis nee tawa gwaawiwin, Qeeruú hhoohhoó' oo Mungú giri báy, «Barnaba nee Saulo amor'eé' paraatlare' as gadiyeédá' ngiwa ateét.»

Tlehhema'aá ya/Abuuse 15:7

Tari ló'wa kaa/uús. Aluuwo Petro iri sihhiít, iri oó', «Hhaee'eé', kuungá' a xuá' adór iimír aange Mungú aníng ira tsawaár tla/angwhúng wa ale as Ya/abtór hho' ngiwa alki/iit dír múk xoordaá hatlá', as inooín kawa haratlintii'i.

Tlehhema'aá ya/Abuuse 22:14

Aluuwo iri oó', ‹Munguú baabi'iirén kuúng ugwa tsawaár as sla'aarirós kawa tsahh, nee Kudá' Ganaá' kuwa aan, nee afoorós ar kilá' kawa axas.

Efeso 2:13

Ala hám daxta, baraá Kristo Yesuwo, kuungaádá' aáng saawá' bál geeraawo, tunda tseeweés as gwa'arár Kristo.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

Geehhoeemaá 1:6

Inós atén tina waawuti'iimár i sláy, tiri kaahamuusér Mungú wa qaás, as atén Mungú, Baabuúwós, kuwa sagadiyuusaan. Xirif nee aleesleemu i dirós ay alhhe'eesay wasle. Amin.

1 SAMUELI 2:28

Múk do'ós una tsawaár baraá tlahh'aá Israeli sleémeero tawa kaahamuuser'eé', iwa tsa/ana' didár kitángw ilahhooa kawa hanmamisi, nee mooyágw tsuú' nguwa tleesiyá' nee hiyaydá' ta bay naifeéra nguwa dahamisiya, dír geeraaeé' wa ale. Ahaá aníng ilahhooa sleémeero ar xoorór Israeli naa hanís dir'eéní ale ar loohír da/a/aangw aga hanisikáhe dír múk doó baabuúwók?