FAARO 16:32 - Biblía Axweesantá Hhohho' ar Mungú 2004

³² afa nguri awaatliyé' inooín ngiri gu/iyé' dinkwa nee múk maray'ín sleémeero, mukdá', nee eeharuusér Kora nee daqaari'iimar'ín sleémeero.

FAARO 16:32 Iomraidhean Croise

IIMU/UUNGW 4:11

Hám daxta kuúng taa lu'ús baraá yaamuwo, kudá' tseerér hhiyaawók ngaa ilaoohiye' ar taa ku'ús ar dakók.

1 QOM'I 6:22

Daaqoó Kohati a kwí: Aminadabu, Aminadabu ina laqwaál Kora, Kora ina laqwaál Asiri,

1 QOM'I 6:37

garmoó Tahati, garmoó Asiri, garmoó Ebiasafu, garmoó Kora,

WARA'AMI 106:17

Qoomaadae yaamu nari gweeritiyé', Datani nguri gu/iyé', Abiramu nee daqtose ngway fooliyé'.

WARA'AMI 141:7

Adór migír kur feehhamamisi nee kur parhhamaamisi yaamií ale, an adór faduuín kir tsiyayaxi dír afkú /etángw baraá gi'i.

WARA'AMI 84:1

Dír hootawók i ló'wa sla'atimis, AAKOÓ MUNGÚ Aleesleemusmo!

WARA'AMI 85:1

AAKOÓ MUNGÚ, yaamuuwók iga wangexwát, slám Yakobo ugwa hariímarós tida' hhoo' i ki/ís.

WARA'AMI 88:1

AAKOÓ MUNGÚ, ba/amusmooeé', tlaatla/aangw nee xweeraawo án kuúng un i /aa/amiím.

ISAYA 24:19

Yaamu i ló'wa gwagwa'aná', yaamu i ló'wa feehhamitiyá', yaamu i taa/aná' ló'wa ale.

ISAYA 5:14

Gawaá adoorihe gi'i i muk'ín daamarná' ar haayi, afe nga awaatliyé' ay alhhe'eesay. Kudá' ilaiwa/amér koomá' awa múk Yerusalemu, tan baraadá' i dah ar daqooráy, tam nee kudá' sleémeero tí ngi saqwalala/a'a.

FAARO 16:17

Umuú heewo dirhunge xooslmoowós oo asla ngu taataahhi nee mooyángw tsuú' ngu gawaadá' i qaasi, nee guri huuw dír geeraá AAKOÓ MUNGÚ. Xooslaarí dinkwaaro a tsiire tsár nee mibeeri kooán. Sleeme kuúng nee Aroniwo umuú heewo xooslmoowós.»

FAARO 16:30

Ala barnaxes AAKOÓ MUNGÚ gár /aben gaa tleéhh, yaamu afa nguri awaatliyé' as inooín ngiwa gu/iya', dinkwa nee muruuín kudá' sleémeero i kona'a, iri slafi /eetiyá' baraá gi'i, daqaní ka xuá' adór mukwí AAKOÓ MUNGÚ ngura waaqaaiyé'.»

FAARO 16:31

Qoomaadár kilá' Mose kaangwí sleémeero ooaro nguwa hhe'eés, yaamuudaá didár Datani nee Abiramu niri feehhitiyé',

FAARO 16:33

Naagáy, inooín dinkwa nee muruuín sleémeero kudá' ta kon tari slafiingw /eét baraá gi'i. Yaamu niri haraki/iyé', sleémeero tari hhán.

FAARO 16:49

Faarór múk aa qaatl baldae a kume mibaá nee tsiyáhh nee tsiire faanqw, kudá' naa qatliye' as dee/anuú Kora kaa dír kuká' i harafariiká.

FAARO 26:10

Qoomaadae yaamu afa nguna awaatlyé' inooín kiri guú/ nee Korawo tari alqaátl, nee bartidá' Kora gwaa eehadi qoomár asla múk tsiire tsár nee mibeeraá kooán nguwa qororo'ós. Tari adór naanaqa dír muko.

FAARO 26:11

Tam adoorihe daaqoó Kora aa qatliiká.)

FAARO 27:3

«Baabuúrén ina gwaá' baraá xaanxaay, inós na/oó garma gu konká. Inós i kaahh baraá mukdá' Kora gwaa eehari, kudá' aa burumburiit daanduú AAKOÓ MUNGUHE, inós ina gwaá' as tlakweemaawós kilós.

FAARO 4:18

«Múk guruú doó Kohati mukuwa hhaamiís baraá tla/ángw múk tlahhoó Laáwiwo.

DABE 11:6

nee muruudá' sleémeero aa tleéhh dír Datani nee Abiramu, daaqoó Eliabu, garmoó Reubeni, adoodá' yaamu nira afa nguri awaatliyé' dír geeraá múk Israeli sleémeero wa ale, nee mukdá' sleémeero nguri gu/iyé', nee heemaduuine, nee hikwaaín, nee sagadiyuuser'ín sleémeero.

Geehhoeemaá 12:16

/Ameenidá' kari alee/iís nee yaamu. Yaamu afa nguri awaatliyé', yaaeedá' ngiri gu/iyé', tidá' dayshamo aa baraá afkós wa waá/.