FAARO 16:3 - Biblía Axweesantá Hhohho' ar Mungú 2004

³ Inooín tari burumburiít dír geeraá Mose nee Aroni ngiri bayé', «Kuungá' daxta ado a tlahhmisá', dinku'uumaarí ka hhoohhoo' nee umuú hee oo baraá dinku'uumarí ku hhoohhoó', nee AAKOÓ MUNGÚ a dinkwa nee atén sleémeero. Ahaá waáy bare kuungá' daxta tin múk urén tlehhitá' dír daanduú xoorór AAKOÓ MUNGUHE?»

FAARO 16:3 Iomraidhean Croise

ESRA 9:2

Asma inooín nee daaqay'ine dasuú mukdá' nguna duxuutiyé'. Gawaá adoorihe xooroodá' hhoohhoo' ar Mungú taa haragasiyé' nee xoordaá hatlá', slám dabér múk urén ina giiriín baraá dakuúsarihe.»

WARA'AMI 106:16

Baraá xafaywo muu Mose guri da/itá wa ár, tam Aroni, kudá' hhoohhoó' oo AAKOÓ MUNGÚ.

WARA'AMI 68:17

Gaardaá Mungú i /uuruú koná', ki ló'wa yaariir. Faaror'ín a kumér kúm. Aakoó Mungú nina Sinaír wa tláy, ay dirós tidá' hhoohhoo'.

TI'INAANGW 19:6

Kuungá' dir'eene tari waawuti'iimár kaahamuusér Mungú nee xoorór hhoohhoo' ar Mungú.› Axweesanaywí an kudá' ta o' dír múk Israeli.»

FAARO 14:14

yaamuloouusér yaamuuká' kan kaangwí báy. Inooín ngaa qaroó axaasiyé' adór kuúng AAKOÓ MUNGÚ tar dinkwa nee atén, asma kuúng AAKOÓ MUNGÚ tina laqaán ar uhumoó huunki iwa gawaá daanduú heémarí sihhiít, nee kuúng tina geeraahát tlatla/ango ar uhumoó huunki nee xweeraawo ar uhumoó asla.

FAARO 16:11

Gawaá adoorihe kuúng nee mukoge aga burumburité' AAKOÓ MUNGÚ kuwa i slaqwa'. Xáy Aroni a heemá kuwa i qununu/a'?»

FAARO 16:41

Matlaatlér taa kayi, múk Israeli sleémeero ina qununuú/ dír Mose nee Aroni tawa kaahi, «Múk AAKOÓ MUNGÚ ugwa tsu/é'.»

FAARO 16:7

gil'ór asla ka qasá' nee muruú mooyángw tsuú' ku gawaá daanduudá' i qasá', nee daqaní ngi hubá' dír geeraá AAKOÓ MUNGÚ. Daqaní a tsaahhaán heé taa tsawaár nee AAKOÓ MUNGÚ a heemá. Kuungá' múk Laáwi ado aga tlahhasé'.»

FAARO 23:21

Mungú tlakweema dír múk Yakobowo gaa ariiká, tam tlií/ gaa ariiká dír múk Israeliwo. AAKOÓ MUNGÚ, Munguúín i dinkwa nee inooín. Inós baraá tla/angw'ine kun sabaraa/ adór waawutmoó wa ale.

FAARO 35:34

Yaamuuká' ta hota' mi hhitiimara', kuká' án niwa baraá tla/angwhúng wa hoot, asma anuú AAKOÓ MUNGÚ an hoót baraá tla/ángw múk Israeli wa ale.»

FAARO 5:3

Múk adór kwí tsee/a tay duxe' baraá xafayhunge, hhawaate nee /ameenaaro, as inooín xafay'ín munguwa meetagasiyé', kudá' aníng niwa baraá tla/angw'ín wa hoot.»

Tlehhema'aá ya/Abuuse 7:39

«Heewí baabi'iirén ngwa slai'iiká ilaiwa/ameero, ala kuna sií' amór saáw i alé, nee baraá muner'ine tari kií/ Misri.

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.