FAARO 16:22 - Biblía Axweesantá Hhohho' ar Mungú 2004

²² Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 16:22 Iomraidhean Croise

IIMU/UUNGW 18:32

Abrahamu iri malé oó', «Aáko, ma buhhaar, án ni malé ilawaáts waiiká' kilooine. Xáy, bar awa mibaangw i dayá'?» Aako iri oó', «A qwaareesaaká as kusingá' mibaangw.»

2 SAMUELI 24:1

Ki/imaá hatlae AAKOÓ MUNGÚ iri buúhh as xoorór Israeli. Daudi guna /agís gawaá daanduú múk Israeli, guri báy, «Múk Israeli faareek, nee múk Yudawo.»

2 SAMUELI 24:17

Daudi malaykamoodá' múk tsuú/ nguwa ár, AAKOÓ MUNGÚ guri báy, «Qaytsiít aníng an tlakusmo! Anuú kilá' ana dakuús! Aníng aga dakuús! Mukwí tsaén aa gaa dakusiiká. Án kuúng u harhheehhe'eés kángw kilae, aníng na muxáng, nee múk guruú doó baabuúeene.»

YOBU 12:10

Slafíngw umuúqo makiito'ooro i baraá dabaawós, slafíngw umuú hee i baraá dabaawós.

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

ISAYA 57:16

Aníng a kumitaaká muk'eé' lu'umisuuwo sleeme nu i buhhaaká daqisleém, asma geeraawo qeereemaaká' naa tleéhh, kuká' naa slafíngwí haniís i dír geeraaeéní nusqumiitiyá'.

YEREMIA 32:27

«Ga/aaweek, aníng a AAKOÓ MUNGÚ, Munguú muu sleémeero, gár aníng ni harslaaqaat iqo deéro?

YEREMIA 38:16

Waawutmo Sedekia lo'o gari geeraá Yeremia wa /aáy ar naaqo, iwa kaahi, «Adoodár AAKOÓ MUNGÚ ir hotaatina, aníng kuúng u gaasaaká, laqaá u dabaá múk u slahh'eemiís i qaasaaká.»

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

TLAHHOÓ LAÁWI 10:6

Mose Aroni nee daaqaywos, Eleasari nee Itamari giri báy, «Se'eemerhúng ma xaafara' nee tsitayhúng mu feehhamiisara' as tsuunqumis, bar adooriheeká tundu tsuu/ nee AAKOÓ MUNGÚ, xooro sleémeero gari i buuhh. Ala hhaeehúng awa xoorór Israeli ngi aleeslayá' iwa hheehhe'eemiisiya' as asltadá' AAKOÓ MUNGÚ naa huwi.

TLAHHOÓ LAÁWI 4:3

Barnaxes heé adoosíng gaa tleehh a kaahamusmoó Mungú, kudá' taa iimbalaáx ar di/i, inós gár kuwa hariím a awuú niiná oo xaslxaansli wásl gun ilahhooár wa haniis dír AAKOÓ MUNGÚ as tlakweemaadá' hingeesa.

SEKARIA 12:1

Kaangwí an geehhoeemaá axweesantá AAKOÓ MUNGÚ daanduú Israeli. Tí an tidá' AAKOÓ MUNGÚ kudá' doori ga hhaaf, nee iihhafirír yaamu ga qaas nee qeeruú hee gwaa baraawós i tleehh.

FAARO 14:5

Naagáy Mose nee Aroni tari gur'eér qaát dír geeraá dinku'uuma sleémeero ar múk Israeli.

FAARO 16:23

AAKOÓ MUNGÚ ina axweés dír Mose, iwa kaahi,

FAARO 16:4

Mose kaangwí nguwa axaás, iri gurúr qaát.

FAARO 16:45

«Dír dinku'uumasinge ti paratle', hamír kilá' i adaá hhaamiís!» Ala Mose nee Aroni tana gur'ér ar qaát.

FAARO 27:16

«Aá AAKOÓ MUNGÚ, kuúng an iimu/úngw slafíngw umuúqo gár slafa. Aníng kuúng u firiím, hee qaaseek oo dinku'uumarók tí ga sagesihhmiít.

Rumi 5:18

Gawaá adoorihe tlakweemaá heé wák sakwasleema ngina huwiyé' dír muu sleémeerowo. Adoorí an adór tlehhmuú gan'amuú koóm oo heé wák sleeme, gár naa huúw a muu kuwa gan'amuú i harafaari nee slafiingw kuwa slay.

1 Korinto 13:7

Mura' sleémeero daanduuwós i qaasaro gu ya/aán. Mura' sleémeero gun harahhíf, mura' sleémeero gun haraxú', mura' sleémeero gun sa qiqtliín.

Ebrania 12:9

Baabi'iirén awa slaqwa atén tina muxiyé', nee atén inooín ngiri ilaiwawa/aán. Gawaá adoorihe a tsiníheéke Baabuúduú muneerén bura ak ilaiwawa/aán, as tawa slafaan.

YOSHUA 22:18

Ahaá waáy, AAKOÓ MUNGÚ eeharto musa male sié'? Asma kuungá' laarí bura sié' eeharto, inós matlo in qa/iit dír xoorór Israeli sleémeero.