FAARO 15:35 - Biblía Axweesantá Hhohho' ar Mungú 2004

³⁵ Naagáy, AAKOÓ MUNGÚ Mose guri báy, «Heé adór kwí harimaaro aqo kun gaas, kun tlaa/ér tlaquut nee dinku'uuma sleémeero tsee/aá xaftá wa ale.»

FAARO 15:35 Iomraidhean Croise

1 WAAWITÁ 21:13

Mukdaádá' tsár oo lamuuse iri iwiít Naboti nguri ilií duxuné', muu nguri bayé', «Naboti Mungú nee waawutmo gaa /ooslislín.» Naboti kuri duúx tsee/aá gixsárí ale, kuri tlaquút ar tlaa/e, kway gaás.

TLAHHOÓ LAÁWI 20:2

«Umuúqo heewo baraá xoorór Israeliwo, laqaá hoomtuú baraá tla/angw'ín hoota, bar na/aywós gwaa ilahhooár wa haniís dír munguú ta bay Moloki, gár heedaádá' kuwa hariím a gaasa, xoorór didá' gun tlaa/ér tlaqút ay dír i gwaai.

TLAHHOÓ LAÁWI 20:27

«/Ameeni laqaá hhawaata awa giaá duxuumá', laqaá awa da/ariirimá', gár kiwa hariím kin tlaquut ar tlaa/e, kiri tsuu/, tseerer'ín i gawaá daandeemooín.»

TLAHHOÓ LAÁWI 24:23

Naagáy Mose xoorór Israeli sleémeero gari kaangwí báy. Heedaádá' AAKOÓ MUNGÚ gwa lu'us, kuri tsee/aá xáftí duúx, kuri tlaa/ér tlaquút, kway gaás. Adoorí an adór xoorór Israeli aa tléhh, ar adór AAKOÓ MUNGÚ Mose ngura hara'ayín.

FAARO 15:36

Naagáy muu guri tsee/aá xaftí duúx, heedaádá' kuri tlaquút ar tlaa/e, iri gwaá', adoodá' AAKOÓ MUNGÚ Mose ngura hara'ayín.

Luka 4:29

Tari tláy, kuri duúx baraá gixsaro, kuri gawaá kaankír tloomár i huúw, tloomadá' taa gixsar'ín i tleéhh, as kuwa yaamií kwahhi.

Tlehhema'aá ya/Abuuse 7:58

Kuri duúx tsee/aá i alé gixsaro, kuri tlaquút ar tlaa/e. Nee lamabu'uuse inqwaruuín guri qás dír ya'aá garmaako ta bay Saulo.

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.