FAARO 15:30 - Biblía Axweesantá Hhohho' ar Mungú 2004

³⁰ «Ala barnaxes hee iwa dakuusi ina tsabín a dakuús ar pa/aayorooká. Inós bar an yaamuloousmo, laqaá hoomo, inós gár kuwa hariím a gaasa. Asma inós AAKOÓ MUNGÚ gun waaqaqaa'.

FAARO 15:30 Iomraidhean Croise

IIMU/UUNGW 17:14

Umuúqo hhawaata oo ta hheehhe'eesiiká kun paraatl dír mukose, asma alqador'eé' gaa boo/eesiiká.»

YOBU 38:15

Múk tlákw ku gwa/aateemaá /iit, nee daber'ín ar naa tleesiyé' as tlakweema tlehhit kan giqáy.

WARA'AMI 19:13

Anuú sagadiyusmoowók baqáng baraá tlakweemaá fahhariro, as aníng tlakweema miwa baaliyé'. Daqaní aníng a heé ganaá', tam dakuúsár ur aga tleehhiiká.

WARA'AMI 69:9

Sla'aarír do'ók i hamís baraaeene, tí slafingw'eé' gu ar ti'ít, nee niqaydá' kuúng tur niqimisi aníng iga sláy.

WARA'AMI 74:18

Ala AAKOÓ MUNGÚ, tí inslaweek, wakuuse i kuúng niqimís, múk daktana umuuwók gu waaqaqaa'.

WARA'AMI 74:22

Mungú, kuúng sihhiít, ti aleekala/ kilók ale! Inslaweek adór tur niqin nee daktana tlaatla/aangw sleémeero.

WARA'AMI 79:12

Aá Aakoó Mungú, xoordukaá digimuú inslaawaay awa kuúng u /oosliislimá', li/aay gawaaín ti bu' sagaáwa faanqw.

WARA'AMI 89:51

AAKOÓ MUNGÚ, wakuuseerók waawutmoowók kudá' taa tsawát ngu niqimisiyá'. Ngu niqimisiyá' umuúqo dír i kaya.

TI'INAANGW 21:14

Ala hee barnaxes ina tsabín kuqá' nguwa geewaqaati, guri gaas, heewí tam bira goów dír kitángw ilahhooa, ku didá' wa hingeesá', ku gasá'.

TI'INAANGW 30:33

Heé di/tá adór tí gaa tleehh nee heé di/tí gaa heé iwa harindaakár iimbalaax, heé adoorí gaa tleehh a baynitisa.› »

AXWEESANOÓ SAGALOOA 14:31

Heé narkutmoó baramaanuús a Tleehharusmoowós gun /oosliislín, Ala heé gwaa sa hhooay a tleehharusmoowós gun ilamurumiit.

ESEKIELI 20:27

«Hám daxta heewí, múk Israeli baweek, aníng Aakoó MUNGÚ a kah, ‹Baabi'iihúng ina /oosliisliné', asma nina iiawasleesiyé' dir'eene.›

TLAHHOÓ LAÁWI 20:10

«Hhawaata nee harér inslaawmoowós barta fuquús, gár tsaraawo kiwa hariím a tsu/uta.

TLAHHOÓ LAÁWI 20:3

Aníng heedaádá' un hara sihhiít, ngway baynitís dír muk'eene, as na/aywós nguwa ilahhooár wa haniís dír munguú ta bay Moloki, nee adoodá' dir'eé' tidá' hhoohhoo' nee umuueé' kudá' hhoohhoó' nguwa slasla/areés.

TLAHHOÓ LAÁWI 20:6

«Hee barnaxes aa daqáy dír xu'utuusér gi'i, nee da/aluuse, ar adoodae inkihhimu ngway dakuús dir'eene, un hara sihhiít, ngway baynitís dír xooroorós ar Israeliro.

FAARO 15:29

Yaamuloouusér Israeli laqaá hoomár ayaaín hoota, dír mukwí sleémeero dakwí wák na eeharaak dír umuúqo heé dakuúsár pa/aayo gaa tleehhi.

FAARO 9:13

ala barnaxés hee kuqo hhoohhoó' nee i baraá aaií diri'iiká, deelór Pasaáka gaa oohiiká as adoodá' AAKOÓ MUNGÚ nguwa ilahhooárí hanisiiká qoomaadá' hariima, i hariín kuwa slahha'eesi as daanduú tlakweemaawós.

Matayo 12:32

Umuúqo heewo oo /aymuú /ooslima gu oó' daanduú Garmoó Heewo ku gurtláy. Ala umuúqo heewo oo /aymuú /ooslima gu oó' daanduú Qeeruú hhoohhoó' oo Munguhe, ku baloó gurtlayká baraá yaamuukae, tam baraá yaamuudá' xaw'a.»

DABE 1:43

Naagáy aníng nuri kaangwí báw, ala kuungá' aga axasi'iiká. Kitaangose kuungá' tidá' AAKOÓ MUNGÚ i kaahi ana sié' eeharto, tari sagerhúng ar awiindé', tari tleeré' baraá yaamaá tlom'i.

DABE 32:27

Ala aníng axweesantá wakuuser'ín ana da'ayuút, as wakuuser'ín mingiwa adór hatlár tsáhh tari ooi, ‹Atén aga baalimaán, nee AAKOÓ MUNGÚ inooín gaa alee/isiiká.› »

Ebrania 10:26

Atén xu'uti barnaxes aga slawaán daanduú looeemaawo, aluuwo tlakweemaá fahhaari kiri malé tleehhaán, ilahhooár ta gaasi ar tlakweemaadá' gi hingees i káhh daqaní.

Ebrania 10:29

Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee Qeeruú Mungú guri malé /oosliislín, kudá' tsuuqa gi hanmaamiís.

2 Petro 2:10

ak alé mukdá' ilatleerír slasla/aren ar slaqooín ga eeharahaár, kudá' aleesleemuú Munguú waaqaqaá'. Intsaahhatuuseerí ar lama inooín a afakaharuusér fahharuuse, slám a takaahuuse, slám ta daaraxiiká, ala tam malaykeedár aleesleemuú koom kan /ooslislín.

1 Yohana 5:16

Hee bar hhiyaawós gwa ár, i tlakweemaá tlehhiit, ala a tlakweemaá gwa'arár kooma'aaká, ngu aleefirin, nee Mungú gu slafíngw i haniis. Ala firoorí a har dír mukdá' tlakweemaá gwa'ara gaa tleehhiiká. Tlakweemaá gwa'arár koomá' i dayá'. Aníng a kaahaaká ngu aleefirin as tlakweemaaká'.

1 SAMUELI 2:25

Asma hee bar kuqá' ngwa sadakuús, Mungú gu aleekalaa/, ala hee bar AAKOÓ MUNGÚ ngwa sadakuús, heé gu alefiriím a heemá?» Ala afór baabuúín ngaa axaasi'iiká, asma AAKOÓ MUNGÚ gina wa tsabín ngiwa tsu/i.

1 SAMUELI 3:14

Gawaá adoorihe án doó Eli ugwa lu'ús, asma iringeédár doó Eli ka baloó hamaatliiká ar ilahhooa, laqaá ar mura' tsu/uta.»