FAARO 15:3 - Biblía Axweesantá Hhohho' ar Mungú 2004

³ anuú AAKOÓ MUNGÚ in ilahhooárí hanisá', ilahhooár da/a, laqaá ilahhooár muruú ta tsu/i, as hee al'axweesantós ngiwa boo/eesi, laqaá ilahhooár sla'aari, laqaá ilahhooár deelór uren, tidá' taa qaás as slaahhareeriiwós anuú AAKOÓ MUNGÚ iwa sla'atisiya'. Ilahhooarí ngi baraá hikwaahúng wa hanisá', nee baraá muruú ququmát.

FAARO 15:3 Iomraidhean Croise

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

ESRA 7:17

«Kuúng ilakaahareés, ar peésaarihe awe ka tláxw, nee gwaandaawe, nee deeloó bee/aango nee ilahhooár balaangw, nee ilahhooár muruú wahaangw, kuúng ki hanís ilahhooár wa ale, gawaá kitángw ilahhooa oo baraá Doó Munguúwók kuduú Yerusalemu.

WARA'AMI 54:6

Aníng ilahhooár muruú ta tsu/i ngi kuúngií haniís ar muunuú /awaák. AAKOÓ MUNGÚ, aníng umuuwók u sluufiís as kuwa hhoó'.

TI'INAANGW 29:18

Daqaní fu'uunaydá' sleémeero ki dá/ gawaá kitángw ilahhooa as ilahhooadár da/a/aangw ngiwa aníng i hanis, slaahhareeridá' tsuú' awa ilahhooadá' anuú AAKOÓ MUNGÚ iri sla'atisiyá'.

TI'INAANGW 29:25

Muruuwí ku dir'ín wa ar tleér ku dá/ gawaá kitángw ilahhooa dinkwa nee ilahhooadá' ta da/a/an as tawa slaahhareeraá aníng i sla'atimiisá'. Asma gaarí an ilahhooadá' ta hanmiisi dír AAKOÓ MUNGÚ ar loohirí kawa da/aa/an.

TI'INAANGW 29:41

Sleeme deelmooduú tsár un gás qoomár tsiindoowo, kuri ilahhooár wa hanís dinkwa nee ilahhooár balaangw nee ar wahaangw, adór kuduú matlaatle, ku dá/ baraá asla, slaahhareeraá ilahhooasíng anuú AAKOÓ MUNGÚ iri sla'atisiyá'.

TLAHHOÓ LAÁWI 10:13

Baraá ilahhooadár da/a taa haniisi dír AAKOÓ MUNGÚ, kuúng nee xwaylarók ka /agá' didá' hhoohhoó' wa ale, asma adoorí a gan'amu diroge nee dír xwaylaroge, adoorí an adór aníng tira hara'ayín.

TLAHHOÓ LAÁWI 27:2

«Xoorór Israeli adoorí baweek, hee bar al'axweesantós gaa oó' dír AAKOÓ MUNGÚ ar hee nguwa haniisi, heedaádá' ga aleesláy al'axweesantós ngiwa hingeesi ar peésa ngiwa haniisi. Nee qoomoó peésa oo ta haniisi a kwí:

TLAHHOÓ LAÁWI 7:16

«Ala bar sleedá' taa gaás ar ilahhooár al'axweesani, laqaá ar taa ilahhooár sla'aarír wa gaás, kan /aay baalaadár kilae, bartá aa met matloowose kan /aay.

FAARO 28:27

Ilahhooár da/a an hanisá' tawa slaahhareeraá tsuuá' awa AAKOÓ MUNGÚ ngu sla'atamiisá'. Gár ta hanisa' a awér tsár ar batlaay, nee gwaanduú wák, nee deeloó gwaandaawe oo faanqw oo kurkú wák.

FAARO 29:8

AAKOÓ MUNGÚ un ilahhooár dá/tí hanisá', tawa slaahhareeraá tsuuá' awa inós ngu sla'atimiisá'. Awuú wák oo batlitamo nee gwaanduú wák nee deeloó gwaandaawe faanqw oo kurkú wák. Sleémeero masók ki xaslxaansli wasl.

FAARO 6:15

Nee sleeme kikaapamoó mikaátér taa sluuftisiiká nee maandaásoó puuruú natsaatsaá', nee di/i, nee mikaátér daqa ninakw ar taa sliík ar di/i, dinkwa nee ilahhooár balaangw, nee ilahhooár muruú wahaangw.

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

2 korinto 2:15

Asma atén a adór mooyángw tsuú' oo Kristo dír geeraá Munguhe, dír mukdá' ta ba/amiimisi, nee dír mukdá' qwaqwadiima.

2 korinto 2:16

Asma dír mukwí qwaqwadiima atén a adór mooyángw baraá gwa'arár daáhh, oo gwa'arár huwahuúw. Ala dír mukdá' ta ba/amiimisi atén a adór mooyángw baraá slafíngw daáhh, oo slafíngw huwahuúw. Ala heé muruuwí gu aleesláw a heemá?

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:17

Muruuwí mu /ayaara' dír taqo hota'a, adór ilahhooarhúng ar gár wák baraá muruú mibaango ar balangwhúng, nee difaáirhúng, laqaá di/tahúng, laqaá barsuú hikwaahúng, laqaá oo bee/angwhúng, laqaá ilahhooarhúng ar al'axweesani, laqaá ilahhooarhúng ar sla'aari ar ta hanisa'

DABE 12:6

Nee sleeme didae kuungá' ilahhooár da/a ti hanise', nee ilahhooarhúng ar murú ta tsu/i, nee ilahhooár gár wák baraá muruú mibaango nee qeemuhunge, nee ilahhooár al'axweesani, nee ilahhooár sla'aari, tidár duxúng sla'aari, ar barsuú hikwa nee oo bee/angwhunge.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.