FAARO 15:27 - Biblía Axweesantá Hhohho' ar Mungú 2004

²⁷ «Heé wák bar aa dakuús ar pa/aayo, inós dareemír leei ar kurkú wák ngi ilahhooár tlakweema hingeesár wa haniisi.

FAARO 15:27 Iomraidhean Croise

TLAHHOÓ LAÁWI 4:2

«Xoorór Israeli ka beeto, bar hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, adór i tleehhi a tí:

FAARO 6:14

nee AAKOÓ MUNGUÚWÓS ngu qeemúy huwi oo deelmoó gwaanda oo kurkú wák oo xaslxaansli wásl as tawa ilahhooár da/a, nee dereemír bee/i ar kurkú wák ar xaslxaansli wasl, as kawa haniisi tawa ilahhooár tlakweema hingeesa, nee gwaanduú xaslxaansli wásl as tawa ilahhooár wayda.

Luka 12:48

Ala sagadiyusmoodá' gár muxtár wa hariim gaa tleehh, asma ngiwa xuiiká, inós muxtaaros ka ureeká. Kudá' muruú yaariír gwa slay, ar dirose ta slai ka yaariir. Kudá' taa muruú yaariír i saayín, inós kuqo iinuus muruú yaariire.»

Tlehhema'aá ya/Abuuse 17:30

Qoomaadá' iimi kawa boó/, Mungú muruuwí guna al qiqtlín, asma tawa adór muruú i ga/ayká. Ala hamí muu sleémeero umuúqo diiro gun ádbabáy tawa hhu'u'un.

Tlehhema'aá ya/Abuuse 3:17

«Ala hám daxta, hhaee'eé', aníng a xuú' adór tidá' kara tlehhé' as xuawaslerhúng, adoodá' geeraharuuserhúng aa tléhh sleeme.

1 Timoteo 1:13

anuúdá' aáng geeraawo inós ugwa /ooslaasliim, nee ugwa gusiisiim, nee ugwa slahh'eemiis. Ala Mungú aníng ina gurtláy, asma tí sleémeero ana tleéhh as xuawasler'eé'. Asma qoomaadae aníng Yesu ugwa haratlinti'iiká.