FAARO 15:16 - Biblía Axweesantá Hhohho' ar Mungú 2004

¹⁶ Kuungá' nee hoomoodá' dabér nu geeraharahaar a wak, nee kaahír nu geeraharahaar a wak sleeme.»

FAARO 15:16 Iomraidhean Croise

1 WAAWITÁ 8:41

«Tam hoomo sleeme oo naa xay amór yaamaá saawá' wa alé, oo heé Israeliwooká as umuuwók,

TI'INAANGW 12:49

Dabeerí i hariín dír yaamuloouusér Israeliro nee dír /eetuseedá' baraá tla/angwhúng hoota.»

TLAHHOÓ LAÁWI 24:22

Dabeerí in hariín as hoomoó ayaahúng hoót, nee yaamuloouuse. Asma aníng an AAKOÓ MUNGÚ, Munguúhúng.»

TLAHHOÓ LAÁWI 4:27

«Barnaxes a heé geeraharusmowooká tlakweema gina tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, inós iri dakuús.

FAARO 15:17

AAKOÓ MUNGÚ ina axweés dír Mose i kaahi,

FAARO 35:15

Gixsaduká' lahhooamaawo a dír xoorór Israeli ta i gogoowi dinkwa nee hoomár baraá ayaaín hoota, nee dahaayér deelór niinawe ar nee inooín aldinkwa. Umuúqo heé hee gwaa gaasi ar pa/aayo guwaywós a baraá gixsaduká'.

FAARO 9:14

«Barnaxes hoomoó ayaahúng hoót gaa slaá' deelór ur ar pasaáká ngiwa tleehhi dír AAKOÓ MUNGÚ, inós sleeme kaahi nee dabe sleémeero ar Pasaáka ngi oohi. Dabe nee kaahiro sleémeero kin eehar, barnaxes an hoomo laqaá yaamuloousmo.»

YOSHUA 8:33

Múk Israeli sleémeero dinkwa nee geeraharuuser'ín nee bariise nee har'ohuuseero nee hooma sleémeero ar baraá tla/angw'íní dirii', tana sihhiít bihhér sandakmoó alqado, dír geeraá kaahamuusér Mungú ar tlahhoó Laáwi, tidá' sandakmooduú alqadór AAKOÓ MUNGÚ loohamamiis. Muu tina tla/a tsaát, bahh'alé ta geeraá tloomár Gerisimu wa sihhimiit, bahh'alé ta geeraá tloomár Ebali, adoodá' Mose, sagadiyusmoó AAKOÓ MUNGÚ ngira qaroó oó', tawa adór múk Israeli kur tsuuqi.