FAARO 14:9 - Biblía Axweesantá Hhohho' ar Mungú 2004

⁹ Axáy kuungá' AAKOÓ MUNGÚ mu siaara', laqaá yaamuloousér yaamuudá' ma da'ayumiitaara'. Asma atén inooín i naanúr /ayanaaká, baqamor'ín kaa qaroó hingeés, nee AAKOÓ MUNGÚ i dinkwa nee atén, ma da'ayumiitaara'.»

FAARO 14:9 Iomraidhean Croise

IIMU/UUNGW 48:21

Aluuwo Israeli Yosefu guri báy, «Daxta aníng gwa'arar'eé' naa hamát, ala Mungú a dinkwa nee kuungá', inós kuungá' nu ki/is ay baraá yaamaá baabi'iihúng.

2 QOM'I 13:12

Ga/aawaak, Mungú inósuú kilá' an geeraharusmoorén, nee kaahamuusér Mungú i taruumbetadaá koón, taa amohhe'és ufahharo, as tawa layár slaqwara imu/uuma nee kuungá'. Kuungá' múk Israeli, ma slaqwara' nee AAKOÓ MUNGÚ, Munguú baabi'iihúng, asma kuungá' a baloó baalinda'aaká.»

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

2 QOM'I 20:17

Kuungá' a slaqwa'aaká nee inooín, kuungá' ti amohhe'ese' daqaní ka daandá', kuungá' aqo aandá' adór anuú AAKOÓ MUNGÚ nir kitangwhúng wa slaáqw. Kuungá' múk Yuda nee oo Yerusalemu, ma da'ayuumitaara', laqaá ma amoqwaqwadimara'. Tlawsé', slaqwara awaak matlo, AAKOÓ MUNGÚ a dinkwa nee kuungá'.› »

2 QOM'I 32:8

Inós /uuruú hee kilós gun kón, ala atén AAKOÓ MUNGÚ, Munguúrén, u koomaán, atén ti alee/iis, slamí tin aleeslaaqw.» /Aymi'iikaá waawutmo Hesekia muu nguna /uurií doogiyé'.

NEHEMIA 4:14

Ngiwa ár adór muu ir daimiít, múk urén nee geeraharuuse nee muu sleémeero una báw, «Ma da'ayuumitaara' tam adór niiná, Aako na iinslawaak, adór kur úr, nee ir dae tlaáq, ala hhaeehúng na sageslaqwaak nee daaqayhunge nee dasuuhunge nee tlaawayhunge nee marayhunge.»

WARA'AMI 106:24

Yaamuudá' hhoohhoo' ngiri waaqaaiyé', asma al'axweesantá Mungú nga haratlinti'ii'iiká.

WARA'AMI 121:5

AAKOÓ MUNGÚ an xuumusmoowók. AAKOÓ MUNGÚ i dakók oo doó /iyáy uwa aleeslaqwi.

WARA'AMI 14:4

Xáy, múk tlakweemaá tlehhiít ku tsuwá xu'uti wásle? Ahaá, masta hoot ar muruú muk'eé' kuwa hayohin ar /uuru. Slám inooín AAKOÓ MUNGÚ ngu firirina'aaká.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

WARA'AMI 46:8

Qwalaasé', araak tlehhma'aá AAKOÓ MUNGÚ. Inós tlehhma'aá waa/oo/amo gina tleéhh awa dae tlaaqá' baraá yaamuwo.

WARA'AMI 74:14

Kuúng sagér Lewiatani ana naasuúr, as tawa muruú /aymár múk baraá xaanxaay.

WARA'AMI 91:1

Kudá' taa baáq nee Munguúdá' gáwtí dirií', kudá' aa iwiit baraá mahhtuú Munguú Aleesleemusmo,

TI'INAANGW 14:13

Ala Mose muu guri báy, «Ma da'ayumiitaara'! Ló'wa sihhiité', nee ba/amár AAKOÓ MUNGÚ tidá' ni kuungií tleehhi laarí ka aandá'. Asma mukuú Misri ta ga/eera' laarí, u baloó aanda'aaká malé ale.

TI'INAANGW 33:16

Asma adór ir xu'utit adór aníng kuúng ira gurií bá/ barnaxés kuúng a dinkwa nee ateneeká? Kuúng bar dinkwa nee atén daqaní atén a múk dimbé baraá tla/ángw muu sleémeero oo daanduú yaamuwo.»

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

YEREMIA 1:19

Inooín tan slaaqw nee kuúng, ala u baaliaaká, asma aníng nee kuúng a dinkwa as uwa ba/amis. Anuú AAKOÓ MUNGÚ tí ngina oó'.»

YEREMIA 42:11

AAKOÓ MUNGÚ i kaahi, ‹Waawutmoó Babuloni mu da'ayumitaara' kusíng hám kuungá' ta da'ayumita', kár ee, mu baloó da'ayutara' tam adór niiná. Aníng a dinkwa nee kuungá' as nuwa ba/amis nee nuwa /iis gawaá dabaawose.

YEREMIA 48:45

Múk aa slaaqamiit i huungu/umaá waydú leelehhitiyá' dír gixsár Heshboni, asma asla aa ót baraá gixsár wa alé. Tsángw asla naa tláy amór doó waawutmo Sihoni wa alé. Yaamaá Moabu gaa hhaamiís, asla tlom'aá mukwí oo taamberuuse gaa /ák.

DANIELI 9:5

«Tlakweema iga tleehhaán nee aga dakusaán, muruú tlákw ugwa tleehhaán nee aga dee/anutaán. Hara'ayaarók nee dabeeroge aga siaán.

DANIELI 9:9

Aakoó Munguúrén, kuúng guruuwók i tlatláy nee tlakweemá muu in gurtleér tam handá' atén aga dee/anutani.

FAARO 13:30

Ala Kalebu muu guri gurkwa/ás dír geeraá Mose wa alé iwa kaahi, «Gusé' yaamuudá' i aalaán. Asma atén aleesleemu u koomaán oo arba/ati kawa slawaan.»

FAARO 17:6

Mose múk Israeli guri i axweés, umuú geeraharusmoowo hhartá wák gana huúw adoodá' tlahhaywós i dirii'i, hhado dinkwaaro a mibaá nee tsár. Hhartá Aroni sleeme i baraá hhadoodá' i dirí'.

FAARO 20:2

Didá' xafay'ín nguy tleehhiyé' a yaamaá ma'aá kooma'aaká. Gawaá adoorihe, muu sleémeero iri burumburiít dír Mose nee Aroni.

FAARO 24:8

Munguúdá' gaa leehh baraá Misri, gin aleslaaqw ar /uuruuwós oo adór kuquú saree/a. Xoordudaá wakuuseerós gin qororo'oos, faduuín gin giqáy, inooín giri tlaquut ar maheeriwós.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

DABE 1:21

Ga/aawaak, AAKOÓ MUNGÚ, Munguúhúng, yaamuuká' ngaa qaás dír geeraahúng i aleeró. Gimsé' yaamu oohaak, aalaak adoodá' AAKOÓ MUNGÚ, Munguú baabi'iihúng ngira oó'. Mada'ayumiitaara' laqaá ma amoqwaqwadiimara'.›

DABE 1:26

«Ala kuungá' adoodá' AAKOÓ MUNGÚ, Munguúhúng naa báy aga eehadi'iiká, as dahmaá baraá yaamuudá' kiwa sié'.

DABE 1:29

«Ala aníng ngiri báw, ‹Kuungá' mada'ayumiitaara' laqaá ma amoqwaqwadimara' as mukdá'.›

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

DABE 31:8

AAKOÓ MUNGÚ kuungá' nun geerahaar. Inós nee kuungá' a dinkwa. Inós i surukiiká dirhunge, laqaá nu geexayká. Mada'ayumiitaara', laqaá ma amoqwaqwadimara'.»

DABE 32:42

Maheerieé' in xufitiís ar tseere, paángar'eé' fu'unaay giri /ák, tseerér mukdá' taa tsuú/ nee kudá' taa hayóh, tam geeraharuusér wakuuse sleeme.»

DABE 7:18

Mi da'ayumiitaara', inslawaak adoodá' AAKOÓ MUNGÚ, Munguúhúng aa tleéhh dír Farao nee yaamu sleémeero awa xoorór Misri.

DABE 7:21

Gimsé', mi da'ayumiitaara', asma AAKOÓ MUNGÚ, Munguúhúng i baraá tla/angwhúng i dirii'. Inós an Munguú úr nee kudá' dae tlaaq.

DABE 9:7

«Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»

HAR'OHUUSE 1:22

Múk tlahhoó Yosefu sleeme, ina haratláy baraá gixsár Beteli, AAKOÓ MUNGÚ a dinkwa nee inooín.