FAARO 14:42 - Biblía Axweesantá Hhohho' ar Mungú 2004

⁴² Gawaá tlom'i mi kawaara' asma aluuwo kuungá' tundu tawo muux nee wakuuserhúng. Asma kuungá' nee AAKOÓ MUNGÚ ti alkoonda'aaká.

FAARO 14:42 Iomraidhean Croise

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

WARA'AMI 89:43

Kuúng xooslaarós ar slaqwara aga mutsuhhuúr, as kuwa baali baraá slaqwaraaro.

FAARO 14:43

Kuungá' barnaxes taa dogé' nee xoorór Amaleki nee ar Kana'ani a hhaandá' baraá slaqwararí ale, asma kuungá' AAKOÓ MUNGÚ eeharto ugwa sié', nee inós nee kuungá' ti alkoonda'aaká.»

DABE 1:42

«AAKOÓ MUNGÚ inósuú kilá' aníng iri báy, ‹Mukwí ádbaweek miwa slaqwarár áy, asma aníng nee inooín a dinkwaarooká, matawa daqáy aluuwo kiri baal nee wakuuser'ín.›

DABE 31:17

Baalaadae aníng inooín ngiri i daa/atúw buhhtaawo, aníng ngiri geexáw, ngiri alaá xu'ús, inooín kiri hhaamiis. Slahh'amaayér yaariir giri sleér, nee ngiri tsaahhiyá' adór gár slahh'amuudá' ngusa slayé' a as Munguúín tawa dinkwaarooká nee inooín.

YOSHUA 7:12

Gawaá adoorihe múk Israeli sihhitanór geeraá wakuuser'ín ga baloó aleeslayká. Inooín aqo tan geeraá wakuuser'ín wa gogoow, asma gár naa tleehhiyé' a gár gi hhaamiis. Aníng nee kuungá' a dinkwaarooká ay dír muruudá' taa paraátl as kuwa hhaamisi kway qororo'osa'.

YOSHUA 7:8

Xáy Aáko, aníng gár ni oo' a milá múk Israeli barnaxés taa goów geeraá wakuuser'ín wa alé?

HAR'OHUUSE 16:20

Delila Samson guri beér, «Sámsón, múk Filisti areengw, naa haratláy.» Samson baraá gu'uteero niri tláy, iri oó', «Aníng daa a tsee/aá káw adoodá' /iisí ni /imamiis, nee slaqwtaeé' ngi alduúx.» Ala inós gár i xui i káhh adór AAKOÓ MUNGÚ ngura geexáy.