FAARO 14:35 - Biblía Axweesantá Hhohho' ar Mungú 2004

³⁵ Anuú AAKOÓ MUNGÚ tí ngina oó', looeemaawo kuungaásingá' sleémeero aníng iga tlampa'ase' nu adoodá' taa katé' i tleéhh, kuungá' sleémeero an baraá xaanxaywí i hhaandá' nee an baraaká' i qatlá'.»

FAARO 14:35 Iomraidhean Croise

WARA'AMI 78:33

Gawaá adoorihe deelor'ín gana quqmaareés, adór hinsluú wa ale, slafingw'ín guna hartsaát ar gaansloó dae tlaáq.

TI'INAANGW 23:21

Ti harmagahhe', nee afoorós iiárií qaasaak, ma dee/anutaara' dirose, asma tlakweemaahúng gi gurtlayká, asma umuueé' in baraawós i dirii'.

ESEKIELI 20:36

Adoodá' baabi'iihúng ngira sakwasleemuút baraá yaamaá Misrír wa aleeró, an adoodá' aníng kuungá' nur sakwasleemuut.› Anuú Aakoó MUNGÚ tí aga oó'.

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

FAARO 26:65

Asma qoomaadae AAKOÓ MUNGÚ ina oó', «Kuká' sleémeero i qatliyá' baraá xaanxáy ale.» Ar ló', tam heé wák i kaahh oo aa gwaaiiká, ala aqo har Kalebu garmoó Yefune, nee Yoshua garmoó Nuni.

1 Korinto 10:11

Muruuwí ina tleehharuút as tawa slaqsaay, nee kuri gooín as atén tiwa intsaahhatisi. Asma qoomaarí atén tay diriiaan a qoomár alhhe'eesoó yaamu.

1 Korinto 10:5

Ala tam adoorihe awa yaariir baraaine Mungú ngwa sla'atisi'iiká. Gawaá adoorihe tu'uuín niri tlufaafuiyé' baraá xaanxáy wa alé.

Ebrania 3:19

Gawaá adoorihe aga araán adór dahmu ngura aleeslay'iiká, asma Mungú ngwa haratlinti'ii'iiká.

YOSHUA 5:6

Asma xoorór Israeli ina baraá xaanxáy wa harweerariín kureeri mibeeri tsiyáhh, ay qoomár hhawaate sleémeero awa afiqoomár slaqwara ngaa aye', kudá' naa baraá yaamaá Misrír wa ti'iitiye' niwa hhané', as afór AAKOÓ MUNGÚ ngiwa iialooeesi'iiká. Asma AAKOÓ MUNGÚ lo'o gana /aáy daanduuine ar yaamuudá' aa dír baabi'ii'íní al'axweés, kudaá diihhooár ilwa nee dane, daxta ngiwa sangw baloó ariiaaká.