FAARO 14:34 - Biblía Axweesantá Hhohho' ar Mungú 2004

³⁴ Kuungá' slahh'amu nu sláy as daanduú tlakweemaahúng kureeri mibeeri tsiyáhh adoodár kilá' deelór mibeeri tsiyahhe yaamu kiwa tsawtsawusé', kurkú wák a adór baalár wák, kuungá' daqaní a tsahhá' adór aníng muuna ira gaás.

FAARO 14:34 Iomraidhean Croise

1 WAAWITÁ 8:56

«AAKOÓ MUNGÚ i xirfuuti, kudá' mukós oo Israeli gwaa amoohhooár i haniis, adór al'axweesantós sleémeero i diri'. Al'axweesantós tidá' hho' aa oó' ar loohír sagadiyusmoowós Mose gaa boo/eés.

2 QOM'I 36:21

Adoorihe axweesantá AAKOÓ MUNGÚ tidá' aa oó' ar loohír aarusmo Yeremia iri bó/, tidá' kah, «Yaamaá i hootiya' i tawo iwiitiyá', ki doosliiká ay kureeri mibeeri faanqw, ar adoodá' kureeraá Sabaáto awa taa boo/eesiiká.»

WARA'AMI 105:42

Asma al'axweesantós ar hhoohhoo' gana insláy, tidá' aa oó' dír Abrahamu sagadiyusmoowós.

WARA'AMI 38:4

Tlakweemaaeé' naa tlahhiyé', iri harahuiyé' adór alwuór ma'aay. Ina al iilouyé' adór huwár gagaararo ni aleeslawaaká.

WARA'AMI 77:8

Sla'ariirók ar warqawaaká aa fáki ay alhhe'eesay wasle? Al'axweesantók tidár qari sleémeero aa warqeéri?

WARA'AMI 95:10

Baraá kureeraá mibeeraá tsiyahhe ana gurboo/áw as qartadá', nari oó', «Muksíng a múk aa hhitaruut baraá muner'ín, loohir'eé' ngaa gaár i xuii'iiká.»

ESEKIELI 14:10

Aarusmoowí aníng u sakwasleemuút dinkwa nee heedaádá' kangw'eé' ngwa yaahasár ayi, sleémeero in dinkwaárií sakwasleemuút ar sakwasleemár wák.

ESEKIELI 23:35

«Gawaá adoorihe anuú Aakoó MUNGÚ a kah, ‹As aníng iwa gunqaarés nee iwa daanduú xu'ús, daxta a aán as tsaatu'uumarók nee fuqtók.› »

ESEKIELI 4:5

Aníng kuúng ugwa deeloórí qoomeés. Deelór naa haniís a tsiire tám nee mibeeri gwaleél. Gaarí an hariímár qoomár sakwasleemar'ín. Baalár wák i qoná' nee kurkú wák. Sakwasleemár múk Israeli an gagát.

ESEKIELI 4:6

Deeloorí bara hhe'és faakaro, daqaní ta qát ar bihhaá doó /iyáy, nee diirihe a tlakweemaá múk Yuda in loohís har afiqoomoó deelo mibeeri tsiyáhh. Baalár wák i qoná' nee kurkú wák.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

HOSEA 9:12

Tam bir na/ii'ín umina'a, aníng na/ii'ín i slafíngwí geexawaaká tam oo wák. A tsaxwaaín bál bira kilooín geexáw.

TLAHHOÓ LAÁWI 20:19

«Ma fuquusara' nee ayiniínarók, laqaá áyshigaárók, asma inooín a mar'eefoowók awa guruú do'. Múk tlehhmuusíng gwaa tleehh, tlakweemaaká' i gawaá daanduuín.

SEKARIA 11:10

Hharte'eé' tidá' ta bay gurtleemu ngiri taataáhh, ngiri geeqáw, asma alqador'eé' tidá' naa alqadiím dír muu sleémeero aga geeqáw.

FAARO 13:25

Alaá deelo mibeeraá tsiyahhe mukdá' iri waátl baraá yaamu tsawtsawumisuuwo.

FAARO 18:23

Ala múk Laáwi kilooín an múk gadiyuús baraá heémadár Munguhe, nee dakuúsa sleémeero ar daanduú heémaadá' a daanduuín. Gaarí an dákw kumaamiít baraá qari sleémeero ar iitlawa. Múk Laáwi daqaari'iimár ta aali i káhh baraá yaamaá Israeliwo,

FAARO 32:13

AAKOÓ MUNGÚ ina daa/atúy buhhtaawo amór múk Israeli, giri baraá xaanxáy wa harweeritamaamís kureeri mibeeri tsiyáhh, qartadá' sleémeero tlakweema gaa tlehh dír geeraawose iri hhaán.

Tlehhema'aá ya/Abuuse 13:18

Giri geerahaár kureeri mibeeri tsiyáhh, ngiwa baraá xaanxáy wa sage qiqtlin.

DABE 2:7

«Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

Ebrania 4:1

Tam hamí al'axweesantadá' i deer ar tawa dahaan baraá hungu/umaá Mungú. Gawaá adoorihe, atén ti harmagahhaán, as heé wák baraahunge miwa deeruút oo hungu/umaaká' gi dakuús.

YOSHUA 14:10

Ala ay hamí ga/aaweek, adoorí ni diriia AAKOÓ MUNGÚ iga deaaén a slaáf ar adoodá' ngira oó'. Kureeraá mibeeraá tsiyáhh nee kooán iga /aáy iimír baalaadá' AAKOÓ MUNGÚ /aymuudá' nguwa oó' dír Mose, qoomár xoorór Israeli iwa hi'iimaamít baraá xaanxáy wa ale. Laarí aníng kureerieé' a mibeeri dakaát nee kooán.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.