FAARO 14:3 - Biblía Axweesantá Hhohho' ar Mungú 2004

³ Ahaá waáy gár AAKOÓ MUNGÚ tisa huúw baraá yaamuuká as atén tiwa tsu/i baraá slaqwara, tlaawayrén nee na/iirene kiri haasaáng wa ar tláy? Xáy aa tsiniheekáhe bara ki/aán baraá yaamaá Misrírí ale?»

FAARO 14:3 Iomraidhean Croise

NEHEMIA 9:17

Niri iialooeesi'iiká, muruú waa/oo/amo oo taa tla/angw'ín wa tléhh ngwa inslay'iiká. Da/ewer'ín ngay gawdesiyé', geeraharusmo ngway qaasiyé' oo gi ki/ís baraá lawaali'iimár yaamaá Misri. Ala Mungú, kuúng tu inslaáhh gurtleemuwo, a gurtleemuú koón nee tsuuqaawo, kuúng tu inslahheeká buhhtaawo. Kuúng sla'aarirók i warqeeraaká, as adoorí inooín iga kwahhká.

WARA'AMI 78:40

Nguwa si'iyé' baraá xaanxáy wa ale, ngway gurhaamírár ayé' baraá darmuú wa ale a sagaá wa magá'?

TI'INAANGW 16:3

Ta kaahi, «A tsiní geeraawo bar ana qatlaán baraá Misri ar dákw AAKOÓ MUNGÚ bihhaá hutla'aá fu'unaay, nee muruú /aymaadá' kuri /ayaán gur'e kari dala/aamaán, ala kuungá' atén tina baraá xaanxaywí hubé' as mukwí sleémeero kuwa tsu/a' ar qwari.»

TI'INAANGW 5:21

Ga/aawuuseedá' Mose nee Aroni giri beér, «AAKOÓ MUNGÚ kuungá' nu i qayti, nee qaa/aywí ngu tsati, asma atén kuungá' taa tli/isé' dír geeraá Farao nee geeraharuuseero, kuungá' kiri pa/ángwií hanisé' as atén tiwa tsu/iya'.»

YEREMIA 42:14

nee tawa kata', ‹Atén a hotaá awaán yaamaá Misri, amoodá' slaqwara iwa kahh, tam afór tarumbeéta kawa axaasanaaká, laqaá muruú /ayma kuwa dakusanaaká.›

YEREMIA 42:19

Yeremia muu guri báy, «Kuungaáká múk Yahudi aga mete', AAKOÓ MUNGÚ nuna báy, ‹Ma yaamaá Misrír kawaara'.› Gurbu'te'eé' tí xu'uti hhe'eesaak, tí nuwa báw,

YEREMIA 9:3

AAKOÓ MUNGÚ i kaahi, «Tsifreeri'ín ngaa qwambatmisiyé' adór ga/ale iwa lamemaá axweesiya', nee inooín /uuru ngwaa slayé' baraá yaamuwo ala as gan'amuuwooká, asma nin kumiitiyá' baraá tlakweemaawo, ala aníng i xuiaaká.

FAARO 11:20

Ala in /aa/agá' slahhángw doori kuri gwangwar'á', ay dír ni dungér ti'imitiya', nuri mune ayá'. Adoorí in tleehharút asma AAKOÓ MUNGÚ kuungá' ugwa sié', kudá' baraá tla/angwhúng i dirií', nee tawa geeraawós wa /aa/amiindé' tawa katé', ‹Ahaá waáy mista duúx baraá yaamaá Misrír wa alé.› »

FAARO 16:13

Xáy gaarí an gár niinaáwe tiwa dúx baraá yaamaá Misrír wa ale, yaamaá diihhooár ilwa nee dane, as tiwa tsu/ baraá xaanxaywí ale? Slám ti malé sawaawuti'iín!

FAARO 20:3

Sleémeero Mose guna i giliné' tawa kaahi, «Geeraawo bar ana alqatlaán nee hhaeerén dír heémaadár AAKOÓ MUNGÚ a tsiní!

FAARO 21:5

Naagáy qununu/aay ngway iimu/uné' daanduú Mungú nee Mosewo, tawa kaahi, «Ahaá waáy gár tisa duxé' baraá yaamaá Misrír wa ale, nee gár tas qatlaan baraá xaanxaywí ale? Baraakae muruú /ayma i kaahh, tam ma'aay i kahhiyá', nee atén muruú /aymaarí tlií/ taa xinaaór ar faák.»

Tlehhema'aá ya/Abuuse 7:39

«Heewí baabi'iirén ngwa slai'iiká ilaiwa/ameero, ala kuna sií' amór saáw i alé, nee baraá muner'ine tari kií/ Misri.

DABE 1:39

«Naagáy AAKOÓ MUNGÚ atén sleémeero tiri báy, ‹Na/iihúng kuká' tawa da'ayumiita' tawa kata' ki hayoh nee wakuuserhúng nee múk hatlá', na/iiká' ninakw, kuká' gár tlaakw nee ar hhooe paraatlaro ngaa aleeslay'iiká, kuká' an múk hardáh, aníng yaamuudá' i inooín i haniís ngiri aaliyá'.