FAARO 14:22 - Biblía Axweesantá Hhohho' ar Mungú 2004

²² hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

FAARO 14:22 Iomraidhean Croise

IIMU/UUNGW 31:41

Baraá kureeraá mibeeri tsare do'ók una hoót, una sagadiyuús kureeraá mibaá nee tsiyáhh as dasuuwók kuqá' tsár, nee kureeraá lahhooe makaay ina de'eém. Ala tam adoorihe, slaasláwar'eé' kay warqés sagaá wa mibaangw.

IIMU/UUNGW 31:7

Slám inós aníng iga al/aáy, slaasláwar'eé' gari sagaá wa mibángw wa warqemaamiís. Ala Aakoó Mungú inós gwaa pa/ángw i haniisiiká oo aníng iwa hariiay.

YOBU 19:3

Ay waaiikaá mibaangw iga tlukakiindé', aqo murumita'aakáhe iwa adoorí tlaákwí tlehhita'.

WARA'AMI 106:14

Ilatleeri giri eér tawa baraá darma, Mungú nguri iiara'ariyé' baraá xaanxáy wa ale.

WARA'AMI 106:26

Mungú dakós guri tleés giri iigahhaát, lo'o gari /aáy iri oó', «I baraá xaanxáy i qwaareés.»

WARA'AMI 78:41

Tana alií kií/, Mungú kway iiaraa'ár, kudá' Hhoohhoó' oo Israeli nguri buhhtisiyé'.

TI'INAANGW 14:11

Mose nguri bayé', «Gár atén tisa dúx baraá yaamaá Misriro, tari qatlór awaán baraá xaanxaay, a as /aantu iwa kahhiía baraadaá yaamaá Misriro? Gaarí a milá naa atén i tléhh tiwa baraá yaamaá Misrír wa dúx?

TI'INAANGW 15:24

Naagáy muu Mose guri i qununuú/, ta kaahi, «Gár ta wahaan a milá?»

TI'INAANGW 16:2

Xoorór Israeli sleémeero iri qununu/oó eér dír Mose nee Aroni baraá xaanxaydá' wa ale.

TI'INAANGW 17:2

Gawaá adoorihe Mose nguri i qununu/iyé' ta kaahi, «Ma'aá wahaangw haniisang.» Mose giri báy, «Ahaá mas aníngí qununu/á'? Mas AAKOÓ MUNGÚ iiara'adá'?»

TI'INAANGW 17:3

Ala muu sleémeero ina waximiít, tari kumiít qununu/aywo dír Mose, ta kaahi, «Ahaá, gár tisa baraá Misrír wa dúx? A as tiwa tsu/utár wa slá'a ar waxe, atén nee na/iirene nee makayrene?»

TI'INAANGW 17:7

Didaádá' Mose gari umií tsát gari bay «Masa» nee «Meriba» asma xoorór Israeli AAKOÓ MUNGÚ guna i qununú/ nee guna iiara'át i kaahiya', «Aqo tsuwa lóe, AAKOÓ MUNGÚ iqo tsuwa dinkwa nee aténe?»

TI'INAANGW 32:1

Qoomár muu ngiwa ár adór Mose nira tliík gawaá tloomár wa ale, inooín tari burumbuuriít dír Aroni aleeró tari oó', «Qwaláng, munguiirén tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwaa eer a xuanaaká.»

TI'INAANGW 5:21

Ga/aawuuseedá' Mose nee Aroni giri beér, «AAKOÓ MUNGÚ kuungá' nu i qayti, nee qaa/aywí ngu tsati, asma atén kuungá' taa tli/isé' dír geeraá Farao nee geeraharuuseero, kuungá' kiri pa/ángwií hanisé' as atén tiwa tsu/iya'.»

ISAYA 42:20

Kuungá' muruú yaariír ugwa aandé', ala ugwa tsahhi'iiká, iia i mak tawo dayá', kár ala i axamisiaaká.

DANIELI 1:20

Nee baraá umuúqo gaaro ar waawutmo ngiwa yaahamiisi ar sagalooa nee xu'utiro, inooín giri tsaáhh adór tara harwaaraáhh sagaáwa mibángw wa ale ta qwaslaareerós tidá' sleémeero nee da/aluuseero, kudá' sleémeero awa baraá waawuti'iimarós.

MALAKI 3:15

Adór atén kar tsatsahhaamana múk sagegawdén an ak múk amohhoó', nee múk slasla/aruú tlehhiít, an múk gár slasláw. Nee kudá' Mungú ngu iiara'ará', an múk aa /uy.› »

FAARO 11:1

Muu qununu/aay guna iimu/ún dír AAKOÓ MUNGÚ as daanduú slahh'amuudá' naa slayé'. AAKOÓ MUNGÚ adoorí ngiwa axaás, iri ló'wa buúhh, muu guri ásltí kwaáhh. Asltí iri ót tla/angw'ín wa ale, bihhaá wák awa xafaay giri /ák.

FAARO 11:4

Baraá tla/ángw múk Israeliwo muko i deer oo fu'unaay gaa ló'wa haayuus, nee múk Israeli iri /aa/amín tawa kaahi «Ís hamí hee adór fu'unaay ngir tláy!

FAARO 12:1

Qoomár tawa baraá Haserotírí dirii'i, Miriamu nee Aroni, Mose nguri iimu/uné' kaantingo as /ameenidár Kushi aa duúx,

FAARO 14:11

Aluuwo AAKOÓ MUNGÚ Mose guri báy, «Mukwí aníng i waaqa'a'ati ay xaylá? Nee ay xaylá ta kumaamiti haratlintao wasleero, tam tlehhma'aá waa/oo/amo iga tla/angw'ín wa tlehhaahhiti?

FAARO 14:2

Mose nee Aroni ngina ló'wa i qununu/iyé', tawa kaahi, «A tsiní geeraawo bara qatlaán baraá yaamaá Misrír i ale, laqaá tsiní bara qatlaán baraá xaanxaywí!

FAARO 32:12

Sleémeero yaamuudá' ngi ariaaká, aqo har Kalebu garmoó Yefune, oo guruú doó Kenisi, nee Yoshua garmoó Nuni, asma inooín nina ló'wa iialooeesiyé' ar inkihhimu AAKOÓ MUNGÚ nguwa eehariya'.

Matayo 4:7

Yesu guri báy, «Ala tí sleeme kaa gooín, ‹Aakoó Munguúwók mu iiaraa'araar.› »

1 Korinto 10:5

Ala tam adoorihe awa yaariir baraaine Mungú ngwa sla'atisi'iiká. Gawaá adoorihe tu'uuín niri tlufaafuiyé' baraá xaanxáy wa alé.

1 Korinto 10:9

Nee slám atén Aako muwa iiara'araán adór inooín bahh'alé ngura iiariyé', nee kiri hhaamiís nee dayshe.

DABE 9:7

«Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

Ebrania 3:9

Baabi'iihúng tlehhemi'iieé' ngaa ariyé', kudá' naa baraá xaanxáy wa tlehhiít kureeraá mibeeraá tsiyahhe. Ala tam adoorihe inooín aníng ina iiara'ariyé' nee iri daawitisiyé'.