FAARO 14:2 - Biblía Axweesantá Hhohho' ar Mungú 2004

² Mose nee Aroni ngina ló'wa i qununu/iyé', tawa kaahi, «A tsiní geeraawo bara qatlaán baraá yaamaá Misrír i ale, laqaá tsiní bara qatlaán baraá xaanxaywí!

FAARO 14:2 Iomraidhean Croise

1 WAAWITÁ 19:4

Eliya iri kumiít aaiiwo looa gari dahaás. Inós iri hardáh dír xa'anoó ta bay retemu, iri iwiít dír gamuú xa'anoodá', inós gwa'ara gari fitlín, iri oó', «A ido daxta aá AAKOÓ MUNGÚ, slafingw'eé' hingeeseek, asma án gár baabi'iieé' ngir baa/ i káhh.»

YOBU 3:11

Ahaá aníng masa dír xwaylárií gwaaiiká. Geera masók ana kahhuút didár kilá' tiwa laqwaál.

WARA'AMI 106:24

Yaamuudá' hhoohhoo' ngiri waaqaaiyé', asma al'axweesantá Mungú nga haratlinti'ii'iiká.

WARA'AMI 106:25

Tana qununu/umamiít baraá heemaduú wa ale, tam AAKOÓ MUNGÚ ngwa iiárií qaasi'iiká.

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

TI'INAANGW 14:11

Mose nguri bayé', «Gár atén tisa dúx baraá yaamaá Misriro, tari qatlór awaán baraá xaanxaay, a as /aantu iwa kahhiía baraadaá yaamaá Misriro? Gaarí a milá naa atén i tléhh tiwa baraá yaamaá Misrír wa dúx?

TI'INAANGW 15:24

Naagáy muu Mose guri i qununuú/, ta kaahi, «Gár ta wahaan a milá?»

TI'INAANGW 17:3

Ala muu sleémeero ina waximiít, tari kumiít qununu/aywo dír Mose, ta kaahi, «Ahaá, gár tisa baraá Misrír wa dúx? A as tiwa tsu/utár wa slá'a ar waxe, atén nee na/iirene nee makayrene?»

YONA 4:3

AAKOÓ MUNGÚ, hamí aníng u firiím, slafingw'eé' hingeeseek, ala ta niwa hoota a tsiní bara gwaá'.»

YONA 4:8

Qoomár tsee/amá iwa ló'wa gwa/aát, Mungú fur'ár da/aá daahh gari ya/aáw ar ló'wa fukuukuu'. Tsee/amá iri ló'wa gwa/aát gawaá ságw Yona. Yona iri /ara/eeriít, tam gwa'ara gari fitlín, iri oó', «A tsiní bara gwaá' ta niwa slafa.»

FAARO 11:1

Muu qununu/aay guna iimu/ún dír AAKOÓ MUNGÚ as daanduú slahh'amuudá' naa slayé'. AAKOÓ MUNGÚ adoorí ngiwa axaás, iri ló'wa buúhh, muu guri ásltí kwaáhh. Asltí iri ót tla/angw'ín wa ale, bihhaá wák awa xafaay giri /ák.

FAARO 11:15

Ala barnaxes adoorí an adór kuúng ta aníng i tlehhit a tsiní bar iga gás. Ala barnaxés kuúng aníng iga gurií bá/, kaangwí oo slahh'amaaye muwa araa'ár.»

FAARO 11:5

Baraá yaamaá Misriro atén siyó tlaxo wásl una /ayaán siiwár kuwa inslawaán. Axáy taangí inslawaak nee tikiti nee muruuko adór kuchunguru nee kuchunguruú saumu.

FAARO 14:1

Aluuwo dinku'uumadá' sleémeero ar xoorór Israeli iri kángw kilá' wa /aa/amiín, looa ngiri /aa/ér tleesiyé'.

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

FAARO 16:13

Xáy gaarí an gár niinaáwe tiwa dúx baraá yaamaá Misrír wa ale, yaamaá diihhooár ilwa nee dane, as tiwa tsu/ baraá xaanxaywí ale? Slám ti malé sawaawuti'iín!

FAARO 16:41

Matlaatlér taa kayi, múk Israeli sleémeero ina qununuú/ dír Mose nee Aroni tawa kaahi, «Múk AAKOÓ MUNGÚ ugwa tsu/é'.»

FAARO 17:6

Mose múk Israeli guri i axweés, umuú geeraharusmoowo hhartá wák gana huúw adoodá' tlahhaywós i dirii'i, hhado dinkwaaro a mibaá nee tsár. Hhartá Aroni sleeme i baraá hhadoodá' i dirí'.

FAARO 20:2

Didá' xafay'ín nguy tleehhiyé' a yaamaá ma'aá kooma'aaká. Gawaá adoorihe, muu sleémeero iri burumburiít dír Mose nee Aroni.

FAARO 20:3

Sleémeero Mose guna i giliné' tawa kaahi, «Geeraawo bar ana alqatlaán nee hhaeerén dír heémaadár AAKOÓ MUNGÚ a tsiní!

FAARO 20:4

Ahaá waáy, gár ateéká xoorór AAKOÓ MUNGÚ tisa baraá xaanxaywí hubé'? Xáy tina baraakií hubí'i as nee hikwaarén tawa baraakií qatlaan?

FAARO 21:5

Naagáy qununu/aay ngway iimu/uné' daanduú Mungú nee Mosewo, tawa kaahi, «Ahaá waáy gár tisa duxé' baraá yaamaá Misrír wa ale, nee gár tas qatlaan baraá xaanxaywí ale? Baraakae muruú /ayma i kaahh, tam ma'aay i kahhiyá', nee atén muruú /aymaarí tlií/ taa xinaaór ar faák.»

1 Korinto 10:10

Slám kuungá' ma qununu/aara' adór inooín bahh'alé nira qununu/iyé', kiri hhaamiís nee Hhitusmo.

DABE 1:27

Kuungá' ana baraá heemaduhúng wa qununu/é', tawa kata', AAKOÓ MUNGÚ, atén taa aáhh, an gár tisa baraá yaamaá Misrír wa duúx. Gana slaá' tiwa haniisi gawaá dabaá múk Amori as tiwa hhaamisi.

DABE 9:23

Qoomaadá' AAKOÓ MUNGÚ kuungá' nuwa Kadesh-barneár wa ya/aáw iwa kaahi, ‹Tlawsé', yaamuudá' aníng naa kuungá' i haniís i hotaá awaak!› Kuungá' tari sié', kuungá' tidá' inós aa oó' aga haratlinti'ii'iiká, laqaá aga iialooesi'iiká.

Ebrania 3:16

Múk afór Mungú gaa axaas, inós kuri sií', a ín heemá? A mukdá' sleémeero Misrír dáhhaáke, kudá' taa geeraharahaár nee Mose.

Yuda 1:16

Mukwí a múk tawó qununuú/ nee oo naeetuús. Nee laatí inooín a múk ilatleerir'ín eeharahár. Mukwí axweesanoó daara/aangw gun ar axwees, nee bartakaaro in ilaáhhe'eemisiyá' dír múk urén as slaasláw kawa dir'ín wa slay.