FAARO 14:19 - Biblía Axweesantá Hhohho' ar Mungú 2004

¹⁹ Aníng kuúng u firiím, tlakweemaá mukwí gurtlaweek, ar adór sla'aarirók tidá' warqawaaká i diri', adoodá' kira gurtlaatleér iimidá' kiwa baraá yaamaá Misrír wa dúx ay hamí.»

FAARO 14:19 Iomraidhean Croise

1 WAAWITÁ 8:34

na'ás, iiarií qaaseek gawaá doorí wa alé, tlakweemaá mukók Israeli gurtlaweek, daqaní ki ki/ís baraá yaamuudá' taa baabi'ii'ín i hanís.

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

WARA'AMI 78:38

Tam adoorihe inós tawa kuduú gurtleemuú koóm, tlakweemaaín gina gurtláy nee inooín gaa hhaamisiiká. Ki/imaá yaariire mune gana gu/ún buhhtaawós gina ila/án.

WARA'AMI 85:2

Tlakweemaá mukók iga gurtleér, tlakweemaaín sleémeero iga hingés.

TI'INAANGW 32:32

Na'ás, tlakweemaaín gurtlaweek, ala barnaxes i gurtleeraaká, umuueé' fiitseek baraá kitaábuudá' umér mukók ki gooiindi.»

TI'INAANGW 33:17

AAKOÓ MUNGÚ Mose guri báy, «/Aymuusíng taa ó' i qón, as aníng kuúng uwa gurií baá/, nee umuuwók nguwa xuú', adoosíng kuúng ta kat ngi tleéhh.»

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

DANIELI 9:19

Aá Aáko, atén ti iiárií qas, aá Aáko, atén ti gurtleer. Aá Aáko, ti iiárií qas, nee adoodá' ta sla' tleehheek, ala mindi tligaar as umuuwók, aá Munguúeé, as daanduú gixsarí nee mukwí taa umuuwók ar ateét.»

AMOS 7:2

Baraá iigu'utueene ingigi ana ár, umuú gár qantsare gana /ák ar sa baraá yaamií diriia. Aníng nari oó', «Aá Aáko MUNGÚ, na'ás án kuúng u harhhehhe'eés, mukók gurtlaweek, adór xwaylár Yakobo ir hot a adoomá? Inooín a na/aá ninakw.»

AMOS 7:5

An qoomár aníng niwa oó', «Aá Aáko, MUNGÚ, na'ás án kuúng harhheehhe'eés, mukók maweek. Adór xwaylár Yakobo ir hot a adoomá? Inooín a na/aá ninakw.»

YONA 3:10

Mungú adór tlehhmi'ii'ín kudá' tlakw kira máy gari ár, Mungú iri ya/án /aymuudá' tlaákw nguwa may, kudá' geera i dir'ín i tleehhi.

YONA 4:2

Yona AAKOÓ MUNGÚ guri firín, guri báy, «Án kuúng u firiím, AAKOÓ MUNGÚ. Adoosíng a adoodá' aníng naa oóiíke qoomár niwa baraá yaamuueé' i dirii'? Adoosíng an gár nisa gaanslár ta'aaím baraá yaamaá Tarshishírí alé, asma aníng a xuú' kuúng a Munguú gurhhoó', slám a gurtleemuú koón. Kuúng buhhtaawo tu inslahheeká, ala aga háts sla'aarír warqawaakahe. Tam sakwasleemadá' taa ó' a ya/aán meemuwo.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

HABAKUKI 3:2

Aá AAKOÓ MUNGÚ, aníng kangók ugwa axaás, nee tlehhmi'iiwók iri de'e tsatiyé'. Eeít AÁKO, gadiyeérók malé /abeeseek baraá kureeriikae. Baraá kureeriikae tlehhmi'iiwók i xu'utiitiye', bar aga búhh gurtleemuuwók inslaweek.

FAARO 23:21

Mungú tlakweema dír múk Yakobowo gaa ariiká, tam tlií/ gaa ariiká dír múk Israeliwo. AAKOÓ MUNGÚ, Munguúín i dinkwa nee inooín. Inós baraá tla/angw'ine kun sabaraa/ adór waawutmoó wa ale.

Yakobo 5:15

Barta firín ar haratlintaao, tiqtusmoodá' iri tu/uut, Aako guri hungu/uus. Nee bar tlakweema ngaa tleéhh, ki gurtláy.