FAARO 14:11 - Biblía Axweesantá Hhohho' ar Mungú 2004

¹¹ Aluuwo AAKOÓ MUNGÚ Mose guri báy, «Mukwí aníng i waaqa'a'ati ay xaylá? Nee ay xaylá ta kumaamiti haratlintao wasleero, tam tlehhma'aá waa/oo/amo iga tla/angw'ín wa tlehhaahhiti?

FAARO 14:11 Iomraidhean Croise

WARA'AMI 106:24

Yaamuudá' hhoohhoo' ngiri waaqaaiyé', asma al'axweesantá Mungú nga haratlinti'ii'iiká.

WARA'AMI 78:22

asma Mungú nguwa haratlinti'iiká, tam aleesleemuuwós oo ngiwa ba/amisi nguwa harahhifi'iiká.

WARA'AMI 78:32

Tam adoorihe inooín tari ak buúhh tlakweema tlehhtuwo, tam tlehhmi'iiwós kudá' waa/oo/amo kaa haratlinti'iiká.

WARA'AMI 95:8

Munerhúng ma gawdesaara', adór kangwdá' aa tleehharuut didár Meribár wa ale, nee didár Masa baraá xaanxaay.

TI'INAANGW 10:3

Naagáy Mose nee Aroni tari amór Farao káy, kuri báy, «AAKOÓ MUNGÚ, Munguú múk Ebrania, i kaahi, ‹Ay xaylá tawa siaiin tiwa niinawes dír geeraaeé'? Muk'eé' geemaweek iwa tlay, as aníng iwa sluufmisuú aya'.

TI'INAANGW 16:28

AAKOÓ MUNGÚ Mose guri báy, «Hara'ayduueé' nee daber'eene ki siaiinda' ay xaylá?

TI'INAANGW 23:21

Ti harmagahhe', nee afoorós iiárií qaasaak, ma dee/anutaara' dirose, asma tlakweemaahúng gi gurtlayká, asma umuueé' in baraawós i dirii'.

TI'INAANGW 32:9

AAKOÓ MUNGÚ Mose guri male báy, «Aníng mukwí ugwa ár, nee ga/aaweek, adór tar múk sageegawdén.

AXWEESANOÓ SAGALOOA 1:22

«Aá múk iimi boó/, iimiboo/arhúng tisíng ka sla'aa'aanda' ay xaylá? Nee múk waaqaqaá' ay xaylá waaqaaqa' ku sla'aa'an, nee daktana ay xaylá xu'uti ngi ahhahhitiya'?

YEREMIA 13:10

Mukwí tlákw, kwí axweesante'eé' gaa sii' axaasaro, kwí sagagawduuín gwaa eehar nee inslaway'ine. Munguaá hatlá' ngina eeharahariyé' nee ngiri sagadiyusiyé', nee ngina sluufmisiyé', mukwí tay adór inqwaarirí aa hifut, tí gár ya/amaaká.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

ESEKIELI 20:13

Ala múk Israeli ina dee/anuút baraá xaanxáy wa ale, kaahir'eé' eeharto ngina si'iyé' nee daber'eene, tidá' handá' hee geeraawo birnga eehár, in hoot. Deelór Sabaáto ngaa meetagaasiyé'. Aníng niri oó', In i buúhh ngiri hhaamiís baraá xaanxaay.

HOSEA 8:5

Aá múk Samaria, Munguúhúng kuduú dama ugwa sií', aníng aga qa/iít buhhtaawo as kuungá', tlakweema tlehhtuuwo ta kumaamita' ay xaylá.

SEKARIA 8:14

Asma AAKOÓ MUNGÚ Aleesleemusmo i kaahi, «Adoodá' geera kuungá' nura gár tlaákw i slaá' tleehhamooro qoomár baabi'iihúng iwa buhhtisiyé', nee muner'eé' ki/ima giri sí'.

FAARO 14:23

ar looeemaawo, mukwí yaamuudá' naa lo'ór wa /aáy ngiwa dír baabi'ii'ín haniis ngi ariiaaká tam kudá' sleémeero aníng iga waaqaaiye' oo gi ár i kaahh.

FAARO 14:27

«Daqtír múk tlákw i aníngií qununu/umaamit ay xaylá? Aníng aga slahhaá' qununu/oó xoorór Israeli danduueene.

FAARO 32:10

AAKOÓ MUNGÚ baalaarihe iri daa/atúy buhhtaawo, lo'o gari /aáy, iri oó',

Matayo 17:17

Yesu iri oó', «Kuungaásingá' qartá haratlintaao wasl, nee ar aa qwat. Án nee kuungá' ta alhotaatimaan ay xaylá? Án kuungá' nu alqiqtlaatliim ay xaylá? Na/aay amor'eé' huwaare'.»

Marko 9:19

Yesu giri báy, «Kuungá' qartá haratlintaao wasl, án nee kuungá' ta al hotaatimaan ay xaylá? Nee nu hubaabiim ay xaylá? Garmaasíng amor'eé' huwaare'.»

Yohana 10:38

Ala án bar gadiyeé aga tleéhh, ala án tim haratlintatia'aakahe, gadiyeédá' naa tleéhh na haratlintiaak. Asma kuungá' kawa xua' nee kawa tsahha' adór Baabá ir baraaeé', nee aníng tar baraá Baabá.»

Yohana 12:37

Yesu tam layaá yaariir gaa tlehhahhiiti geeraaín wa ale, ala kwa haratlinti'iiká.

Yohana 15:24

Aníng tlehhemi'i ina tla/angw'ín wa tleéhh, tam heé hatlá' i kaahh oo tlehhema'aá adór kudá' gaa tleehh. Adoorí geeraawo bar aga tleehhiiká, inooín alók geera ta tlakweemaá konká. Ala daxta inooín tlehhemi'iieé' kaa ár, tam adoorihe aníng nee Baabuúeene taa aáhh.

DABE 1:32

Ala tam tí sleémeero ngaa dirhúngí ooi, kuungá' AAKOÓ MUNGÚ, Munguúhúng ugwa haratlinti'i'iiká,

Ebrania 3:16

Múk afór Mungú gaa axaas, inós kuri sií', a ín heemá? A mukdá' sleémeero Misrír dáhhaáke, kudá' taa geeraharahaár nee Mose.

Ebrania 3:18

Nee slám múk Mungú lo'o ngisa /aáy iwa oó' ta dahiiká baraá hungu/umaaeé', a ín heemá? Ar ló', a mukdá' inós gwa sii'.

Ebrania 3:8

munerhúng ma gawdeesara', adoodá' taa tlehhé' qoomár aníng iwa sié', qoomár iwa iiara'adé' baraá xaanxáy wa ale,