FAARO 14:10 - Biblía Axweesantá Hhohho' ar Mungú 2004

¹⁰ Ala dinku'uumadá' sleémeero tlaa/e gina lak taatáhh as mukdá' kuwa tlaquuti. Xirfuú AAKOÓ MUNGÚ niri gaanslár hardáh, heémár Mungú gari tuuntuúk dír geeraá múk Israeli sleémeero wa ale.

FAARO 14:10 Iomraidhean Croise

TI'INAANGW 16:10

Qoomár Aroni iwa axweesi dír dinku'uumadár múk Israeli, inooín tana qaytsiít amór xaanxáy ale, naxés xirfuú AAKOÓ MUNGÚ nina geehhooúy ar gawaá huunki.

TI'INAANGW 16:7

Matlo matlaatleero kuungá' xirfuú AAKOÓ MUNGÚ u aandá', asma inós una i qununu/é'. Atén a ín heemá tam tiwa i qununu/a'?»

TI'INAANGW 17:4

Mose iri /aá/ amór AAKOÓ MUNGÚ, iri oó', «Mungú, aníng mukwí adór ngu laaq a adoomá? Asma inooín i aníng tlaqutuú wa slaiyá' ar tlaa/e.»

TI'INAANGW 40:34

Aluuwo huunki heémadár Mungú gari tuuntúk, nee xirfuú AAKOÓ MUNGÚ heémadá' gari dalaá/.

TLAHHOÓ LAÁWI 9:23

Naagáy Mose nee Aroni tari dáh baraá heémár Mungú, tawa ti'iít muu kuri tsuúq, nee xirfuú AAKOÓ MUNGÚ iri geehhooúy dír muu sleémeero.

FAARO 16:19

Aluuwo Kora muu sleémeero guri dinkwaárí burumbuúr, tari sihhiít dír geeraá Mose nee Aroni, kudá' dír afkú heémár Mungú i diriiá'. Nee xirfuú AAKOÓ MUNGÚ iri geehhoúy dír dinku'uumadá'!

FAARO 16:42

Qoomár niwa burumbuuriyé' dír geeraá Mose nee Aroni as tawa qununu/i, gur'er'ín kana amór heémár Mungú xu'ús, tawa qaytsiít naxes heémaadá' kaa tuuntuúk nee huunki, nee xirfuú AAKOÓ MUNGÚ ina geehhooúy didaádae.

FAARO 17:7

Mose hhadoodá' giri qaás sleémeero dír geeraá AAKOÓ MUNGÚ baraá heémaadár lamabu'uungw.

FAARO 20:6

Mose nee Aroni tari tláy tla/ángw múk wa ale, tari xupuú' dír afkú heémaadár Mungú. Naagáy xirfuú AAKOÓ MUNGÚ iri geehhooúy,

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

Tlehhema'aá ya/Abuuse 7:59

Qoomaadá' Stefano kuwa tlaquuti ar tlaa/e inós iri firín iri oó', «Aakoó Yésu, qeeruueé' ilaooheek.»

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.