FAARO 13:33 - Biblía Axweesantá Hhohho' ar Mungú 2004

³³ Baraadae atén múk dirén una araán, kuduú xwaylár Anaki. Nee atén dir'ine a adór tsaxw'i, adoorí an adór inooín atén tir ga/aya' sleeme.»

FAARO 13:33 Iomraidhean Croise

IIMU/UUNGW 6:4

De'emudaádae múk ló'wa tlét i deer baraá yaamuwo. Nee tam aluuwo sleeme i deer. Mukwí an xwaylár daaqoó Mungú nee dasú muu. Inooín a pihhuuseedár aáng, nee a múk xirfuú koóm.

1 QOM'I 11:23

Sleeme heeko oo yaamaá Misri guna gaás, heé tlenaango miíta tsár, lawaalár yangaariir ga kón dakose, harmahaywós uraywo a adór xa'anoó ta inqwarúr tlehhahhiti. Ala Benaya guri i haratláy ar hhara, lawaalarós tidá' gari hayóh, heewuú Misri guri gaás ar lawaalarós ar kilá'.

ISAYA 40:22

Inós yaamu sleémeero gaa harweér, múk gawaá daanduú yaamu a adór tsaxwi'i. Inós doori gina hhaáf adór inqwaari, slám giri kikií' adór heémár hota.

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

FAARO 13:28

Ala yaamuloouuser'ín an múk ló'wa /uureemaá koóm, nee gixsaduuín ki gawden. Kina tleéhh ar koo/ír gawit nee ki diren. Slamí amoodae xwaylár Anaki ana araán.

FAARO 14:1

Aluuwo dinku'uumadá' sleémeero ar xoorór Israeli iri kángw kilá' wa /aa/amiín, looa ngiri /aa/ér tleesiyé'.

DABE 1:28

Ahaá waáy, gár tas baraá yaamuudá' kawaan? Asma gur'eerén ma'aay ngaa dalaa/iyé', as kangwdá' mukdá' naa atén báy, tawa kaahi, múk amoodá' ku ló'wa dirén, slám ku tlét ta atene, nee gixsaduuín ki ló'wa diren nee koo/i ka ló'wa tlerantleer ay gawaá doori. Slám ta kaahi, mukwí dirén a kuduú xwaylár Anaki una araán.

DABE 2:10

«Aáng yaamuukaá Ari múk yaariír gina hoót oo /uureemaá koóm, oo ta bay múk Emi, slám a múk tlét adór mukduú Anaki.

DABE 3:11

«Waawutmo Ogu an heé alhhe'eesáy oo múk Refai. Sandakmoowós kuna tleéhh ar muqsli, tlenaangós a miíta tsiyáhh, nee bihheero a tsaxwaá miíta tsár, qoomoó alhotaariro. Sandakmoodá' tam ay hamí i deer baraá gixsár Raba ar múk Amoni.

DABE 9:2

Múk baraá yaamuudá' hoót ku ló'wa tlét, nee i ló'wa /uureemaá koná'. A xwaylár Anaki, kudá' kuungá' ta xua' nee kangw'ín taa axasé', ‹Xáy, heé nee mukduú Anaki ti tlampa'aasá' a heemá?›

YOSHUA 11:21

Qoomaadae Yoshua ina tláy múk Anaki guna hhaamiís nee gixsaduine nee kudá' yaamaá tlom'aá hootá', iimír Hebronír wa tleemu ay Debiri, ay Anabu, nee yaamaá gongoamaá Yuda nee awa Israeli.

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»

YOSHUA 15:14

Kalebu tlahh'aá tám awa hhay Anaki gina tlatlahhaás baraadá' wa alé. Inooín an kuká': Hhay Sheshai nee hhay Ahimani, nee hhay Talmai.

1 SAMUELI 17:24

Slaqwaruusér Israeli sleémeero Goliati kuwa ár tari goów, asma kuna kángw kilá' wa da'ayuút.

1 SAMUELI 17:42

Heedaáduú Filisti iwa qaytsiít, Daudi nguwa ár guna waaqaá', asma a masoomoó niiná slám ku hhoohhoó'.