FAARO 13:29 - Biblía Axweesantá Hhohho' ar Mungú 2004

²⁹ Múk Amaleki dír Negebu ngi hootiyá'. Múk Hiti, nee oo Yebusi nee oo Amori dír i hootiya' a gawaá tlom'i, nee múk Kana'ani dír i hooti a isaapoó Tlawtá Tla/aangw nee afaá yaaér Yordani.»

FAARO 13:29 Iomraidhean Croise

IIMU/UUNGW 14:7

Nina ki/iyé', nay hardihiyé' ay En-mishpati, ar ta bay Kadeshi. Yaamaá múk Amaleki sleémeero kina baál, nee múk Amori kudá' Hasason-tamarír hoót kuri baál sleeme.

NEHEMIA 9:8

Kuri aán adór ir ganaá' dír geeraawoge, tari dirósí alqadiín xwaylarós kawa yaamaá múk Kana'ani i hanis, nee oo Hiti, nee oo Amori, múk Perisi, nee oo Yebusi, nee múk Girgashi. Al'axweesantók kari boo/és, asma kuúng tu inkihhím.

WARA'AMI 83:7

múk Gebali, múk Amoni nee múk Amaleki, múk Filisti nee múk yaamaá Tiro.

TI'INAANGW 3:17

Aníng adór kuungá' nur duúx baraá slahh'amusuú yaamaá Misriro aga oó', nuri dahaás baraa yaamaá xoorór Kana'ani nee ar Hiti, nee ar Amori, nee ar Perisi, nee ar Hifi nee ar Yebusi, yaamaá diihhooár ilwa nee dane.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

FAARO 13:17

Mose inooín giri ya/aáw yaamaá Kana'ani ngiwa tsawtsawuusiya', giri báy, «Tlawsé' ay amór yaamaá Negebu, nee amór yaamaá tlom'i.

FAARO 13:30

Ala Kalebu muu guri gurkwa/ás dír geeraá Mose wa alé iwa kaahi, «Gusé' yaamuudá' i aalaán. Asma atén aleesleemu u koomaán oo arba/ati kawa slawaan.»

FAARO 14:25

Daxta múk Amaleki nee oo Kana'ani in baraá xatsaá yaamuudá' wa hootiyá', ala kuungá' matlo warqawé', amór xaanxaay na xuaak ar loohír tlawtá Shamu.»

FAARO 14:43

Kuungá' barnaxes taa dogé' nee xoorór Amaleki nee ar Kana'ani a hhaandá' baraá slaqwararí ale, asma kuungá' AAKOÓ MUNGÚ eeharto ugwa sié', nee inós nee kuungá' ti alkoonda'aaká.»

FAARO 14:45

Naagáy múk Amaleki nee oo Kana'ani, kudá' gawaá yaamaá tlom'aá hootá', tindáy aweér, kiri i haratláy, kingiri baál, kiri guús ay gixsár Horma.

FAARO 24:20

Aluuwo Bala'amu múk Amaleki guri i qaytsiít, aarirós tí gari oó', «Amaleki a xoorór /uuruú koom ta xoordaá hatlá' sleémeerowo, ala alhhe'eesaywo kin hhaamiis ay alhhe'eesay wasle.»

DABE 20:17

Muu sleémeero hhaamisaak, múk Hiti, nee oo Amori, nee oo Kana'ani, nee oo Perisi, nee oo Hifi nee oo Yebusi, adoodá' AAKOÓ MUNGÚ, Munguúhúng ngira oó'.

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

YOSHUA 10:5

Ala waawitáwí kooán oo Amori, waawutmoó Yerusalemu, nee waawutmoó Hebroni, nee waawutmoó Yarmuti, nee waawutmoó Lakishi, nee waawutmoó Egloni, inooín slaqwaruuser'ín kana dinkwárí haragaás, kari ar /eét ay Gibeoni, gixsarí kari harweér kay i haraatláy.

YOSHUA 10:6

Múk Gibeoni muu guri ya/aáw amór Yoshua didár xafoó Gilgali, tari oó', «Na'ás, aténaá sagadiyuuseerók miti kwahhaar, qwaláng ar gaanslaay, atén ti tu/ nee ti alee/is! Asma waawitá sleémeero oo múk Amori kuduú baraá yaamaá tlom'aá hoót naa amoorénií haraatláy.»

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.

YOSHUA 5:1

Waawitá sleémeero oo Amori, kuduú gayuú /uwií dirií' yaaér Yordaniro, nee waawitá sleémeero oo Kana'ani, kuduú afaá tlawtá Mediteraneár i tseéw, ngiwa axaasiyé' adoodá' AAKOÓ MUNGÚ Yordani ngira kahaás ay qoomár múk Israeli iwa waaraáhh, inooín gur'er'ín ma'aay ngay dalaa/iyé', nee migti'ín iri fák as múk Israeli.

YOSHUA 9:1

Baalír xoorór Israeli kawa axaás, waawitá sleémeero oo yaaér Yordaniro gayuú /uwí dirií', nee oo yaamaá gongoama', nee oo baraá xatsoowo, nee kuduú afaá tlawtá Mediteraneárí tseewá' amór yaamaá Lebanoni, oo múk Hiti, nee oo múk Amori nee oo Kana'ani, nee oo Perisi, nee oo Hifi nee oo Yebusiro,

HAR'OHUUSE 3:5

Aluuwo xoorór Israeli ina hót baraá tla/ángw múk Kana'anír wá ale nee oo Hiti, nee oo Amori nee oo Perisi, nee oo Hifi nee oo Yebusi.

HAR'OHUUSE 6:3

Umuú daqto múk Israeli balaangw burngwa dahaasiyé' baraá qamuuín, múk Midiani nee oo Amaleki, nee oo hatlá' kuduú da/aáw, tan haraatláy amor'ín.

1 SAMUELI 14:48

Inós ina slaáqw ar migi, múk Amaleki guri baál, nee múk Israeli guri tuú/ baraá dabaá mukdá' sleémeerowo nee inooín slaqwa'a.

1 SAMUELI 27:8

Baraá afiqoomaadae Daudi nee mukós tana slaqwarár áy amór múk Geshuri, nee múk Girisi nee múk Amaleki. Inooín an yaamuloouusér yaamuudá' iimír aange. Giri haraadáh baraá yaamuuínií ale, ay yaamaá múk Shuri, kudaá digma nee yaamaá Misri.

1 SAMUELI 30:1

Bál tám aluudae, Daudi nee mukós tana kií/ ay Siklagi. Múk Amaleki yaamaá Negebu gaa qaroó i haratláy dinkwa nee gixsadaá Siklagi, kiri daá/ ar asla.

1 SAMUELI 7:14

Gixsaduudá' múk Filisti aa hayóh dír múk Israeli wa alé, kiri ki/ís dír múk Israeli sleeme, iimír Ekronír wa tleemu ay Gati, nee múk Israeli yaamuuín kiri tuú/ gawaá dabaá xoorór Filistiro, ilaá múk Israeli nee múk Amori nay hhooayé'.