FAARO 13:27 - Biblía Axweesantá Hhohho' ar Mungú 2004

²⁷ Mose nguri bayé', «Aga hardáh amór yaamuudá' ti ya/áp, yaamuudá' a yaamaá diihhooár ilwa nee dane, nee gaarí an /aroó mamaá baraá yaamuudá'.

FAARO 13:27 Iomraidhean Croise

NEHEMIA 9:25

Gixsadudaá koo/i gawden ngina ar tlayé', yaamaá daqaari'iimár koomá' ngina hayoohiyé', maraydá' muruú yaariír koomá' oo hhohhó', nee hhaleeridá' taa foliiti, nee qamaá sabiíbu, nee seituúniro dinkwa nee xaa'aá yaariir awa mamaá koomá'. Gawaá adoorihe ngiri /ayiyé', nay aaxiyé' niri wahhditiyé', hhooeemawók ngay saqwala/iyé'.

TI'INAANGW 13:5

Bál barnaxés AAKOÓ MUNGÚ kuungá' naa hardahaás baraá yaamaá múk Kana'ani, nee awa Hiti, nee awa Amori, nee awa Hifi, nee awa Yebusi, ar adoodá' ngira al'axweés dír baabi'iihúng, yaamaá diihhooár ilwa nee dane ngiwa kuungá' i haniisi. Baalaarí niwa ti'ité' baraá lawaali'iimaro ka insleerá' umuúqo kurko.

TI'INAANGW 3:17

Aníng adór kuungá' nur duúx baraá slahh'amusuú yaamaá Misriro aga oó', nuri dahaás baraa yaamaá xoorór Kana'ani nee ar Hiti, nee ar Amori, nee ar Perisi, nee ar Hifi nee ar Yebusi, yaamaá diihhooár ilwa nee dane.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 33:3

Ta hardatá' baraá yaamuudaá diíhhooár ilwa nee dane. Ala aníng nee kuungá' ti alkoomanaaká, asma kuungá' a múk sagegawdén, aluuwo aníng kuungá' nu baraá loohírí hhaamiís.»

YEREMIA 11:5

Múk Israeli bar adoorí ngaa tleéhh, aníng al'axweesantadá' naa baabi'ii'ín báw an boo/eés, tidá' niwa káh, «Yaamaá diihhooár ilwa nee dane i inooín i haniís adór hám laarí i dirii'iya! Aníng niri oó', ‹Masók an adoosíng, AAKOÓ MUNGÚ.› »

YEREMIA 32:22

inooín kiri yaamuukií hanís, kuúng kiri diihhooár ilwa nee daneérí hanís, adoodá' aáng kara qaro alqadiín dír baabi'ii'ín.

ESEKIELI 20:15

Tam adoorihe aníng lo'o ana huúw baraá xaanxáy wa ale niwa káh, ‹I dahiaaká baraá yaamuudá' naa inooín i haniís, yaamaá dane nee ilwa, yaamaá ló'wa hhoohhoo' ta yaamu sleémeerowo.›

ESEKIELI 20:6

Baldá' lo'o ngiwa /aáy ina báw, ‹Aníng kuungá' nu duúx yaamaá Misrír wa alé nee nuri geerahaár ay baraá yaamaá naa kuungá' i tsawaár, yaamaá ilwa nee dane, yaamaá ak hhoohhoo' ta yaamaá hatlá' sleémeero.›

TLAHHOÓ LAÁWI 20:24

Ala án kuungá' naa qaroó báw, yaamuusíng a aalirhúng, yaamaá diihhooár ilwa nee dane. Aníng an AAKOÓ MUNGÚ, Munguúhúng, kudá' kuungá' naa paraatl dír xoordaá hatlae.

FAARO 14:7

nee dinku'uumadár múk Israeli ngiri bayé', «Yaamuudá' taa tsawtsawuusár awaán a yaamaá hhoohhoo' kángw kilá' wa ale.

FAARO 14:8

Barnaxes AAKOÓ MUNGÚ gaa slaá', atén ti baraadá' i dahaas, nee yaamuudá' diihhooár ilwa nee dane ngi haniis.

FAARO 16:13

Xáy gaarí an gár niinaáwe tiwa dúx baraá yaamaá Misrír wa ale, yaamaá diihhooár ilwa nee dane, as tiwa tsu/ baraá xaanxaywí ale? Slám ti malé sawaawuti'iín!

FAARO 16:14

Tam adoorihe ta hubiiká baraá yaamaá diihhooár awa ilwa nee dane, nee sleeme taa qamaá sabiibií sleeriiká as kiwa aalaan. Kuúng ka xu' mukwí sleémeero uqo taampuúr xáy?»

DABE 11:9

Daqaní slafíngw tleér u sleerá' baraá yaamaá hatsá' dihhooár ilwa nee dane, yaamuudá' aáng AAKOÓ MUNGÚ aa lo'ór wa /aáy ngiwa haniisi dír baabi'iihúng nee xwaylar'ín.

DABE 26:9

Tiri huúw baraá yaamuukaá diihhooár ilwa nee dane.

DABE 27:3

Gawaá dandeemaá tlaa/eedae /aymi'i sleémeero awa dabeerí ki gooiindá' qoomár bara daté' baraá yaamuudá' diihhooár ilwa nee dane, kudá' AAKOÓ MUNGÚ, Munguú baabi'iihúng naa al'axweés.

DABE 31:20

Asma qoomár aníng inooín bira huúw baraá yaamaá diihhooár ilwa nee dane, kudá' aníng naa lo'ór wa /aáy ngiwa haniis dír baabi'ii'ín, ala inooín tan /ayín, nee tan aax, tari wahhadiit. Aluuwo inooín tari warqáy, munguaá hatlá' kiri haratlintii', aníng iri si'iyá' nee alqador'eé' ngiri geexayá'.

DABE 6:3

Gawaá adoorihe, kuungá' múk Israeli, ilakaaharu tleehhaak, as diihhooa kawa sleera' nee tawa ló'wa doogiinda' baraá yaamuudaá diihhooár ilwa nee dane, adoodá' AAKOÓ MUNGÚ, Munguú baabi'iihúng ngira al'axweés.

YOSHUA 5:6

Asma xoorór Israeli ina baraá xaanxáy wa harweerariín kureeri mibeeri tsiyáhh, ay qoomár hhawaate sleémeero awa afiqoomár slaqwara ngaa aye', kudá' naa baraá yaamaá Misrír wa ti'iitiye' niwa hhané', as afór AAKOÓ MUNGÚ ngiwa iialooeesi'iiká. Asma AAKOÓ MUNGÚ lo'o gana /aáy daanduuine ar yaamuudá' aa dír baabi'ii'íní al'axweés, kudaá diihhooár ilwa nee dane, daxta ngiwa sangw baloó ariiaaká.