FAARO 13:20 - Biblía Axweesantá Hhohho' ar Mungú 2004

²⁰ Yaamu xuuxuuaak, xáy i wahhaaría, laqaá yaamaá tawo kaahaar, nee i xaa'aá koná'a' laqaá i kahhiyá'. Kuungá' masók a pihh'uumár koondá', nee birni ki/á' masók mamaá yaamuudá' ngi bahh hubá'.» Qoomaadá' an qoomár mamaá sabiíbu iwa hamnoó slaiya'.

FAARO 13:20 Iomraidhean Croise

1 QOM'I 22:11

«Daxta garmaaeé', AAKOÓ MUNGÚ, Munguúwók, masók a dinkwa nee kuúng, as kahhó' Doó AAKOÓ MUNGÚ, Munguúwók, kuwa aleesleér tleehhamooro ar adoodá' ngira oó' daanduuwoge.

NEHEMIA 9:25

Gixsadudaá koo/i gawden ngina ar tlayé', yaamaá daqaari'iimár koomá' ngina hayoohiyé', maraydá' muruú yaariír koomá' oo hhohhó', nee hhaleeridá' taa foliiti, nee qamaá sabiíbu, nee seituúniro dinkwa nee xaa'aá yaariir awa mamaá koomá'. Gawaá adoorihe ngiri /ayiyé', nay aaxiyé' niri wahhditiyé', hhooeemawók ngay saqwala/iyé'.

NEHEMIA 9:35

Inooín kuúng ugwa sagadiyusi'iiká baraá waawuti'iimar'ine nee baraá hhooeemawók kudá' yaariir taa dir'ín i hanís, tam baraá yaamuudá' yaariir awa hhapér hhó' koomá', inooín tleehhmi'ii'ín kudá' tlakw ngaa may'iiká.

ESEKIELI 34:14

In huúw dír qawtantá hhoohhoo' gawaá tlom'aá tledaadet awa yaamaá Israeli, kudá' qawtantá hhoó' koomá'. Inooín niri tlahhsiya' baraá xatstá hhoohhoo', eeít, inooín qawtantá hhoo' ngi slayá' gawaá tlom'aá Israeliwo.

DANIELI 11:24

Inós yaamuudá' diihhoo' gi qawti i haraatláy, nee muruú i tleehhi baraá taati'iiwose heé gwa tleehh i kaahh. Inós haasaáng gu qasiis dír múk inós gwa eehar. Inós ga ístí tsaát gixsadaá gawden ngiwa hhitin, ala a har qoomár niina.

MIKA 7:1

Tsaxwaaeé'! Asma aníng a adór heé qwariít, oo bururú gwaa sleemisuú ay. Ala laatí tam /aroó wák oo taa meetiís ugwa slawiiká. /Ar'i sleémeero kaa buú'

FAARO 13:19

Axáy yaamuudá' i hootiya' i wahhaaría laqaá gaa kwankwaari, nee gixsadaá ni hootiya' kaa tleéhhi ar koo/ír gawit laqaá aasla'áy.

DABE 1:24

Mukdá' tari tláy baraá yaamuudaá tlom'i, tari hardáh baraá xatstá Eshkoli, ngiri tsawtsawuusiyé'.

DABE 1:25

Niwa ki/iyé' mamaá baraá yaamuudá' ngiri huwiyé', nee kángw yaamuudá' nguri dirénií ooiyé' tawa kaahi, ‹Yaamuudá' AAKOÓ MUNGÚ, Munguúrén ni aténií haniisár wa slai, ki ló'wa hhoohhoo'.›

DABE 31:23

Naagáy AAKOÓ MUNGÚ Yoshua garmoó Nuni guri báy, «Gám piíhh, nee ilakaahareés, asma kuúng múk Israeli un geerahát, baraá yaamuudá' aníng naa lo'ór wa /aáy ngiwa haniis dír baabi'ii'ín. Aníng a dinkwa nee kuúng.»

Ebrania 13:6

Gawaá adoorihe atén adoorí a aleeslawaán ar haratlintaao ooaro, «Aako an alee/iisusmooeé', a da'ayumiitaaká. Hee gár i aníng i tleehhi a umós?»

YOSHUA 1:6

Gimáy piíhh nee ilakaahareés ló' wa alé, asma kuúng mukwí un dahás baraá yaamuudá' aníng naa lo'ór wa /aáy ngiwa haniis dír baabi'ii'ín i alé.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

YOSHUA 2:1

Qoomár tawa Shitimúrí kahhi, Yoshua garmoó Nuni, múk tsár guri qawtí ya/aáw, guri báy, «Tlawsé' yaamaá Kana'ani tsawtsawuusare', kawa ure gixsár Yeriko.» Tari tláy. Tawa hardáh baraá gixsár Yerikoro, tari deél dír doó /ameenír tsaatuso'o ar ta bay Rahabu.

YOSHUA 2:3

Waawutmoó Yeriko iri ya/abín amór Rahabu, iwa kaahi, «Muksíng naa dír do'ógí hardah, amooréní duuxang, asma gár tinda áy a yaamuurén sleémeero kiwa tsawtsawuusi.»