FAARO 12:8 - Biblía Axweesantá Hhohho' ar Mungú 2004

⁸ Gawaá adoorihe aníng nee inós an axweemaamisaán ar afe, nee ar geehhooeema, nee sleeme ar axweesantá bo/eeká. Inós slaqsay'eé' anuú AAKOÓ MUNGÚ guna ár. Gawaá adoorihe, asma waáy kuungá' sagadiyusmooeé' Mose musa qitlé' kaantiingo?› »

FAARO 12:8 Iomraidhean Croise

IIMU/UUNGW 32:30

Yakobo umuú didá' guri báy Penieli, i kaahi, «Nee Mungú taa araán ila nee tí, ala aníng a slaáf.»

WARA'AMI 17:15

Ala aníng kuúng u ár, asma gár naa dakuús i káhh. Qoomár binda tláw an haáts qwal/uwo, asma a dinkwa nee kuúng.

WARA'AMI 49:4

Iia an qaás axweesantá bo/ ngiwa tsaahh, sinikar'eé' an gwa/atís ar daa'ángw gidaandoori.

TI'INAANGW 19:19

Afoodár tarumbeéta iwa ak ló'wa tláhh, Mose iri axweés amór Mungú, Mungú Mose guri mu/aywaáts ar baraá kwarara/a.

TI'INAANGW 20:4

«Miti kilók slaqsa'aá munguaá hatlá' i tleehhaar, awa slaqás nee gár gawaá doorí dirii', tam slaqsoó gár baraá yaamu, laqaá tam slaqsoó gár baraá ma'aay.

TI'INAANGW 33:11

Adoorí an adór AAKOÓ MUNGÚ nee Mose tar axweemaamisi ar afe, adór hee nee heewós tar axweemaamisi. Aluuwo Mose iri kii/ baraá xafaay. Ala alee/isusmoowós Yoshua garmoó Nuni a masoomo, ina meét baraá heémadár Mungú.

TI'INAANGW 33:19

Mungú iri oó', «Aníng a dír geeraawók ar waaraáhh nee hhooeemaaeé' sleémeero ngiri dirók i laqaám, nee umuueé' nguri dirók i alki/iít niwa kah, Aníng a AAKOÓ MUNGÚ. Án hee bur gurtleemuú wa slaá', u gurtláw, nee kudá' guruueé' iwa tlatlay un gurtleemií tleéhh.»

TI'INAANGW 33:23

Aluuwo aníng dakw'eé' nguri hingeés gawaawoge. Kuúng daanduueé' un aán, ala gitsee/aeé' i aandaaká.»

TI'INAANGW 34:30

Qoomár Aroni nee múk Israeliwo Mose nguwa ariyé', naxés kaahartá gisee/aawós i qwiirí/, nee niri da'ayutiyé' nguwa i tseewuya'.

AXWEESANOÓ SAGALOOA 1:6

As kahhó' axweesanoó sagalooa kuwa xui, nee oo slaqsi'i, nee axweesanoó múk sageloén nee siníkar'ine.

ISAYA 40:18

Xáy, Mungú nee heemá ki slaqamisi? Xáy heé kur qoomes a heemá?

ISAYA 46:5

Kuungá' aníng heé ir slaqmisa' a heemá tari slaqmís nee inós. Nee heé ir alqoomesa' a heemá tari slaqmís nee inós.

ESEKIELI 17:2

«Heewí, siník ooeek, múk Israeli slaqsaywí baweek.

ESEKIELI 20:49

Naagáy, aníng niri oó', «Aá Aakoó MUNGÚ! Muu i ló'wa qununuu/ daanduueene ta kaahi, ‹Kwí bir axweés, a axweesantá bo/ kilós gan kah.› »

HOSEA 12:13

Ar loohír aarusmoowo AAKOÓ MUNGÚ múk Israeli guna duúx yaamaá Misrír wa ale, nee ar loohír aarusmoowo giri amohhe'eemiís.

FAARO 14:14

yaamuloouusér yaamuuká' kan kaangwí báy. Inooín ngaa qaroó axaasiyé' adór kuúng AAKOÓ MUNGÚ tar dinkwa nee atén, asma kuúng AAKOÓ MUNGÚ tina laqaán ar uhumoó huunki iwa gawaá daanduú heémarí sihhiít, nee kuúng tina geeraahát tlatla/ango ar uhumoó huunki nee xweeraawo ar uhumoó asla.

FAARO 7:89

Qoomár Mose iwa dáh baraá heémár Mungú as tawa axweesi nee AAKOÓ MUNGÚ, afo gana axaás bihhaá gawa awa kitangwduú gurtleemu, kuduú gawaá sandakmooduú alqado baraá tla/ángw slaqsi'iidá' tsár awa keruúbi. AAKOÓ MUNGÚ iri didá' wa axweés nee Mose.

Matayo 13:35

as /aymuuduú aarusmo aa oó' iwa boo/i, kudá' iwa káh, «Aníng an axweés ar slaqsi'i, Muruudá' taa luú/ iimír tlehhmuú yaamuwo un alki/iít.»

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 15:15

Án kuungá' nu malé lawaalér ar ateetimaaká, asma lawaalmo gár aakoowós i tleehhi ga xuiiká. Ala án kuungá' nun mulqér ar ateetiím, asma tidá' sleémeero án naa axaás amór Baabuúeé' wa ale, nga kuungá' i oó'.

Yohana 15:24

Aníng tlehhemi'i ina tla/angw'ín wa tleéhh, tam heé hatlá' i kaahh oo tlehhema'aá adór kudá' gaa tleehh. Adoorí geeraawo bar aga tleehhiiká, inooín alók geera ta tlakweemaá konká. Ala daxta inooín tlehhemi'iieé' kaa ár, tam adoorihe aníng nee Baabuúeene taa aáhh.

1 Korinto 13:12

Asma qoomaarihe atén an ga/aawaán ar baraá looa ar slaqsi'i. Ala qoomaadá' binda xeér, atén an ga/aawaán ar ilaarén awa kilá'. Qoomaarihe xu'utir'eé' i harqoomoó koón, ala qoomaadá' binda hardát, aníng a xu'uti hhe'eés, adoodá' tira xu'uti hhe'eés nee Mungú.

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

DABE 18:15

AAKOÓ MUNGÚ, Munguúhúng aarusmo adór aníng ngu baraá tla/angwhúngú kilá' wa tsawaar, nee kuungá' inós ku iialooesá'.

DABE 34:10

Baraá yaamaá Israeliwo aarusmoó adór Mose aa baloó ti'iitiiká, oo nee AAKOÓ MUNGÚ naa axweesiye' ar afe.

DABE 4:15

«Gawaá adoorihe, ti harmagahhe', ma gunqarutara' baldá' AAKOÓ MUNGÚ iwa axweés nee kuungá' didár tloomár Horebúr wa ale baraá tla/ángw asla, kuungá' ugwa aandi'iiká adór i dirii'i. Gawaá adoorihe ti ló'wa harmagahhe'.

DABE 5:8

«Miti kilók slaqsa'aá munguaá hatlá' i tleehhaar, awa slaqás nee gár gawaá doorí dirii', tam slaqsoó gár baraá yaamu, laqaá tam slaqsoó gár baraá ma'aay.

Kolosai 1:15

Kristo an slaqsoó geehhoó' oo Munguúdá' geehhooeeká. Inós an na/oó baris dír Munguhe baraá mura' sleémeero kudá' taa tleehhi.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

2 Petro 2:10

ak alé mukdá' ilatleerír slasla/aren ar slaqooín ga eeharahaár, kudá' aleesleemuú Munguú waaqaqaá'. Intsaahhatuuseerí ar lama inooín a afakaharuusér fahharuuse, slám a takaahuuse, slám ta daaraxiiká, ala tam malaykeedár aleesleemuú koom kan /ooslislín.

Yuda 1:8

Tam mukwí naa tla/angwhúng i dah sleeme aqo adoodá'. Inooín baraá tlataín awa tawooro slaqooín kin slasla/areemiis, tan siaasii' kiwa baliiti nee Mungú, nee kudá' xirfayen awa gawaá doori kin /ooslislín.