FAARO 12:6 - Biblía Axweesantá Hhohho' ar Mungú 2004

⁶ Naagáy AAKOÓ MUNGÚ giri báy, «Axweesante'eé' iiárií qaasaak, ‹Barnaxes aarusmo i deer baraá tla/angwhunge, aníng tin dirós i xu'utís ar loohír iigu'utu, nee tari axweesaán ar baraá tlata.

FAARO 12:6 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 20:7

Ala daxta, /ameenisíng ki/iseek, asma Abrahamu a aarusmo, inós kuúng u aleefirín hota kiwa sleer. Ala kuúng barnaxes aga ki/iská, xueek, ar looeemaá kilae kuúng a gwá' nee mukók sleémeero.»

IIMU/UUNGW 28:12

Iri tlatiitín, nee baraá tlataadae tsa/a/amto guna ár oo taa yaamuú wa sihhtís ay doori. Slám malaykér Mungú in tsa/a/aán nee in awdít ar gawaá tsa/a/amtoodá'.

IIMU/UUNGW 28:16

Yakobo iri tláy baraá gu'uteero, iri oó', «Ar ló', AAKOÓ MUNGÚ i diirí dirii', aníng aga xuiiká.»

IIMU/UUNGW 37:5

Looarka wake Yosefu ina tlatiitín. Tlataawós ngiwa alki/iít, hhaeewós nguri ak aahhiyé'.

IIMU/UUNGW 37:9

Ina male tlatiitín, hhaeewós giri báy, «Iia qaasaak, tlataá hatlá' iga malé tlatiitiím. Looa nee slahhaangw nee tsatse/uú mibaá nee wak aníng ina i xupuuiyé'.»

IIMU/UUNGW 46:2

Mungú iri axweés nee Israeli ar baraá iigu'utu qoomár xweera, guri báy, «Yakóbo, Yakóbo.» Inós iri oó', «Aníng a diirí.»

2 SAMUELI 7:4

Ala xweeraadaá kilae Natani axweesantá AAKOÓ MUNGÚ gari axaás i kat,

1 WAAWITÁ 3:15

Solomon iri tláy qatuuwo, naxés laatí gaa a tlata. Iri tláy Yerusalemu, iri sihhiít geeraá sandakmoó alqadór AAKOÓ MUNGÚ, ilahhooár da/a nee ar wayda gari haniís. Muruú /aymár yaariír guri qaás dír sagadiyuuseerós sleémeero.

1 WAAWITÁ 3:5

Nee amoodár Gibeoniro AAKOÓ MUNGÚ iri hardáh dír Solomon ar baraá tlata xweeraawo. Mungú guri báy, «Solomon gár ta sla' firiimang án ngi haniís.»

YOBU 33:15

In axwees ar baraá tlata nee ar baraá iigu'utu, qoomár gu'utér ilo' muu burngwa ohiín.

YOBU 4:13

Xweerawo qoomár niwa baraá tlatáy dirii', qoomár muu sleémeero gu'utér ilo' nguwa ohahiin,

WARA'AMI 105:15

Aakoó Mungú iri oó', «Sagadiyuuser'eé' ar hhohho' ma kwatiitara', aaruuser'eé' ma gár tlaákw i tleehhara'!»

WARA'AMI 89:19

Kuúng iimír aange sagadiyuuseerók ana baraá iigu'utúr beér, «Slamángw waawuti'iima ugwa haniís dír heé wák oo pihh'uumár koóm, ugwa xirfayeés kudá' aníng naa tsawaár baraá tla/ángw múk wa ale.

TI'INAANGW 7:1

AAKOÓ MUNGÚ Mose guri báy, «Ga/aaweek, aníng kuúng u adór Mungú tleéhh dír Faraowo, nee hhiyaawók Aroni an adór aarusmoowók.

YEREMIA 23:25

Aníng axweesantá aaruuseedá' lamtá aaririim ar umuueé' aga axaás tidá' tawa kaahi, ‹Aníng aga tlatitiím, aníng aga tlatitiím.›

YEREMIA 23:28

Aarusmo kudá' tlataawós káh, tlataawós ngi oin, ala kudá' axweesante'eé' ga koóm ngi dahareemisi ar inkihhimu. Muundáy nee aangano iqo tsuwa alqoná'a? Aanuú AAKOÓ MUNGÚ tí ngina oó'.›

ESEKIELI 1:1

Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

DANIELI 10:8

Gawaá adoorihe tina kilooeé' geexáy a iigu'utuwí dae tlaáq ga/áw. /Uuruueé' iri faák, tam kalay'eé' iri warqáy niri tawo meét aga bus'umiít.

DANIELI 2:19

Xweeradae tlataadá' nee gár i kaahiia kina laqán dír Danieli ar baraá iigu'utu. Danieli Munguú doori guri diidi'imiís.

DANIELI 7:1

Kurkú geera oo Belshasa waawutmoó Babuloni iwa waawuti'ín, Danieli ina tlatiitín nee iigu'utu guna ár qoomár iwa qaát gawaá qatantós. Tlataawós kudá' giri ququmareés gooiro.

DANIELI 8:2

Baraá iigu'utuuwihe naxés aníng a dír Susa, gixsár ur ar ayaá Elamu. Aníng aga sihhiít dír yaaér Ulai.

HOSEA 12:11

Tam hamí munguaá hatlá' ki sluufmiis baraá Gileadiro, mukdá' sleémeero gi sluufmiís ku hhaamiis. Ala tam hamí damaay ki ilahhooár muruú ta tsú/í hanmiis baraá Gilgaliro, ala kiteeridaá ilahhooa ki ufér tlaa/e tleehh baraá hha'aá qamuuwo.

Yoeli 3:1

AAKOÓ MUNGÚ i kaahi, «de'emadá' nee qoomaadá' hotaarír múk Yuda nee oo Yerusalemu bar warqeés,

SEKARIA 1:8

Qoomár xweeraawo malaykamo una ár aa tsa/án gawaá faraásír daa/aat. Malaykamoodá' aa sihhiít baraá xatsa tla/ángw xaa'aá ta bay hadaási. Nee aluuwose farsú hatlá' i deer, oo da/atén nee oo kal'aá bahayen nee oo /awák.

FAARO 24:4

A aarír heé axweesantá Mungú ga axamiís, heedá' iigu'utuú Mungú Aleesleemusmo gu araa'ár, kudá' aa tumbarara'aat ala i xumiis.

Matayo 1:20

Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Matayo 2:19

Herode iwa gwaá', malaykamoó Aako iri hardáh baraá Misri dír Yosefu ar baraá tlata, iri oó',

Matayo 23:31

Gawaá adoorihe kuungá' ti kiloohúng lamabu'uundá' adór tar na/aá mukdá' aaruuse gaa tsuu/.

Matayo 23:34

«Gawaá adoorihe xumiisé'. Án aaruuse ngi amorhúng i ya/aáw nee múk sageloene, nee intsaahhatuuseero. Inooín bahh'alé kuungá' i tsu/á', bahh'alé i kiki'iindá', bahh'alé i muxá' baraá maraá saalingwhunge, nee kiwa gusisiinda' baraá umuúqo gixsaro.

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

Matayo 27:19

Nee Pilato iwa iwiít gawaá kitaangós kuduú kwasleema, hareerós hee nguri ya/áp, guri beér, «Kángw heesíng gan'amuú koóm mu i dahaar. Asma laarí xweeraawo aníng tina slahh'eemaamiís ar baraá tlata as inós.»

Luka 1:11

Malaykamoó Aako guri harati'iít, aa sihhiít bihhaá doó /iyáy awa kitangwdá' mooyángw tsuú' kuwa da/a/an.

Luka 1:22

Niwa ti'iít, naxés amor'ín i axweesani ngiwa aslayká, kari tsaáhh adór iigu'utu ngura sláy baraá Doó Munguhe. Iri amor'ín i dabár axweés, iri sangw axweesántí ki/iiká.

Luka 20:6

Ala bara ooaán, ‹A amór muu,› muu sleémeero ti tlaquut ar tlaa/e, asma Yohane kwaa tsaáhh adór tar aarusmo.»

Tlehhema'aá ya/Abuuse 10:11

Doori giri ár naxés naa gweeriitiyé', nee gár adór inqwaarír ur ar pasleemo tsiyáhh kingi yaamií aweerimiis.

Tlehhema'aá ya/Abuuse 10:17

Qoomár Petro iwa adór i laqi aldakuuti daanduú iigu'utuudá' aa ari mukdá' taa ya/aáw nee Kornelio naxés naa hardáh ta doó Simonuú yaahamiis, taa afkú slúmtí sihhiít,

Efeso 4:11

Inós aleesleemuú Qeeru ngwa haniís, bahh'alé tawa ya/abuuse nee bahh'alé tawa aaruuse, nee kookaariya' tawa múk Ya/abtór hhó' alki/iít. Nee slám awa hatlá' tawa de'eemuuse nee intsaahhatuuse.

DABE 18:15

AAKOÓ MUNGÚ, Munguúhúng aarusmo adór aníng ngu baraá tla/angwhúngú kilá' wa tsawaar, nee kuungá' inós ku iialooesá'.

DABE 18:18

Aníng aarusmoó adór kuúng u baraá tla/angwhúng wa tsawaár, nee aníng axweesante'eé' a baraá afkós i qaás, inós tidá' sleémeero aníng ngwaa báw ngi dirhúng í oo'.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Geehhoeemaá 11:10

Nee múk baraá yaamuú wa hoót i qwalalaa/ nee iri baraa/ as inooín, nee tiri kilooín ilahhooár i hanmisiyá'. Asma aaruuseerí tsár mukdá' baraá yaamuú wa hoót guna ló'wa daawitamís.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»

1 SAMUELI 28:6

Saulo AAKOÓ MUNGÚ guna firín gawaá daanduú tihe, AAKOÓ MUNGÚ gwaa mu/aywatsiiká ar loohír tlata laqaá ar iso nee ar aaruuse.

1 SAMUELI 3:15

Samueli iri guaaín ay matlaatle, aluuwo afkú doó AAKOÓ MUNGÚ guri gweér. Samueli iri da'ayuút kángw iigu'utuudá' nguwa ooi dír Eli.

1 SAMUELI 3:21

AAKOÓ MUNGÚ tiri malé geehhooeés baraá Shilór wa alé, asma AAKOÓ MUNGÚ tina geehhooeemiís dír Samueli baraá Shilór wa alé ar loohír axweesantós.