FAARO 12:2 - Biblía Axweesantá Hhohho' ar Mungú 2004

² tawa kaahi, «Ahaá AAKOÓ MUNGÚ aqo in axweési ar loohír Mose kilós? Ahaá aa axweesiikáhe ar loohír atén sleeme?» AAKOÓ MUNGÚ axweesantí gari axaás.

FAARO 12:2 Iomraidhean Croise

IIMU/UUNGW 29:33

Lea iri malé tsít, na/oó garmaawo iri xwayluúr, gway beér Simeon, iwa kat, «AAKOÓ MUNGÚ na/oó hatlá' oo garma ngwaa haniís, gaa axaás adór aníng tira aáhh.»

2 SAMUELI 11:27

Qoomár /aa/aá Bat-sheba niwa faakiyé', Daudi iri ya/abín, Bat-sheba kawa huwi amór do'ós. Bat-sheba tari harér Daudi. Inós dír Daudiwo na/oó garma guri xwayluúr. Ala kaangwí Daudi aa tleéhh, AAKOÓ MUNGÚ guri buhhtís.

2 WAAWITÁ 19:4

Hamí sleeme i ya/aán AAKOÓ MUNGÚ gaa axaás axweesantá heedaádá' úr oo múk taa karmuumúy, kudá' tinda ya/aáw nee wawutmoó Ashuru, as aakoowós Munguúdá' slaáf nguwa /oosliislin. Doóqa AAKOÓ MUNGÚ, Munguúwók inós gu naanaaq as /aymi'iidá' aa axaás. Gawaá adoorihe mukók kwí aa meet aleefirimeek.› »

TI'INAANGW 4:14

Aluuwo AAKOÓ MUNGÚ Mose guri i buúhh, guri báy, «Ahaá Aroni hhiyaawók kuduú tlahhoó Laáwi i káhhi? Inós axweesani ga asláy. Qaytsiít, inós hám u al'áy. Qoomár inós kuúng bura ár, muunaáwós iri qwalaa/.

TI'INAANGW 4:30

Aroni axweesanaydá' sleémeero AAKOÓ MUNGÚ aa oó' dír Mose, guri dir'ín i káh, nee layuudá' sleemeéro giri tleéhh dír geeraá múk Israeli wa alé.

TI'INAANGW 5:1

Aluudae Mose nee Aroni tari amór waawutmo Farao káy, kuri báy, «AAKOÓ MUNGÚ, Munguú Israeli, i kaahi, ‹Muk'eé' geemaweek, deelór ur ngi baraá xaanxáy wa tleehhiye' as aníng.› »

TI'INAANGW 7:10

Naagáy Mose nee Aroni tari amór Farao káy, adoodá' AAKOÓ MUNGÚ ngaa báy ngiri tleehhiyé'. Aroni hhartós tidá' gari kwaáhh dír geeraá Farao nee geeraharuuse, hhartidá' iri dayshamo tleehhít.

AXWEESANOÓ SAGALOOA 13:10

Sagagawda i tlampa'amisuú huwahuuw, Ala sagalooa i dinkwa nee gurbu'uungw axamis.

ISAYA 37:4

Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

MIKA 6:4

Aníng kuungá' nuna baraá yaamaá Misrír wa duúx, nuna baraá yaamaá lawaali'iimár wa tuú/. Aníng Mose nee Aroni nee Miriamu ngina amorhúng i ya/aáw as nuwa geerahariya'.

FAARO 11:1

Muu qununu/aay guna iimu/ún dír AAKOÓ MUNGÚ as daanduú slahh'amuudá' naa slayé'. AAKOÓ MUNGÚ adoorí ngiwa axaás, iri ló'wa buúhh, muu guri ásltí kwaáhh. Asltí iri ót tla/angw'ín wa ale, bihhaá wák awa xafaay giri /ák.

FAARO 11:29

Ala Mose guri mu/aywaáts, «Ahaá gár kuúng da/i usa ót a milá as aníng? Hamí geera a tsiní AAKOÓ MUNGÚ mukós sleémeero burngwa qeeruuwós i haniís nee tari aaruuse.»

FAARO 12:3

(Mose a heé ló'wa tsatsaa'aár ta muu sleémeero oo baraakaá yaamuwo.)

FAARO 16:3

Inooín tari burumburiít dír geeraá Mose nee Aroni ngiri bayé', «Kuungá' daxta ado a tlahhmisá', dinku'uumaarí ka hhoohhoo' nee umuú hee oo baraá dinku'uumarí ku hhoohhoó', nee AAKOÓ MUNGÚ a dinkwa nee atén sleémeero. Ahaá waáy bare kuungá' daxta tin múk urén tlehhitá' dír daanduú xoorór AAKOÓ MUNGUHE?»

Rumi 12:10

Kuungá' ti kiloohúng ló'wa sla'aaslae' ar sla'aarír hhae, nee ti kiloohúng gan'aamise ar ilaiwa/ame.

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

Filipi 2:14

Umuúqo gaaro bar tlehhitá', ma tlehhitaara' ar qununu/aay nee tlaampa'aamis.

Filipi 2:3

Umuúqo gaaro ma tlehhiitara' ar fola, laqaá ar daara/aangw. Ala masók umuúqo heewo tin kilós niinaweemiis.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»