FAARO 11:21 - Biblía Axweesantá Hhohho' ar Mungú 2004

²¹ Ala Mose AAKOÓ MUNGÚ guri bay, «Faarór múk ni geerahaar a kume tsiire lahhoó', múk ya'aaine hi'iimiít, nee kuúng a kat, ‹Fu'unaá bu'uutá' slahhángw wake ngi sláw.›

FAARO 11:21 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

TI'INAANGW 12:37

Xoorór Israeli aai giri iimu/uún dirká ta bay Ramesesír wa alé ay Sukoti. Faarór hhawaate kilooín a kume tsiire lahhoó'.

TI'INAANGW 38:26

Umuúqo heé kureeraá mibeeri tsár gaa ay nee oo gaa ba/i kuna faár, hhawaate a kume tsiire lahhoó' nee tám nee tsiire kooán nee mibeeri kooán. Umuú heewo ohmeero gár aa haniís a muqslár peésa ar graámu kooán.

FAARO 1:46

dinkwaaro sleémeero a kume tsiire lahhoó' nee tám, nee tsiire kooán nee mibeeri kooán.

FAARO 11:13

Fu'unaá mukwí yaariír sleémeero ngur /aymiis dír ngiwa slaw a diimá? Asma hamí inooín daxta i /aa/aminá' dír geeraaeé' wa ale, tawa kaahi, ‹Qwaláng, fu'unaá /ayma slawang.›

FAARO 11:20

Ala in /aa/agá' slahhángw doori kuri gwangwar'á', ay dír ni dungér ti'imitiya', nuri mune ayá'. Adoorí in tleehharút asma AAKOÓ MUNGÚ kuungá' ugwa sié', kudá' baraá tla/angwhúng i dirií', nee tawa geeraawós wa /aa/amiindé' tawa katé', ‹Ahaá waáy mista duúx baraá yaamaá Misrír wa alé.› »

FAARO 11:22

Axáy bee/ángw bu'uút oo ta tsu/i nee hikwaawo iqo dayá'a? Siyoó bu'uút oo baraá tlawi kun ohiína as inooín?»

FAARO 2:32

Mukwí an mukduú Israeli taa faár adoodá' tlahhi'ii'ín i dirii'iya' baraá xafay'ine nee bohhuuine. Inooín sleémeerowo a kume tsiire lahhoó' nee tám, nee tsiire kooán nee mibeeri kooán.

FAARO 26:51

Múk Israeli oo taa faár hhawaate kilooín a kume tsiire lahhoó' nee wak, nee tsiire faanqw nee mibeeri tám.