FAARO 11:20 - Biblía Axweesantá Hhohho' ar Mungú 2004

²⁰ Ala in /aa/agá' slahhángw doori kuri gwangwar'á', ay dír ni dungér ti'imitiya', nuri mune ayá'. Adoorí in tleehharút asma AAKOÓ MUNGÚ kuungá' ugwa sié', kudá' baraá tla/angwhúng i dirií', nee tawa geeraawós wa /aa/amiindé' tawa katé', ‹Ahaá waáy mista duúx baraá yaamaá Misrír wa alé.› »

FAARO 11:20 Iomraidhean Croise

2 SAMUELI 12:10

Gawaá adoorihe, as kuúng aníng iwa waaqá', nee harér Uria, heé xoorór Hiti, kari tók tléhh, dákw muu tsu/uta i hhooayká baraá múk do'oge.›

WARA'AMI 106:15

Giri qáy tidá' na firni'i, ala tiqtír tlaakw gari dir'ín i huúw.

TI'INAANGW 16:13

Qoomár tsiindoowo naxés xooyángw qoo yaariír nina hardáh, didár xafay'ín i dirii'i gari dalaá/, matlaatleero naxés hara' xafay'ín guna harweér.

TI'INAANGW 16:3

Ta kaahi, «A tsiní geeraawo bar ana qatlaán baraá Misri ar dákw AAKOÓ MUNGÚ bihhaá hutla'aá fu'unaay, nee muruú /aymaadá' kuri /ayaán gur'e kari dala/aamaán, ala kuungá' atén tina baraá xaanxaywí hubé' as mukwí sleémeero kuwa tsu/a' ar qwari.»

TI'INAANGW 16:8

Mose iri oó', «AAKOÓ MUNGÚ kuungá' nu fu'unáy haniis tsiindoowo, nee matlaatleero nun mikaáteérí haniis, gur'erhúng kari dal/aandá', asma inós qununu/ayhúng gwa axaás. Kawa xua' atén tiwa i qununu/a a múk adoomá? Ma qununu/aara' amooréní ale, amór AAKOÓ MUNGÚ nay qununu/aak.»

AXWEESANOÓ SAGALOOA 27:7

Heé aáx tam danú gu yaahamisiiká Ala dír heé qwariita tam gár qarqaar iqo tsú'.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

FAARO 11:13

Fu'unaá mukwí yaariír sleémeero ngur /aymiis dír ngiwa slaw a diimá? Asma hamí inooín daxta i /aa/aminá' dír geeraaeé' wa ale, tawa kaahi, ‹Qwaláng, fu'unaá /ayma slawang.›

FAARO 11:19

Kuungá' fu'unaay in /agá', ala a looár wák kilooseeká, laqaá deelo tsareeká, laqaá kooaneeká, laqaá mibaangooká, laqaá mibeeri tsareeká.

FAARO 11:21

Ala Mose AAKOÓ MUNGÚ guri bay, «Faarór múk ni geerahaar a kume tsiire lahhoó', múk ya'aaine hi'iimiít, nee kuúng a kat, ‹Fu'unaá bu'uutá' slahhángw wake ngi sláw.›

FAARO 14:3

Ahaá waáy gár AAKOÓ MUNGÚ tisa huúw baraá yaamuuká as atén tiwa tsu/i baraá slaqwara, tlaawayrén nee na/iirene kiri haasaáng wa ar tláy? Xáy aa tsiniheekáhe bara ki/aán baraá yaamaá Misrírí ale?»

FAARO 14:4

Naagáy tari kilooín babayé', «Geeraharusmoorén u tsawaaraán a ki/aán yaamaá Misri.»

FAARO 16:13

Xáy gaarí an gár niinaáwe tiwa dúx baraá yaamaá Misrír wa ale, yaamaá diihhooár ilwa nee dane, as tiwa tsu/ baraá xaanxaywí ale? Slám ti malé sawaawuti'iín!

FAARO 20:4

Ahaá waáy, gár ateéká xoorór AAKOÓ MUNGÚ tisa baraá xaanxaywí hubé'? Xáy tina baraakií hubí'i as nee hikwaarén tawa baraakií qatlaan?

FAARO 21:5

Naagáy qununu/aay ngway iimu/uné' daanduú Mungú nee Mosewo, tawa kaahi, «Ahaá waáy gár tisa duxé' baraá yaamaá Misrír wa ale, nee gár tas qatlaan baraá xaanxaywí ale? Baraakae muruú /ayma i kaahh, tam ma'aay i kahhiyá', nee atén muruú /aymaarí tlií/ taa xinaaór ar faák.»

Tlehhema'aá ya/Abuuse 13:41

‹Qaytsité' kuungaásingá' waaqaqa'á', waa/oo/é' nee qwaaré', asma án gadiyérka a tleéhh baraá deelorhunge, gadiyér kuungá' ya/aamaro ta aleesleera'aaká, tam kingi ooi.› »

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

YOSHUA 24:27

Yoshua xoorór Israeli gari báy, «Ga/aawaagáy, tlaa/arí aa lamabu'uso'o tleehhít daandemoorene, asma axweesantadá' AAKOÓ MUNGÚ naa diréní aaín inós gaa axamís. Gawaá adoorihe, bar kuungá' Munguúhúng ugwa satlaké', tlaa/arí i lamabu'uún daanduuhunge, as kahhó' Munguúhúng mu satlaankara'.»

1 SAMUELI 10:19

Ala laarí Munguúhúng ugwa sié', inós an kudá' naa tuu/ baraá /aa/eehúng awa slahh'amaaye sleémeero, kuungá' aga oi'iíke, ‹Aasla'áy waawutmoorén qaasang.› Ala hám daxta burumburiité' dír geeraá AAKOÓ MUNGÚ, ar gur'ér marayhúng.»

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.