FAARO 11:17 - Biblía Axweesantá Hhohho' ar Mungú 2004

¹⁷ Aníng ni yaamií aweér, aníng nee kuúng nari axweesaán, nee qeeruudá' naa dirók i haniís un bahh ar tláw nguri dir'ín i haniís. Inooín nee kuúng mukwí ku al'amohhe'eemisá', huwaarí ma kilók loohisaar.

FAARO 11:17 Iomraidhean Croise

IIMU/UUNGW 11:5

AAKOÓ MUNGÚ nay aweér baraá yaamu as gixsa nee tsitsini ngiwa ari, tidá' taa tleéhh nee muu.

IIMU/UUNGW 17:22

Mungú axweesantá dír Abrahamu ngiwa hhe'eés, iri tláy.

IIMU/UUNGW 17:3

Abramu iri tumbarara'aát, Mungú iri oó',

IIMU/UUNGW 18:33

AAKOÓ MUNGÚ iwa hhe'eés axweesanto nee Abrahamu, iri tláy,

2 WAAWITÁ 2:15

Eeharuuseedár aaruuse kudaá Yeriko, Elisha nguwa ariyé', tari oó', «Qeeruú Eliya i gawaá Elisha i dirii'.» Naagáy ngway al'ayé' niri tumbarara'atiyé' dír geeraawós i aleero.

2 WAAWITÁ 2:9

Tawa hardáh gayuduú hatlae Eliya Elisha guri báy, «Gimáy gár ta sla' ooang dír aníng tira ar tlayká diroge.» Elisha iri oó', «Masók aleesleemuú qeeru oo adór kók kwisíng un sagaáwa tsár wa sláw.»

NEHEMIA 9:20

Ina qeeruuwók kudá' hhoóí hanís as ngiwa hara'ayin, maána ana hanís tawa muruú /aymar'ín nee ma'aá wahaangw as waxer'ín ngiwa tse'eesiya'.

TI'INAANGW 18:18

Looeemaawo kuúng gadiyeésíng u slaaqatís dinkwa nee mukdá' ni amoorók kakáw sleeme. Asma gadiyeésíng ka iiloo' diroge, kuúng kilók a tu/ká.

TI'INAANGW 18:22

Inooín qaa/oó muksíng kun tlaaq umuú daqto, axweesanaydá' gawdén ngun amoorók i waarahhamisiye', ala axweesanaydá' ninákw ngu kilooín tlaaqiye'. Adoorí bar aga tléhh, kuúng hiinsla u gú/, asma inooín kuúng u alee/iisiyá' baraá gadiyeésinge.

TI'INAANGW 19:11

Ti amohhe'eesiye' ay bál tám, asma bál tame anuú AAKOÓ MUNGÚ ni aweér gawaá tloomár Sinaírí ale, dír ilaá mukwí sleémeero.

TI'INAANGW 19:20

Qoomár AAKOÓ MUNGÚ iwa aweér gawaá tloomár Sinai, inós Mose guna gawaá ságw tloomár wa ateét, Mose iri amoodií tsa/án.

TI'INAANGW 34:5

AAKOÓ MUNGÚ iri aweér gawaá tlooma ar baraá huunki, iri sihhiít dinkwa nee inós, umuuwós guri alki/iít iwa kaahi, «Aníng a AAKOÓ MUNGÚ.»

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 63:11

Aluuwo mukós de'emaá aáng gina insláy, kudaá sagadiyusmoowós Mose. Inooín tari oó', «Kudá' de'eemuusér bee/aangós gaa waarahhaas tlawto i amá? Kudá' Qeeruuwós oo hhoohhoó' gwaa baraá tla/angw'ín i qaas gaálaay?

Yoeli 2:28

«Daqaní alaá tihe aníng muu sleémeero u hatsiís ar Qeeruueé'. Daaqayhúng nee dasuuwo tari aarirín. Bariiserhúng iri tlatiitiín, nee masoombarhúng iigu'utu guri aán.

FAARO 11:25

Nee AAKOÓ MUNGÚ iri aweér ar gawaá huunki, iri axweés nee Mose. Nee qeeru bahh'ale kudá' aáng aa Mose i haniís guri taataáhh, guri haniís dír bariiseedár mibeeri faanqw, qoomár qeeruuwí iwa gawaaín i iwiít, bariiseedá' tari aariirín, ala aariro taa malé ki/iiká.

FAARO 12:5

AAKOÓ MUNGÚ iri aweér ar uhmoó huunki, iri sihhiít dír afkú heéma, Aroni nee Miriamu giri ateét. Tsaraawo tari geerií suruúk.

FAARO 12:8

Gawaá adoorihe aníng nee inós an axweemaamisaán ar afe, nee ar geehhooeema, nee sleeme ar axweesantá bo/eeká. Inós slaqsay'eé' anuú AAKOÓ MUNGÚ guna ár. Gawaá adoorihe, asma waáy kuungá' sagadiyusmooeé' Mose musa qitlé' kaantiingo?› »

FAARO 27:18

AAKOÓ MUNGÚ Mose guri báy, «Yoshua garmoó Nuni taataahheek, inós i qeeruú kón baraawose, daqaní ku dákwí qás.

FAARO 7:89

Qoomár Mose iwa dáh baraá heémár Mungú as tawa axweesi nee AAKOÓ MUNGÚ, afo gana axaás bihhaá gawa awa kitangwduú gurtleemu, kuduú gawaá sandakmooduú alqado baraá tla/ángw slaqsi'iidá' tsár awa keruúbi. AAKOÓ MUNGÚ iri didá' wa axweés nee Mose.

Yohana 3:13

Slám heé aa gawaá doorí tsa/an i kaahh, aqo har Garmoó Hee kudá' naa gawaá doorí wa aweer.

Yohana 7:39

Yesu axweesanaywí guna axweés daanduú Qeeruú hhoohhoó' oo Mungú, kudá' ta haniisi dír mukdá' sleémeero inós gwa haratlintii'. Qeeru naa hardihiiká qoomaadae, asma qoomaadae Yesu kwaa xirfayeesiiká.

Rumi 8:9

Ala kuungá' tundu sa waawuti'ii'inká nee heeuumár tlakweema, ala nee Qeeru, asma Qeeruú Mungú in baraahúng wa hoot. Heedaáduú Qeeruú Kristo gu koomaaká, inós a heé Kristowooká.

1 Korinto 2:12

Ala atén Qeeruú taa slawaán a qeeruú yaamuukaeeká, ala a Qeeruudá' amór Mungú daáhh, as atén masók muruudá' kuwa tsaahhaan oo Mungú naa diréní haniís ar qeemuuwós.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

Yuda 1:19

Mukwí an múk wakaarír huwahuúw. Inooín muruú ta eeharahari a muruú baraaká' yaamu kilós, múk Qeeruú Mungú gu koomaaká.

1 SAMUELI 10:6

Nee Qeeruú AAKOÓ MUNGÚ un hatsiis, kuúng tari aaririín dinkwa nee inooín, kuúng turi warqees tari heé dimbé.