FAARO 11:11 - Biblía Axweesantá Hhohho' ar Mungú 2004

¹¹ Naagáy Mose AAKOÓ MUNGÚ guri báy, «Ahaá waáy gár adór tí mas sagadiyusmoowók i tlehhít. Ahaá aníng mis sla'aká, ahaá mustu sla'aatamisiiká nee aníng, ahaá misa huwár iiloóí tsa/ás ar mukók amohhe'eemis?

FAARO 11:11 Iomraidhean Croise

YOBU 10:2

Mungú un baw, «Án mi sakwasleemutaar, ala na xu'utisáng gár án nee kuúng tis tlampa'amisaan.

WARA'AMI 130:3

Xáy, AAKOÓ MUNGÚ, geera kuúng barnaxes tlakweemaarén in fadita, heé sihhtanór dír geeraawók ga qiítl a heemá, Aáko?

WARA'AMI 143:2

Án a lawaalmoowók, mi baraá kwasleemár i huwaar. Asma baraá múk slafa heé ganaá' i kaahh diroge.

TI'INAANGW 17:4

Mose iri /aá/ amór AAKOÓ MUNGÚ, iri oó', «Mungú, aníng mukwí adór ngu laaq a adoomá? Asma inooín i aníng tlaqutuú wa slaiyá' ar tlaa/e.»

TI'INAANGW 5:22

Mose iri kií/ amór AAKOÓ MUNGÚ iri oó', «Aá AAKOÓ MUNGÚ, ahaá waáy mukwí musa kaangwí tlákwií tléhh? Gár aníng isa ya/áp?

YEREMIA 15:10

Tsaxwaaeé', gár aayor'eé' isa laqwál baraakaá yaamií ale, asma aníng a heé ta niqin, nee oo ta tlampa'aamisi baraakaá yaamu sleémeerowo. Aníng hee ugwa kiriikiiká, laqaá aníng heé iga kiriik i kaahh, hamí ala umuú heewo in lu'umis.

YEREMIA 15:18

Ahaá waáy, gár slahh'amueé' is kumaamiti, inkaahhay'eé' mis hungaagu/ká, baré maasáy ga hungu/umisiiká? Ahaá, mis diqay tláq adór duxuú ma'aywós kahaakaahá'?»

MALAKI 3:14

Kuungá' ana katé', ‹Slaasláwár dáw i káhh, Mungú kuwa sagadiyuusi. Gár naa slawaán a milá hara'ayaarós kawa oohaán, nee tawa daqawan ar gurhaami dír geeraá AAKOÓ MUNGÚ Aleesleemusmo?

FAARO 11:10

Mose muu guri axaás iwa /aa/amin dír afér maray'ín wa ale, umuú hee dír afkú heémaarós. Naagáy AAKOÓ MUNGÚ buhhtaawo iri ló'wa qa/iít, nee Mose kuri mune duúx.

FAARO 11:15

Ala barnaxes adoorí an adór kuúng ta aníng i tlehhit a tsiní bar iga gás. Ala barnaxés kuúng aníng iga gurií bá/, kaangwí oo slahh'amaaye muwa araa'ár.»

2 korinto 11:28

Tí sleémeero bar mawaana, huwár hatlá' ar ni koom i deer umuúqo daqto as daanduú kríshaanáy sleémeero.

DABE 1:12

Xáy, ala adór aníng kilooeé' gilaahúng har'ohiingo ngir aleeslaw a adoomá?