FAARO 11:1 - Biblía Axweesantá Hhohho' ar Mungú 2004

¹ Muu qununu/aay guna iimu/ún dír AAKOÓ MUNGÚ as daanduú slahh'amuudá' naa slayé'. AAKOÓ MUNGÚ adoorí ngiwa axaás, iri ló'wa buúhh, muu guri ásltí kwaáhh. Asltí iri ót tla/angw'ín wa ale, bihhaá wák awa xafaay giri /ák.

FAARO 11:1 Iomraidhean Croise

IIMU/UUNGW 38:10

Adoodá' Onani aa tleéhh, AAKOÓ MUNGÚ guri buhhtís. Tam inós sleeme kway gaás nee AAKOÓ MUNGÚ.

2 SAMUELI 11:27

Qoomár /aa/aá Bat-sheba niwa faakiyé', Daudi iri ya/abín, Bat-sheba kawa huwi amór do'ós. Bat-sheba tari harér Daudi. Inós dír Daudiwo na/oó garma guri xwayluúr. Ala kaangwí Daudi aa tleéhh, AAKOÓ MUNGÚ guri buhhtís.

2 WAAWITÁ 1:12

Eliya iri oó', «Aníng barnaxes a heé Mungú, alók asla nin gawaá doorí wa /ét, kuúng nee mukók kusuú mibeeraá kooane nuri /ák.» Hamtidár kilae asltá Mungú iri gawaá doori wa /ét, inós dinkwa nee mukduú mibeeri kooane giri su'uunsú'.

YOBU 1:16

Qoomár sagadiyusmoodá' kaangwí ooaro nguwa hhe'eesiiká, oo hatlá' nina hardáh, iri oó', «Doori nina huuiyé', sagadiyuuse nee bee/aango ngiri qororo'oosiyé', aníng kilooeé' nina /úw, as kaangwí nguwa ooár aw.»

WARA'AMI 106:18

Eeharuuser'ín asla giri i /ét, mukdá' tlákw asla guri /ák.

WARA'AMI 78:21

AAKOÓ MUNGÚ ngiwa axaás, iri qaa/iít buhhtaawo, buhhtaawo iri daa/atúy adór asla amór Yakobo i ale. AAKOÓ MUNGÚ iri faakamiís buhhtaawo amór Israeli i ale,

WARA'AMI 78:63

Masoombar'ín asla gari /ák, nee múk dasuuín gu duxuút iri qwaár.

TI'INAANGW 16:7

Matlo matlaatleero kuungá' xirfuú AAKOÓ MUNGÚ u aandá', asma inós una i qununu/é'. Atén a ín heemá tam tiwa i qununu/a'?»

TI'INAANGW 16:9

Mose Aroni guri báy, «Xooroosír Israeli ka beer, Burumburiité' dír geeraá AAKOÓ MUNGÚ, asma inós qununu/ayhúng gwaa axaás.»

ISAYA 10:17

gwa/aateemaá Israeli nin asla tleehhitiyá', nee Kudá' Hhoohhoó' oo Israeli a tsángw asla. Tsángw asla fuquráy nee laqayaawose gin da/aa/án giri qororo'oos, baraá deelór wák i ale.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 33:14

Múk tlakuuse i da'ayumiit baraá Siyoniro mukdá' Mungú gu ilaiwawa/aaká i daaraax nee ta kaahi, «Baraá tla/agwrene heé qiítl dír asltá /ayiima, baraá tla/angwrene heé qiítl iwa iwiiti dír asltá baloó gwa'aaká.»

WA/AA/I 3:39

Ahaá waáy, gár heé slaáf is qununu/i burkwa muúx as tlakweemaawós?

ESEKIELI 20:36

Adoodá' baabi'iihúng ngira sakwasleemuút baraá yaamaá Misrír wa aleeró, an adoodá' aníng kuungá' nur sakwasleemuut.› Anuú Aakoó MUNGÚ tí aga oó'.

TLAHHOÓ LAÁWI 10:2

AAKOÓ MUNGÚ asla gari kwaáhh amór daaqaydá', guri qororo'ós dír geeraawós i ale.

NAHUMU 1:5

Tlom'i nin daaraxaatiyá' dír geeraawose, tam gongoama' niri weeqiyá'. Yaamu kin daaraxaas dír geeraawós wa alé, yaamu dinkwa nee muruudá' sleémeero oo baraá yaamaá hoota.

HABAKUKI 3:5

Pu/i in geeraawós wa hi'ít. Nee gwa'ara gun aluú wa eeharaahát.

FAARO 10:33

Naagáy tari tláy didár tloomár AAKOÓ MUNGÚ wa ale, deelo tám ta baraá aai, sandakmoó alqadór AAKOÓ MUNGÚ ku geeraaín wa loohiis deelo tám as dír xafay'ín kuy tleehhi kawa laqan.

FAARO 11:18

Nee muu ku beer, ti kiloohúng hheehhe'eese' as matlo, nee fu'unaay i /agá'. Asma kuungá' AAKOÓ MUNGÚ una /aa/amiindé' tawa katé', ‹Ís hee hamí adór fu'unaay ngir slay! Atén tawa baraá yaamaá Misrír diriaan ti slaqo hhó'.› Ala hamí daxta AAKOÓ MUNGÚ fu'unaay ngi sláy, kuungá' kiri /agá'.

FAARO 12:2

tawa kaahi, «Ahaá AAKOÓ MUNGÚ aqo in axweési ar loohír Mose kilós? Ahaá aa axweesiikáhe ar loohír atén sleeme?» AAKOÓ MUNGÚ axweesantí gari axaás.

FAARO 14:2

Mose nee Aroni ngina ló'wa i qununu/iyé', tawa kaahi, «A tsiní geeraawo bara qatlaán baraá yaamaá Misrír i ale, laqaá tsiní bara qatlaán baraá xaanxaywí!

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

FAARO 14:27

«Daqtír múk tlákw i aníngií qununu/umaamit ay xaylá? Aníng aga slahhaá' qununu/oó xoorór Israeli danduueene.

FAARO 14:28

Hamí daxta adoorí tir mu/aywatse', ‹Anuú AAKOÓ MUNGÚ a kah, adoodá' nir hotaatima, tidá' kuungá' ta kata' aníng naa axaás, ngi kuungá' i tleéhh.

FAARO 16:11

Gawaá adoorihe kuúng nee mukoge aga burumburité' AAKOÓ MUNGÚ kuwa i slaqwa'. Xáy Aroni a heemá kuwa i qununu/a'?»

FAARO 16:35

Naagáy AAKOÓ MUNGÚ asla ngiri huúw, mukduú tsiire tsár nee mibeeri kooán aa mooyángw da/tá ay, guri hhaamiís.

FAARO 17:5

Hhartá heé naa tsawaár in harmá/. Ar gawaá loohirihe qununu/oó múk Israeli daanduuhunge un faák.»

FAARO 21:5

Naagáy qununu/aay ngway iimu/uné' daanduú Mungú nee Mosewo, tawa kaahi, «Ahaá waáy gár tisa duxé' baraá yaamaá Misrír wa ale, nee gár tas qatlaan baraá xaanxaywí ale? Baraakae muruú /ayma i kaahh, tam ma'aay i kahhiyá', nee atén muruú /aymaarí tlií/ taa xinaaór ar faák.»

1 Korinto 10:10

Slám kuungá' ma qununu/aara' adór inooín bahh'alé nira qununu/iyé', kiri hhaamiís nee Hhitusmo.

DABE 25:18

Axáy inslawaak adoodá' nura baraá loohír wa i haratlayé', qoomár tawa nusqumiité' nee tawa slaaqamiité', nee adór mukdá' aa alií kii/ as tawa slaaqamiít ngura tsu/iyé'. Múk Amaleki Mungú ngwaa da'ayuti'iiká.

DABE 32:22

Asltá buhhtaaeé' kaa oohiís, asla iri /ayiín ay baraá gi'i. Daanduú yaamu nee umuú gaaro guri /ák ihhafirír tlom'i ga /ák.

DABE 9:22

«Slám kuungá' AAKOÓ MUNGÚ, Munguúhúng una baraá Tabera wa buhhtisé', nee Masa, nee Kibrot-hata'afa.

Ebrania 12:29

Asma ar ló', Munguúrén an asltá mura' sleémeero gu /aay.

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.

Yuda 1:16

Mukwí a múk tawó qununuú/ nee oo naeetuús. Nee laatí inooín a múk ilatleerir'ín eeharahár. Mukwí axweesanoó daara/aangw gun ar axwees, nee bartakaaro in ilaáhhe'eemisiyá' dír múk urén as slaasláw kawa dir'ín wa slay.