FAARO 10:9 - Biblía Axweesantá Hhohho' ar Mungú 2004

⁹ Qoomár bar slaqwara baraá ayahunge naa ti'ít tla/ángw kuungá' nee wakuuserhúng, tidá' kuungá' nu baramaanuus, layár slaqwara ka laqaandá' ar tarumbeéta ufaahha as AAKOÓ MUNGÚ, Munguúhúng nuwa inslay nee nuri ba/amis dír wakuuserhunge.

FAARO 10:9 Iomraidhean Croise

IIMU/UUNGW 8:1

Ala Mungú Noa guri insláy nee makaydá' baraá miringamoó i diriiá'. Mungú fur'ár ur gari ya/aáw gawaá daanduú yaamu, ma'aay nay /aaruyé'.

2 QOM'I 13:12

Ga/aawaak, Mungú inósuú kilá' an geeraharusmoorén, nee kaahamuusér Mungú i taruumbetadaá koón, taa amohhe'és ufahharo, as tawa layár slaqwara imu/uuma nee kuungá'. Kuungá' múk Israeli, ma slaqwara' nee AAKOÓ MUNGÚ, Munguú baabi'iihúng, asma kuungá' a baloó baalinda'aaká.»

2 QOM'I 13:14

Múk Yuda tawa alií qaytsiít tari da'ayuút, kawa ár kaa harweér, niri /aa/iyé' dír AAKOÓ MUNGÚ, kaahamuusér Mungú tarumbeetadu giri ufáhh.

WARA'AMI 106:4

Aníng inslawáng, AAKOÓ MUNGÚ, mukók bur hhooeemaawógí tlehhít, alee/iisáng qoomár bar mukók ba/amiimís.

WARA'AMI 106:42

kiri baramaanuús nee wakuuser'ín, gadiyér /uuruú koom ngiri tleehhiyé'.

WARA'AMI 136:23

Kudá' atén taa inslay baraá daqatlakwerene, Asma sla'aarirós i warqeeraaká ay alhhe'eesay wasle!

ISAYA 18:3

Kuungaásaá yaamuloouusér baraá yaamu sleémeero, iia qaasaak, kuungaásingá' baraá yaamú wa hootá', qoomár bendeéra bar ka gawaá tlom'í wa tleés ta qaytsitá', qoomár tarumbeéta barka ufaáhh iia ka qasá'.

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

YEREMIA 4:19

Baraaeene aga slahhaá', aga ló'wa slahhaá', nee slahh'amaaye ti gwangwar'aamaán, muunaáeé' aa slaaqaát. Muunaáeé' i ló'wa tuu'uut, xasliita a aleeslawaaká. Asma aníng afór tarumbeéta aga axaás nee tsimaahhír slaqwaraaro.

YEREMIA 4:21

Ay xaylá aníng bendeérár slaqwara ngi ga/aa/aw, nee afór tarumbeéta ngi axamamiis.

YEREMIA 4:5

Kaangw ooaak baraá Yudawo. Afo ilahanisaak amooqár Yerusalemuro tawa oa', tarumbeéta ufahhaak baraá yaamuwo. Afo tleesa hhe'esaak tawa kata', «Dinkwa i burumburitaak, gusé' a guwaán baraá gixsadaá koo/i gawden.

YEREMIA 49:2

Gawaá adoorihe, AAKOÓ MUNGÚ i kaahi, «Ga/aawaak, deelo ni hardát ar aníng slaqwara ngiwa tlees, /aa/e kiri axaas baraá Rabár Amoniro, inós tari ufuú xwaansláy, nee ayeemaá iisaapaywós kiri daa/ ar asla, aluuwo mukdá' múk Israeli gwaa aal, kuri aal nee múk Israeli.

YEREMIA 6:1

Múk Benyamíni, ti'iité' baraá Yerusalemuro, ta'aaimé' amór amohhooa. Tarumbeéta ufahhaak baraá gixsár Tekoaro, laya laqaamaak amoqár Bet-hakeremu. Asma amotlakwe ni bihhaá /iikú wa hardát dinkwa nee qwanoó ure.

YEREMIA 6:17

Aluuwo nuri xuumuuseérí qaás, nuri báw, ‹Afór tarumbeéta iiárií qaasaak.› Ala inooín tari oó', ‹A iiárií qaasanaaká.›

ESEKIELI 7:14

Tarumbeéta ka ufaahh, nee muu sleémeero taa amohhe'eés. Ala heé slaqwarár áw i kaahh, asma buhhtaeé' i gawaá daanduuín i dirii'iyá'.»

HOSEA 5:8

Xareemi ufaahhaak baraá Gibearo, tarumbeéta baraá Ramaro. Uui tleereesaak baraá Beti-aweniro, múk Benyamini wakuuserhúng hanoos aluuhúng.

TLAHHOÓ LAÁWI 23:24

«Múk Israeli ku beer, baalár hargeera ar slahhángw faanqw an boo/esá', tawa deelór hungu/uma, deelór inslaslaangw ar ta ilaharisa' ar afór tarumbeéta, nee dinku'uumár hhoohhoo' kari tlehhá'.

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

SEFANIA 1:16

deelór tsimaahhír tarumbeétár slaqwara, daanduú gixsadaá koo/i gawdene, daanduú /ampuudá' ló'wa tlede.

FAARO 31:6

Mose mukwí kumuú wák oo umuúqo tlahhaay guri ya/aáw baraá slaqwara, dinkwa nee Finehasi garmoó Eleasari, kaahamusmoó Mungú. Inós i xooslár kón ar didá' hhoohhoo', nee tarumbeétár laya kar laqan.

1 Korinto 14:8

Nee tarumbeéta barnaxes aa /a/iká ar afoodá' axaasa hho', heé ti amohhe'eés slaqwaraaro a heemá?

DABE 20:1

«Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.

YOSHUA 6:5

Qoomár kaahamuusér Mungú tarumbeéta binga ufáhh ar afór ur, kuungá' sleémeero bar aga axasé', ta tseá' ar afór ur, daqaní koo/ír Yeriko iqo hú', umuúqo heewo didií dirii'i i geerií hi'iiti, gixsa ngi i haratlay.»

HAR'OHUUSE 10:12

Muksíng oo Sidoni nee múk Amaleki nee múk Midiani kuungá' nuwa baramaanuusiya', kuungá' nina /aa/é' amor'eénií alé, aníng kuungá' nuri tuú/ baraá dabaaine.

HAR'OHUUSE 10:8

Inooín qoomaadae múk Israeli nguna slahh'eemisiyé' nee nguna baramaanusiyé'. Har afiqoomár kureeraá mibaá nee dakaate múk Israeli kudá' hotatiím baraá yaamaá múk Amorír wa ale, gayuú da/aáw oo yaaér Yordani baraá yaamaá Gileadi, kuna waanjín nee kuna ló'wa slahh'eemiís.

HAR'OHUUSE 2:18

Nee umuúqo qoomár AAKOÓ MUNGÚ har'ohusmo nguwa ya/aawi, AAKOÓ MUNGÚ a dinkwa nee har'ohusmoodá', AAKOÓ MUNGÚ múk Israeli guna ba/amís baraá dabér wakuuser'ín wa alé, deelo sleémeero ar har'ohusmoodá' iwa slafi. Asma AAKOÓ MUNGÚ kuna gurtleés nee /aa/eeín, as adoodá' kiwa slahh'eemiís nee kiwa baramaanuús nee wakuuser'ín.

HAR'OHUUSE 3:27

Iwa hardáh baraá yaamaá tlom'aá Efraimuwo, tarumbeéta gari ufaáhh. Ehudi xoorór Israeli gari geerahaár, niri al'aweeriyé' gawaá tloomár wa ale.

HAR'OHUUSE 6:34

Ala Qeeruú AAKOÓ MUNGÚ Gideoni guri i hardáh, Gideoni tarumbeéta gari ufaáhh as múk Abieseri nguwa ateetin as nguwa eehariya'.

HAR'OHUUSE 6:9

nuna tuú/ baraá dabaá múk Misriro, nee gawaá dabaá kudá' sleémeero kuungá' nu baramaanusá'. Muu nguri guús dír geerahúng wa ale, yaamuuín ngiri kuungá' i haniís.

1 SAMUELI 10:18

Xoorór Israeli gari báy, «AAKOÓ MUNGÚ, Munguú Israeli adór i kaahi a tí, ‹Nuna baraá Misrír wa duúx, aníng kuungá' nuna ba/amís baraá dabaá múk Misrír wa ale, nee dír dabaá waawitaádá' naa slahh'eemamiis.›