FAARO 10:29 - Biblía Axweesantá Hhohho' ar Mungú 2004

²⁹ Mose kumbu'uuwós, kudá' ta bay Hobabu garmoó taatoó hareerós Reueli, heé Midianír daáhh guna báy, «Atén a aa'aá kawaán amoodá' AAKOÓ MUNGÚ atén tiwa báy, ‹Yaamuudá' ngi kuungá' i haniís.› Gimáy góh ti alkoomaán, atén kuúng u adór hhoó' i tleehhaán, asma AAKOÓ MUNGÚ diihhooa gaa al'axweés dír múk Israeli.»

FAARO 10:29 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 13:15

Asma yaamuká' sleémeero ta ga/eer, án ngi kuúngií haniís nee xwaylarók ay kureér.

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

IIMU/UUNGW 17:8

Aníng yaamuká' kuúng ta dahi'iimár wa hot, ngi haniís dirógí ale, nee dír xwaylarók ar kumiit aluuwoge, yaamuká' sleémeero awa Kana'ani, tawa kók ay alhhe'eesay wasle, aníng tay Munguúín.»

IIMU/UUNGW 32:12

Inslaweek kuúng án ina al'axweesántí hanís ar iwa hhooárí tlehh, nee xwaylar'eé' kawa tlahhas adór hhasángw afaá tlawi, kudá' faaro ga ya/aamaaká.»

WARA'AMI 100:1

Afór ur tleesaak, AAKOÓ MUNGÚ i baraa/aak! Kuungaá baraá yaamu sleémeero.

WARA'AMI 34:8

Áx araak, adór AAKOÓ MUNGÚ kur hhoó', heé amohhoó' a kudá' goów amór AAKOÓ MUNGÚ.

WARA'AMI 95:1

Qwalaasé', AAKOÓ MUNGÚ u sa daa'aán, qwalaasé' a daa'aán ar afór qwal/uwo aa hats amór tlaa/ár atén taa ba/amis.

TI'INAANGW 18:1

Kaahamusmoó yaamaá Midiani oo ta bay Yetro, inós a taatoó harér Mose, kángw muruudá' Mungú aa tlehhaahhiít dír Mose nee xoorór Israeli, nee adór kingira duúx baraá Misrír wa ale, ngiwa axaás,

TI'INAANGW 18:12

Yetro, taatoó harér Mose, ilahhooár da/a nee ilahhooár muruú ta tsu/i garí haniís dír Mungú. Aroni iri hardáh dinkwa nee bariisér Israeli as tawa al/ayin nee Yetro dír geeraá Mungú wa ale.

TI'INAANGW 18:27

Alaá tihe Mose nee taatoó hareerós tiri deelór bayé', naagáy aakoodá' iri waátl ayaawósí alé.

TI'INAANGW 2:18

Qoomár inooín niwa watliyé' baabuuín Reueli giri báy, «Ahaá laarí baré naa muutlité'?»

TI'INAANGW 2:21

Mose iri ya/án iwa hooti doó heedaádá' wa ale. Heedaádá' guri dasiirós tidá' ta bay Sipora i haniís, ngiwa duuxi.

TI'INAANGW 3:1

Looarka wake Mose iwa daqtá bee/ángw de'en oo Yetro, taatoó hareerós, kaahamusmoó Midiani, daqtí gana de'éngw áy gayuú darma bihhaá /uwa, iri hardáh ay Horebu tloomár Mungú.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 6:4

Slám alqador'eé' dir'ine aga gawdeés ar yaamaá Kana'ani ngiwa dir'ínií haniis, kudá' aáng naa hootiyé' tawa adór dahaaye.

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

YEREMIA 50:5

Loohír gixsár Siyonír kaw kari yaahaas, amooqaqae gur'er'ín nga amoodá' xu'usiyé' tawa kaahi, ‹Qwalaas, ti haragwaa'aán nee AAKOÓ MUNGÚ baraá alqadoodá' alhhe'eesay wasl, tidá' baloó gunqarutaaká.›

FAARO 10:28

Adoorí an digir wakeetíngw taa eehár nee múk Israeli ar adoodá' bohhuuín i dirii'iya', umuú daqto bar ta xafay'ín fe/iit, bar ta lolohín.

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Tlehhema'aá ya/Abuuse 7:5

Ala Munguú Abrahamu ngwa yaamaá i aálií haniisiiká tam dír har digiruú wák. Slám na/aay gu konká, ala guna al'axweesántí haniís ar inós nee xwaylarós tidár aluuwo ngiwa yaamií haniisi.

DABE 30:5

AAKOÓ MUNGÚ, Munguúhúng nuri huuw baraá yaamuudá' baabi'iihúng naa aaliyé' as kuungá' kiwa ala'. Inós kuungá' nu amohhooárí haniis, nee nuri tlahhas baabi'iihúng ba/a.

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.

HAR'OHUUSE 1:16

Xwaylár Keni, taatoó harér Mose, nina gáwtí tsa/ané' iimír baraá gixsadár slaansla, dinkwa nee múk Yuda, tay dáh baraá xaanxoó Yuda, kuduú baraá Negebu bihhaá yaamaá Aradi, inooín nay tlayé', niri alhootiyé' nee múk yaamuudá'.

HAR'OHUUSE 4:11

Qoomaadae Heberi, heé xoorór Keni, tina paraátl dír múk Keniro, mukwí oo Keni, xwaylár Hobabu taatoó harér Mose. Heewí ta bay Heberi heémaarós gana siíhh baraá Sa'ananimu, ar iisaapoó Kedeshi.

1 SAMUELI 15:6

Saulo múk Keni guri báy, «Gimsé', tlawé' ti paratle' dír múk Amalekiro, aníng kuungá' munduwa dinkwaárí hhaamiís nee inooín, asma kuungá' múk Israeli una hhoeemáy tlehhé' qoomár niwa ti'iitiyé' Misrír wa ale.» Naagáy múk Keni tari tláy, tiri paraatliyé' dír múk Amalekiro.