FAARO 10:2 - Biblía Axweesantá Hhohho' ar Mungú 2004

² «Tarumbeetadaá tsár awa muqslaadár peésa kwahhuteek. Tarumbeétarí an ufhhaán qoomár bar múk ateetiín, nee qoomár bar ta xafoó fe/iit as tawa loohi.

FAARO 10:2 Iomraidhean Croise

2 WAAWITÁ 12:13

Ala peésaarí kaa burumburiiká as iimpedudaá peésa kiwa tleehhi, makaasír támboó mishumaa, nee búklaaywo nee tarumbeéta laqaá xooslár hatlá' ar sahaábu laqaá ar peésa.

2 QOM'I 5:12

Mukduú tlahhoó Laáwi kuduú daauuse a Asafu nee Hemani nee Yedutuni nee daaqay'ín nee hhaeeine, inooín tlabaá hhohho' awa kitaáni nga tsiitiyé'. Inooín in mitingiroó koná', nee mariímba nee gidaandori. Inooín tana sihhiít bihhaá da/aáw awa kitangwdá' ta ilahhooárí hanmamisi dinkwa nee kaahamuusér Mungú ar tsiiru nee mibeeri tsár kudá' i tarumbeétadaá ufahhaná'.

WARA'AMI 81:3

Tarumbeéta ufahhaak qoomár slahhaangw bir ni ti'imiit, qoomár slahhángw hoomoowo, deeloorén tidá' ure.

WARA'AMI 89:15

AAKOÓ MUNGÚ, múk amohhoó' a kudá' kuúng u sluufmiisá' ar daa'ángw bara/, kudaádá' hootá' baraá loohír gwa/aateemaawók wa ale.

TI'INAANGW 25:18

Slaqsa'aá tsár awa keruúbi ki tléhh ar sahaábuú taa kwahhuút, ki qás gawaá alhhe'eesoó badu tsaraawo awa kitangwduú gurtleemu.

TI'INAANGW 25:31

«Kuúng kitángw tsaa'aso ki qamin tleehheek ar sahaábuú hhohhó'. Yukumoó tsaa'astadá' nee hhartós tidá' aa gáwtí ganai a gár wák, nee slooqi'iiwose nee qoloqoláywose nee /ayoorose sleémeero tleehheek ar sahaábu.

ISAYA 1:13

Ilahhooár harimaaká mingi huwahuwaara', mooyangwdá' tsuú' aníng ugwa aáhh, nee deelór ur ar slahhaangw niwa ti'iiti, nee deelór Sabaátooro nee burumburimituú saaliingo. Aníng dinku'uumadár saaliingw ar aleedoogír nee tlakweema a sla'aaká.

YEREMIA 4:5

Kaangw ooaak baraá Yudawo. Afo ilahanisaak amooqár Yerusalemuro tawa oa', tarumbeéta ufahhaak baraá yaamuwo. Afo tleesa hhe'esaak tawa kata', «Dinkwa i burumburitaak, gusé' a guwaán baraá gixsadaá koo/i gawden.

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

Yoeli 1:14

Muu ádbawaak i gwaawin, dinku'uumár saaliingw ateetaak. Bariise nee yaamuloouuse sleémeero ar Yuda buruumburaak, ta tlay amór Doó AAKOÓ MUNGÚ, Munguúhúng, nee AAKOÓ MUNGÚ kuwa baraadá' wa ii/aa/amiinda', tawa kata',

Yoeli 2:1

Tarumbeéta ufaahhaak, gawaá tloomár Siyoniro, uui ilahariisaak, gawaá tlomar'eé' tidá' hhoohhoo', as yaamuloouusér Yuda sleémeero iwa daaraxat, asma deelór AAKOÓ MUNGÚ ni hardát, slám naa naká/.

FAARO 10:1

AAKOÓ MUNGÚ Mose guna báy,

FAARO 10:7

Ala qoomár barnaxes a múk dinkwaárí ateetindá', tarumbeéta ka ufaahhi ar afór muu iwa kwislitiiká.

Efeso 4:5

Aako a wak, nee haratlintaao a wak, nee slám baatiísmo a wak.