FAARO 10:10 - Biblía Axweesantá Hhohho' ar Mungú 2004

¹⁰ Sleeme adoorí tleehhaak qoomár bar baraá qwal/amaaye, adór deelór ur bál slahhaangw birna ti'iít, nee deelór ur ar hatlá' ar ta tleehhamór wa sla'a', tarumbeéta ufahhaak qoomár bar ilahhooár da/aa/ángw hanmisá', nee ilahhooár wayda ar muruú ta tsu/i. Daqaní diirihe anuú Munguúhúng nun insláw. Aníng an AAKOÓ MUNGÚ, Munguúhúng.»

FAARO 10:10 Iomraidhean Croise

2 WAAWITÁ 4:23

Hhawaatuuwós gari báy, «Ahaá laarí gár tas amoorós keer a mila? Laarí a slahhángw /abeneeká, sleeme a deelór Sabaátorooká.» Inós guri beér, «Gár tlaakw i káhh.»

1 QOM'I 15:24

Kaahamuusér Mungú ar tarumbeétár ufahhaam geeraá sandakmoó Mungú wa alé a tí: Shebania, nee Yoshafati, nee Netaneli, nee Amasai, nee Sekaria nee Benaya nee Elieseri. Obed-edomu nee Yehia kina xuumuusér sandakmoó Mungú wa qaás.

1 QOM'I 15:28

Aluuwo múk Israeli sleémeero sandakmoó alqadór AAKOÓ MUNGÚ kunguna huúw baraá Yerusalemu ar kwaraa/ír ur, xareemi nee tarumbeétaro kiri ufaáhh, nee mitingiraay kuna tsingili'imiís, nee afo kari tleesa hhe'eés ar mariímba nee gidaandooraay.

1 QOM'I 16:42

Hemani nee Yedutuni i tarumbeétadaá koná' nee mitingiraywo, as kiwa slahhan, nee xooslaá daa'ango as daa'ángw hhohhó' kuwa daai. Daaqoó Yedutuni kuna xuumuusér afér gixsár wa qaás.

2 QOM'I 29:26

Múk tlahhoó lawi tana sihhiít ar xosluuín kukaá daa'aangw awa Daudi, nee kaahamuusér Mungú ina sihhít ar tarumbeetadu'ín.

2 QOM'I 29:28

Muu sleémeero tana kumiít sluufmisuuwo, daauuse ina kumít daa'ango, nee mukduú tarumbeetadaá ufahhaám in kumiít ay qoomár ilahhooár da/a hanmisuuwo garwa hhooeér.

2 QOM'I 7:6

Kaahamuusér Mungú tay sihhiít dir'ín. Múk tlahhoó Laáwi ina sihhiít sleeme, dinkwa nee xoosladár daa'ángw AAKOÓ MUNGÚ, tidá' waawutmo Daudi aa dir'ín i haniís, tidá' inós aa tleéhh as AAKOÓ MUNGÚ nguwa xirfayeemisi iwa kaahi, «Sla'aarirós ar warqawaaká in kumaamít ay kureeraá kureér.» Kaahamuusér Mungú tarumbeétadu giri ufáhh, múk Israeli sleémeero iri sihhiít.

ESRA 3:10

Qoomár qwatsiiruuse iihhafiirír Doó AAKOÓ MUNGÚ ngiwa hhe'és, kaahamuusér Mungú tlabaaín kudaá gadiyeé ngiri dahaasiyé', nina hardihiyé' nee tarumbeetaduuine, nee múk tlahhoó Laáwi nee oo Asafu, tindina hardáh ar mitingiraay as AAKOÓ MUNGÚ kuwa xirfayeemisi, ar adoodá' kara oó' nee waawutmo Daudi, waawutmoó Israeli.

NEHEMIA 12:35

Xwaylár kaahamuuse bahh'ale in tarumbeétadaá koná', inooín an ín, Sekaria garmoó Yonatan, garmoó Shemaya kuduú garmoó Matania, garmoó Mikaya, garmoó Sakuri, garmoó Asafu.

WARA'AMI 150:3

Xirfayeemisaak ar afór tarumbeéta, xirfayeemisaak ar gitaa nee seése.

WARA'AMI 81:3

Tarumbeéta ufahhaak qoomár slahhaangw bir ni ti'imiit, qoomár slahhángw hoomoowo, deeloorén tidá' ure.

WARA'AMI 81:4

Asma a dawa dír múk Israeliro, a hara'ayár Munguú Yakobo.

WARA'AMI 89:15

AAKOÓ MUNGÚ, múk amohhoó' a kudá' kuúng u sluufmiisá' ar daa'ángw bara/, kudaádá' hootá' baraá loohír gwa/aateemaawók wa ale.

TI'INAANGW 28:29

«Naagáy qoomár Aroni bir dah dír hhoohhoó' i aleeró, tlakwayduú da/eewo ngun dahaas, kudá' sla'aarír Mungú kar tsaahhi oo taa umér tlahh'aá xoorór Israelirí gooín, as kahhó' tawa inslaslaangw dír geeraá AAKOÓ MUNGUHE daqisleém.

TI'INAANGW 30:16

Kuúng peésasíng tinda huúw as haraki/isa ka ilaaót dír múk Israelír wa alé, daqaní afér heémaadár Mungú ngi tlaq, as kahhó' peésaarí aníng iwa inslawtamis daanduú múk Israeliwo, asma peésaarí slafingw'ín guna tú/.»

ISAYA 27:13

Baalaadae tarumbeétár yangaariir kari ufaahh. Mukdá' sleémeero aa qwaar baraá yaamaá Ashuru, nee kudá' taa huwi baraá yaamaá Misri ni hardihiyá', AAKOÓ MUNGÚ nguri sluufmisiyá' gawaá tloomarós tidá' hhoohhoo' wa ale, ar Yerusalemu.

TLAHHOÓ LAÁWI 23:24

«Múk Israeli ku beer, baalár hargeera ar slahhángw faanqw an boo/esá', tawa deelór hungu/uma, deelór inslaslaangw ar ta ilaharisa' ar afór tarumbeéta, nee dinku'uumár hhoohhoo' kari tlehhá'.

FAARO 10:9

Qoomár bar slaqwara baraá ayahunge naa ti'ít tla/ángw kuungá' nee wakuuserhúng, tidá' kuungá' nu baramaanuus, layár slaqwara ka laqaandá' ar tarumbeéta ufaahha as AAKOÓ MUNGÚ, Munguúhúng nuwa inslay nee nuri ba/amis dír wakuuserhunge.

FAARO 28:11

«Umuúqo iimu/úngw slahhaango, AAKOÓ MUNGÚ ilahhooár da/a/aangw ti hanmise', awér tsár ar batlaay, nee gwaanduú wák, nee gwaandaawér ninakw faanqw ar kurkú wák, ar xaslxaansli wasl.

FAARO 29:1

«Slahhángw faanqw bál bar wak, dinku'uumár hhoohhoo' ka tlehhá', baalaarihe ma gadiyuusara'. Tarumbeéta baalaarihe an ufhhá'.

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Tlehhema'aá ya/Abuuse 10:4

Kornelio malaykamoodá' guri i qaytsita hhe'eés, iri da'ayuút, iri oó', «Gaa a milá, aáko?» Malaykamo iri oó', «Firoorók nee ilahhooaro Mungú gaa ilaaóh, nee Mungú ga gunqareesiiká.

1 Korinto 15:52

ar gaanslaay adór kwisliitár ila, qoomár tarumbeétadár alhhe'eesaay bira /á/. Asma tarumbeéta iqo /á/, nee múk aa qaatl kuri waasle/atis, tari múk qatlaaká baloó ale, nee atén sleeme tiri warqees.

1 Tesalonike 4:16

Asma Aako inósuú kilá' i aweer gawaá doorí wa ale, afór ur ar hara'aya kari axaas, nee afór malaykamoó úr, nee afór tarumbeétár Mungú kari axaas. Mukdá' Kristo gwa haratlintii', kudá' aa qaatl kuri geerií waaslee/atis.

1 Tesalonike 4:18

Gawaá adoorihe kuungá' ti kiloohúng gurkwa/amise' ar /aymi'iiká'.

YOSHUA 4:7

Kuungá' ki beera', ‹Sandakmooduú alqadór AAKOÓ MUNGÚ kuwa waarahhamisi yaaér Yordaniro, ma'aá yaaér Yordani nina tla/a qasiitiyé'.› As adoorí tlaa/eeká' an inslaslángw tlehhmuuwí dír xoorór Israeliwo ay kureeraá kureér.»

YOSHUA 6:4

Kaahamuusér Mungú ar faanqw ar tarumbeétadaá faánqw koom awa taa tleéhh ar xareemaá gwaandaawe, i geeraá sandakmoó alqadór wa hi'it. Bál faanqwe kuungá' sleémeero gixsár Yeriko hi'iitano tir harwede' sagaáwa faanqw. Kaahamuusér Mungú i geeraá sandakmoó alqadór wa hi'it, nee tarumbeéta ngi ufhhane'.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.

1 SAMUELI 20:5

Daudi Yonatan guri báy, «Matlo slahhaangw birinda ti'iít a deelór ur dír waawutmoowo, slamí i xu'utít aníng niwa iwiit dír meésár waawutmo tawa al/ayimaan. Ala áx lakiít anaá ala tláw, anaá ala nahhaát baraá qaymo ay bál tám tsiindo.