FAARO 1:50 - Biblía Axweesantá Hhohho' ar Mungú 2004

⁵⁰ Ala múk tlahhoó Laáwi qaaseek heémár lamabu'uungw ngiwa amohhe'eemisiya', nee xooslarós sleémeero nee umuúqo gár baraadií diriia. Inooín heémadá' ngin gagariná' nee xooslaarós sleémeero, nee nin baraadá' wa gadiyuusiyá' nee xafay'ín kun tleehh as kuwa heémár harweeri.

FAARO 1:50 Iomraidhean Croise

2 QOM'I 24:6

Naagáy waawutmo geeraharusmooín Yehoyada guri ateét, guri yaahaás, «Ahaá baré múk tlahhoó Laáwi ugwa kángw beeriiká ohmér peésa kawa buruumburi dír múk Yudawo, nee oo Yerusalemuro, ohme adoodá' Mose sagadiyusmoó AAKOÓ MUNGÚ ngira oó', ohmeedá' taa uhín as heémadá' hhoohhoo' ar AAKOÓ MUNGÚ.»

NEHEMIA 12:22

Qoomaadár Eliashibu, nee Yoyada, nee Yohanani nee Yadua múk urén oo tlahhoó Laáwi, kuna gooín. Qoomár waawuti'iimár Dario waawutmoó Persia múk urén oo kaahamuusér Mungú kuna gooín sleeme.

NEHEMIA 12:47

Múk Israeli sleémeero, iimír qoomár Serubabeli nee Nehemiawo umuú baalaaro ilahhooa kana hanmiís as daauuse nee xuumuusér afkú do'. Múk Israeli tooka ngina partlitiyé' as múk tlahhoó Laáwi, múk tlahhoó Laáwi tooka ngina paraatliyé' as xwaylár Aroni.

NEHEMIA 12:8

Múk tlahhoó Laáwi a Yeshua, nee Binui, nee Kadmieli, nee Sherebia, nee Yuda, nee Matania, kudá' daa'ángw sluufaay gwaa geeraharahaar dinkwa nee hhaeewós.

NEHEMIA 13:22

Múk tlahhoó Laáwi una ádbáw tiwa kilooín hhohhoeesiya', niwa hardihiya' afér gixsa ngiwa xuna deelór Sabaátór hhoohhooe. Munguúeé', án inslawáng, tam tihe, gurtlawáng ar harqoomoó yaareemaá sla'aarirók tidá' warqawaaká.

NEHEMIA 13:5

Kutuwír ur gana amohhe'eés as Tobia, kutuwidá' ta ilahhooár balaángwí qamaamín nee ar mooyaango nee xoosla, nee ilahhooár balaangw ar gár wák baraá mibaango nee difaái nee di/i, tidá' taa hara'ayín kawa hanmiisi dír múk tlahhoó Laáwi nee daauuse, nee xuumuusér afér doó Mungú, nee ilahhooa as kaahamuusér Mungú.

WARA'AMI 122:4

Tlahh'ii ni amoorógí tsa/aná', tlahh'aá AAKOÓ MUNGÚ, as umuú AAKOÓ MUNGÚ nguwa sluufisiya', adoodá' AAKO ngira oó' dír Israeli.

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

TI'INAANGW 38:21

Xoslu sleémeero awa heémár Mungú, tidár alqado, kara tleéhh, faarór'ín tí: Mose hara'aya gana oó' dír múk Laáwi kiwa geerahari nee Itamari garmoó Aroni kaahamusmoó Mungú.

FAARO 1:53

Ala múk Laáwi xafay'ín ngu tleehhiye', ngu harweeriye' ar heémár lamabu'uungw, as heémaadá' ngiwa xuna' hee mingiwa i tseewúy aníng iri buhhtis daanduú múk Israeliwo. Naagáy múk tlahhoó Laáwi heémarír lamabu'uungw ngin amohhe'eemisiyá'.»

FAARO 10:21

Aluuwo múk guruú doó Kohati xosluudá' hhoohhoo' ngina gagaariyé' tari tláy, tawa hardihi heémadá' kikiaro kaa hhe'eés.

FAARO 17:7

Mose hhadoodá' giri qaás sleémeero dír geeraá AAKOÓ MUNGÚ baraá heémaadár lamabu'uungw.

FAARO 18:5

Kuungá' kiloohúng gadiyér didá' hhoohhoo' an tlehhá' nee ar kitángw ilahhooa, as aníng buhhtaawo mawa daa/atúw amór xoorór Israeli.

FAARO 2:17

«Naagáy aluuwo xafoó tlahhoó Laáwi i baraá tla/ángw xafaay sleémeero, inooín heémadár Mungú ngin loohisiyá', umuú boohharo baraá aaiiwo aqo bendeérár tlahhay'ín kan eeharaahar.

FAARO 20:11

Naagáy Mose dakós guri gáwtí tleés, tlaa/a gari sagaáwa tsár wa slaáhh ar hhartós. Ma'aá yaariir niri wa/iyé', muu nee hikwaine niri wahiyé'.

FAARO 4:15

Ala Aroni nee daaqaywós didá' hhoohhoo' birnga hhe'eesiyé' tuuntuukaro dinkwa nee xoosla sleémeerowo, nee qoomár birta amohhe'eesiyé' aai iimu/uumaaro, múk guruú doó Kohati tindi hardihi as heéma kawa gagaari. Ala inooín xooslár hhohho' makawa kwatiít, as matawa qaátl. Gaarí an gadiyér múk guruú doó Kohati qoomár barta heémár Mungú loohatimis.

FAARO 4:3

Hhawaate sleémeero faareek iimír awa kureeri mibeeri tám wa oohang ay awa kureeri mibeeri kooán, kudá' handá' hariimá' baraá gadiyeérír heémár Munguhe.

FAARO 8:19

Nee aníng múk tlahhoó Laáwi ngwa qeemuú wa haniís dír Aroni nee daaqaywós baraá tla/ángw múk Israeliwo, as niwa baraá heémár Mungú wa gadiyuusiya' nee haraki/isa ngiwa tleehhiya' as múk Israeli, as kahhó' tiqtír tlakw múk Israeli munguwa eér, as niwa tseewuyé' didá' hhoohhoo'.»

FAARO 8:20

Gawaá adoorihe Mose, Aroni nee dinku'uuma sleémeero ar múk Israeli múk Laáwi kuri paraátl ar adoodá' AAKOÓ MUNGÚ Mose ngura hara'ayín.

FAARO 8:22

Alaá kaangwihe múk Laáwi iri dáh nee tari gadiyuús baraá heémár Mungú wa ale, kina geerahaár nee Aroni nee daaqaywós ar adoodá' AAKOÓ MUNGÚ Mose ngura hara'ayín.

Geehhoeemaá 15:5

Alaá muruuwihe niri qaytsiít, Doó Mungú nguri ár, kuwa gweér. Do'wí a heémadár lamabu'uungw, tidár gawaá doorií dirii'.