FAARO 1:4 - Biblía Axweesantá Hhohho' ar Mungú 2004

⁴ Nee hhawaatuú wák baraá umuúqo tlahhaywo masók a dinkwa nee kuungá', kuduú geeraharusmo baraá guruú doó baabuúwose.

FAARO 1:4 Iomraidhean Croise

1 WAAWITÁ 8:1

Aluuwo waawutmo Solomon bariisér Israeli, nee geeraharuusér xoordu, nee geeraharuusér maraá múk Israeliro gina burumbuúr geeraawós i alé, baraá Yerusalemu as Sandakmoó Alqadór AAKOÓ MUNGÚ nguwa duuxiya' baraá gixsár Daudiwo, tidá' ta bay Siyoni.

TI'INAANGW 18:21

Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

TI'INAANGW 18:25

Mose múk aleesleemú koóm baraá tla/ángw xoorór Israeliro guri tsawaár giri geeraharuusér wa qaás, barakarka a geeraharuusér múk kumuú wák gu geeraharahaar, tooka geeraharuusér múk tsiiru gu geeraharahaar, tooka geeraharuusér múk mibeeraá kooán gu geeraharahaar, tiqá' a geeraharuusér múk mibaangw.

FAARO 1:16

Mukwí an geeraharuuseedá' taa tsawaár dír tla/ángw múk Israeli sleémeero. Inooín an adór geeraharuusér uren baraá tlahh'ii'ine nee baraá gur'ér maraá baabi'ii'ine.

FAARO 1:44

Mukwí an kudá' Mose nee Aroni taa faár, nee kina alee/iimiís nee geeraharuuseedá' mibaá nee tsár ar xoorór Israeli, umuú geeraharusmoowo ina sihhiít as daanduú tlahhaywós.

FAARO 17:3

nee umuú Aroni gooiimeek gawaá hhartidá' tinda huúw as múk tlahhoó Laáwi. Hhartá wák ar daanduú geeraharusmoó tlahhaay.

FAARO 25:14

Heedaáduú Israeli nee /ameenidár Midiani taa al tsuú/, umuú hhawatuudá' a Simri garmoó Salu, geeraharusmoó guruú doó wák baraá tlahhoó Simeoniwo.

FAARO 25:4

AAKOÓ MUNGÚ Mose guri báy, «Geeraharuusér Israeli sleémeero ar tlaweek, ki tarereiín tlaatla/ángw alé dír geeraaeé', as kahhó' muner'eé' iwa tsauur daanduú múk Israeliwo.»

FAARO 30:1

Aluuwo Mose geeraharuusér tlahh'aá Israeli gari báy, «Kaangwí AAKOÓ MUNGÚ nguna hara'ayín:

FAARO 4:34

Naagáy, Mose nee Aroni nee geeraharuusér dinku'uumadá' muu sleémeero kuri faár oo guruú doó Kohati, ar adoodá' gur'ér maraá baabi'ii'ín i diri'.

FAARO 7:2

Aluuwo geeraharuusér Israeli niri hardát as ilahhooa ngiwa haniisiya'. Inooín an kudaá geeraharuusér tlahhi'i, kudá' faarór muu ngaa sagesihhiitiye'.

DABE 1:15

Gawaá adoorihe aníng geeraharuuse tidá' sageeloen nee fuqureeraá koom, nee mukdá' xu'utír koóm nguri qaás, kudá' kuungá' naa tsawdé' baraá tla/ángw tlahhi'iihunge, nguri qaás geeraharuuserhúng wa ale. Bahh'ale ngiri qaás as tawa geeraharuusér daqooró kume, nee múk tsiire, nee múk mibeeraá kooán, nee ar múk mibaangw. Muu bahh'ale una qaás as tawa geeraharuusér umuú tlahhaay.

YOSHUA 22:14

Tari alkoné' nee geeraharuusér mibaangw ar tlahh'aá xoorór Israeli. Umuúqo heewo a heé úr baraá tlahhaywose.