FAARO 1:3 - Biblía Axweesantá Hhohho' ar Mungú 2004

³ Mukdaádá' sleémeero baraá Israeliwo oo afiqoomár slaqwara gaa ay, oo kureerii'ín mibeeri tsár ngaa aye', nee ngaa ba/iye', inooín ki qoomesá' baraá daqooráy.

FAARO 1:3 Iomraidhean Croise

2 SAMUELI 24:9

Aluuwo Yoabu faarór muu gari ooár áy dír waawutmo. Baraá xoorór Israeliwo hhawaataá miguuse a kume tsiire tsiyáhh, awa slaqwarár paangadu ngi baalá', nee baraá Yudawo hhawaate a kume tsiire kooán.

1 QOM'I 5:18

Tlahhoó Reubeni nee oo Gadi nee tlaqtá tlahhoó Manase, miguuse ngi kona' a kume mibeeri tsiyáhh nee tsiyáhh, nee tsiire faanqw nee mibeeri lahhoó', inooín a múk gaambu gi koóm nee paangadu nee ga/ale tsaxararo ngi baalá'. Mukwí ku amohhoó' slaqwararo.

2 QOM'I 25:5

Waawutmo Amasia múk Yuda guna burumbuúr guri qoomeemeés baraá daqoroó dimbadiimbé ar adór tlahh'ii'nií dirii'iya', nee giri qaás dír geeraharuusér daqtá kume, nee ar tsiire ar múk Yuda nee oo Benyamini. Mukós nguwa tsee/aarín, kuduú kureeri mibeeri tsár gaa ay a kume tsiire tám dinkwaaro. Mukwí sleémeero a múk slaqwara ga aleesláw, kudá' slaqwarár lawlu nee gaambu ga xuú'.

TI'INAANGW 12:17

Baalaadár mikaátér taa sluuftisiiká an insleerá', asma baalaasír kilae aníng slawoohúng ina duúx baraá yaamaá Misrír wa ale, as adoorí baalaasíng inslaslawaak tam qari sleémeero ar hi'iita. Dakwí in kumamiit ay kureeraá kureér.

TI'INAANGW 30:14

Umuúqo heé taa faari iimír kureeri mibeeri tsár wá tleemu ay múk urén sleémeero ilahhooarí ngi dír anuú AAKOÓ MUNGÚ i hanisiye'.

TI'INAANGW 38:26

Umuúqo heé kureeraá mibeeri tsár gaa ay nee oo gaa ba/i kuna faár, hhawaate a kume tsiire lahhoó' nee tám nee tsiire kooán nee mibeeri kooán. Umuú heewo ohmeero gár aa haniís a muqslár peésa ar graámu kooán.

FAARO 14:29

Kuungá' a qatlá' nee tu'uuhúng kiri kwakwaahh baraá xaanxaywí, asma ana qununu/é' daanduueene. Dír kuungae oo har kureeriiwós mibeeri tsár nga aye' nee gaa ba/i,

FAARO 26:2

«Dinku'uumár múk Israeli sleémeero faaraak, iimír kureeraá mibeeraá tsár wa oohang, umuú heewo ku faari ar adoodá' gur'ér maray'ín i diri', umuúqo heé Israeli oo afiqoomár slaqwara gaa ay.»

FAARO 3:15

«Múk tlahhoó Laáwi faareek adoodá' tlahhay'ín nee maray'ine i dirii'iya', hhawaate sleémeero iimír na/oó slahhángw wák wa oohang ay kudá' uren.»

FAARO 32:11

‹Looeemaawo umuúqo heé naa baraá yaamaá Misrír wa ti'iit, oo kureeraá mibeeri tsár wa oohang oo yaamuudá' naa lo'ór wa /aáy ngiwa haniis dír Abrahamu, nee Isaka nee Yakobo, heé gi ár i kaahh. Asma inooín naa iialooeesi'iiká aníng iwa eehariya'.›

FAARO 33:1

Adoorí an adór xoorór Israeli ira hi'iimít iimír niwa yaamaá Misrír wa tlayé' ar daqooráy, nee kingiwa geeraharahari nee Mose nee Aroni.

FAARO 4:3

Hhawaate sleémeero faareek iimír awa kureeri mibeeri tám wa oohang ay awa kureeri mibeeri kooán, kudá' handá' hariimá' baraá gadiyeérír heémár Munguhe.

DABE 24:5

«Hhawaatuú aa sa duuxun miwa daqáy baraá slaqwaraaro, laqaá mukuwa gadiyér hatlá' i haniís, inós ku tawo may ay kurkú wák, as iwa dó' wa hooti, nee hareerós ngiwa qwal/atamiisi.

DABE 3:18

«Qoomaadae ina kaangwí báw, ‹AAKOÓ MUNGÚ, Munguúhúng yaamuudaá bihhaá da/aáw awa yaaér Yordani ngaa kuungá' i haniís as tawa daqaari'iimarhúng. Hám daxta kuungá' awa miguuse dír tla/ángw hhaeehunge, xooslár slaqwara oohaak, yaaér Yordaniro geerií waaraahhé', dír hhaeehúng awa Israeliro.