ESTA 9:4 - Biblía Axweesantá Hhohho' ar Mungú 2004

⁴ Asma Mordekai a heé úr doó waawutmoowo, nee xirfuuwós ina xu'utiít baraá ayeemo sleémeero, asma aleesleemuú Mordekai ina ak doogiigín.

ESTA 9:4 Iomraidhean Croise

2 SAMUELI 3:1

Har afiqoomaadaá yaariire múk aa barta doó Saulo ay tana kumamiít slaqwaraaro nee múk aa barta doó Daudi ay, ala múk Daudi /uuru gun ak slasláy, Saulo nee múk bartós tan ak slaaqamiit.

1 QOM'I 11:9

Daudi /uuru gway sláy baraá uraywose, asma AAKOÓ MUNGÚ Aleesleemusmo a dinkwa nee inós.

1 QOM'I 14:17

Daudi iri iia tleerúy ay baraá yaamu sleémeero. AAKOÓ MUNGÚ xoordu sleémeero gay daeérí tleés, inooín Daudi kuri da'ayumiiít.

ESTA 10:2

Tlehhmi'iiwós sleémeero awa /uuruú koomá' nee pihh'uuma, nee kángw ilaiwa/amér ur tidá' waawutmo aa dír Mordekai tleéhh kaa gooinkáhe baraá kitaábuú qom'i oo waawituú Media nee oo Persia.

WARA'AMI 1:3

Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

WARA'AMI 18:43

Iga ba/amís dír mukdá' aa dee/aanuuti. Iri waawutmoó xoordu tléhh, múk ni xuaaká iri sagadiyuús.

WARA'AMI 92:13

Kwaa dahaás baraá Doó AAKOÓ MUNGÚ, nin slu/ubibiná' baraá Doó Munguúrén wa ale.

TI'INAANGW 11:3

AAKOÓ MUNGÚ múk Misri guri gur'e wananaeés as múk Israeli nguwa gurií ba/iya'. Slám Mose iri ló'wa iia tleerúy baraá yaamaá Misriro dír geeraharuuse nee dír muko.

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

SEFANIA 3:19

«Ga/aawaak, qoomaadae kudá' sleémeero nu baramaanuusá' aníng in muúx. Ala kudá' soopimá' in ba/amís, nee awa taa kwaáhh in burumbuur. Murer'ín an warqeés tawa xirif nee in iia tleereés baraá yaamu sleémeero.

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

YOSHUA 6:27

Naagáy AAKOÓ MUNGÚ a dinkwa nee Yoshua baraá umuúqo gaaro ar aa tleehhi, nee xirfuú Yoshua sleeme kuri axaás nee muu sleémeero.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.