ESTA 9:27 - Biblía Axweesantá Hhohho' ar Mungú 2004

²⁷ Múk Yahudi deeloorí tsár gari qaás tawa dawa dir'ine nee dír na/ii'ine, nee dír mukdá' sleémeero aa dir'ín i haragwaa', matawa baloó slaaqaát deeloorí tsár inslaslaango qoomaarós bira xeér, umuúqo kurko, ar adoodá' Mordekai ngira gooín.

ESTA 9:27 Iomraidhean Croise

ESTA 8:17

Nee baraá ayko, nee umuúqo gixsaro, umuúqo dír hara'ayár waawutmo i hardati nee afoorose, múk Yahudi qwala/ gway sláy, nee tay baraá/ nee muruú /aymár úr kway /aáy. Tam múk hatlá' oo yaariír tiri ilaqaamiís nee múk Yahudi, asma múk Yahudi kuna da'ayuumiít.

ESTA 9:20

Naagáy Mordekai kaangwí gway gooín, inós barwadu gay ya/aáw amór múk Yahudi kuduú baraá ayeemo sleémeero awa baraá waawuti'iimár waawutmo Ahasuero, kudá' tsewen nee awa sawene,

ESTA 9:21

as muu nguwa ádbáy kahhó' bál mibaá nee tsiyáhh nee bál mibaá nee kooán ar slahhángw Adari kawa inslaslay umuúqo kurko.

ESTA 9:28

As kahhó' deeloorí kawa inslaslay nee kawa oohi nee qari sleémeero umuúqo do'o, baraá umuúqo ayko nee umuúqo gixsaro. Tam deeloorír Purimu makawa baloó slaáx nee makawa máy, inslaslaangós miwa alhhe'eesuút dír xwaylar'ine.

WARA'AMI 78:7

As inooín Mungú kuwa harahhifor'ín i qaasi, tlehhma'aá Mungú mingiwa gunqareesiyé', ala hara'ayaarós ngi oohiye'.

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

ISAYA 56:3

Dahaaymoó anuú AAKOÓ MUNGÚ i xuú' miwa oó', «AAKOÓ MUNGÚ aníng iga paraátl dír mukose.» Heé taa karmúy miwa oó', «Ga/aaweek, aníng a xa'anoó aa kah.»

ISAYA 56:6

Nee mukduú dahaaye naa haragwaa' dír AAKOÓ MUNGÚ, nguwa sagadiyuusiya', nee umuú AAKOÓ MUNGÚ nguwa slaiya' kudá' sleémeero deelór Sabaáto ngaa oohiye' nee ngi meetagamisa'aaká, nee alqador'eé' nga oohiye'.

ESEKIELI 16:61

Daqaní kiíng tlehhmi'iiwók i insleér tari murút qoomár hhaeewók awa dasu birnga dabaawók i qaás, hho'oorók ar ur nee ar niinawe, adór dasuuwók wa aleeró, ala adoorí a tleehhaaká as al'axweesantá nee kiíng na qaasaán.

SEKARIA 2:11

«Nee de'emadae xoordaá yaariir i haragwaaiyá' dír anuú AAKOÓ MUNGÚ, inooín tari muk'eé, aníng nee inooín tari alhootaán.» Kuungá' kay tsahhá' adór aníng tira ya/aáw amorhúng nee AAKOÓ MUNGÚ Aleesleemusmo.

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

FAARO 15:15

Baraá qari sleémeero ar hi'iita dabeedá' kuungá' ta eeharaahada' hoomoó nee kuungá' alhootá' sleeme gan eehar, asma kuungá' nee hoomoowí dír geeraá AAKOÓ MUNGUHE dimbé i káhh.

DABE 5:3

Inós alqado gaa tleehhiiká nee bariiserén kilós, ala alqado gana tleéhh nee ateéká' slafá' hám laarí.

YOSHUA 9:15

Yoshua al'axweesani gari oó' ar múk Gibeoni kuwa tsu/iiká nee múk Israeli. Bariisér Israeli kaangwí guri ya/aán boo/eesaro.

HAR'OHUUSE 11:40

Umuú kurko /ameenár Israeli in tsuunqumaamís deelo tsiyahhe as gwa'arár dasír Yefta, garmoó Gileadi.

1 SAMUELI 30:25

Iimír baldá' Daudi hara'ayaarí gana dawa tleéhh baraá yaamaá múk Israeliro ay laarí.