ESTA 9:25 - Biblía Axweesantá Hhohho' ar Mungú 2004

²⁵ Ala qoomár Esta iwa amór waawutmoó keér, waawutmo hara'aya gari oó' barwadu kiwa gooin as adoodá' tlaakw Hamani aa qoomeés daanduú múk Yahudiro kawa gawaawós i tleehhi nee daaqaywós kuwa tarereín gawaá xa'ano.

ESTA 9:25 Iomraidhean Croise

1 WAAWITÁ 8:32

na'ás, kuúng iiárií qaaseek gawaá doorí wa alé, kuúng qaa/oó mukók tsateek. Heé dakuúsár koóm sakwasleemuteek ar harqoomoó dakuúsarós i diri', nee heé dakuúsár koomaaká maweek, ku gurtleér adoodár iialooeesarós i diri'.

ESTA 3:6

Hamani gaa ak gárwá ariiká Mordekai kilós nguwa qwaareesi, asma inooín kwaa xoorór Mordekai i xu'utís. Gawaá adoorihe, Hamani xoorór Yahudi gana qwaareesár wa slaá', múk Mordekai kuduú baraá yaamaá waawutmo Ahasueró i dirií'.

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

ESTA 7:4

Asma atén taa haniís, aníng nee muk'eene as tiwa hhaamisi nee tiwa tsu/i nee tiwa suquy. Alók geeraawo atén tin lawaalér /ameena nee hhawaate tleehh, alók a dir'eéní xasliít, tam adoorihe slahh'amuurén ku alqoomeesiiká nee basloó waawutmo gu sláw.»

ESTA 7:5

Waawutmo Ahasuero waawuto'o Esta gari báy, «Heesíng a heemá, nee i diimá, kwisíng adoosíng gaa qiitl tleehhamooro?»

WARA'AMI 140:8

AAKOÓ MUNGÚ, heé tlakusmo tidá' i slai ma haniisaar, nee tidá' tlakw ta qoomeemesi ma ya/aamaar iwa tleehharut.

WARA'AMI 140:9

Kudá' aníng i harwediitá' nee i baliitá', muruudá' tlákw afer'ine i aaina' inooín ngi inki/i.

WARA'AMI 141:10

Tlakuuse i pahh baraá tsaaxweelay'ín kuduú kilá', qoomár án bar aga waaraáhh ar saxareema.

WARA'AMI 7:16

Tlakweemawós ngun saki/iyá'. Hara/untsawós ngun saki/iyá'.

WARA'AMI 7:17

Aníng AAKOÓ MUNGÚ un sluufmiís as gan'amuuwós. AAKOÓ MUNGÚ Aleesleemusmo un xirfayeemiís ar daa'aangw.

WARA'AMI 94:23

Tlakweemaaín kudá' i tlehhahhitiya' gin gawaaínií ki/is. Inooín kin hhaamiis as tlakweemaaín. Eeít, AAKOÓ Munguúrén gi qwaarees.

AXWEESANOÓ SAGALOOA 26:27

Heé bohóngw foliít as heé hatlá', inósuú kilá' gun oh, Nee heé tlaa/ár gwangwara'aám inós gu harakí/.

AXWEESANOÓ SAGALOOA 5:22

Heé tlaákw kun oh nee tlakweemaawós awa kilá', kun oh nee him'ér dakuúsarós tidár kilá' i tlehhaahhiti.

ISAYA 22:25

Ala Baalaadae kiki'idá' ta slaáhh dír kawa saxmaár bira tununu/út, geeraharu'uumarós aqo kan hingees, nee huwaadár gawaawós aqo kan amór saáwí kwaahh, asma anuú AAKOÓ MUNGÚ tí gaa oó'.› »

OBADIA 1:15

Asma deelór AAKOÓ MUNGÚ xoordu sleémeero ngiwa sakwasleemuuti naa tseewuúr. Adoodá' taa tlehhé' an adór tindi kuungá' i tleehhi. Tundun buu' ar harqoomoó tlehhmi'iihúng.

Matayo 21:44

Umuúqo heewo oo gawaá tlaa/arí huú', aqo in qeqtaatín, nee slám umuúqo heewo oo tlaa/arí i i hu', aqo gun naasuúr.]»

1 SAMUELI 25:39

Daudi ngiwa axaás adór Nabali ira gwaá', iri oó', «AAKOÓ MUNGÚ i xirfuuti kudá' marmaádá' gaa buu' dír Nabali, as aníng iwa /oosliislín. AAKOÓ MUNGÚ aníng iga pa/ás gár tlaakw ngiwa tleehh. AAKOÓ MUNGÚ marmá gana buú' gawaá Nabali as tlakweemaawós.» Alaá kaangwí iwa hhooáy Daudi muu guna ya/aáw amór Abigaili kawa lehhtuú ay as Daudi, asma gaa waatlakweés.