ESTA 9:22 - Biblía Axweesantá Hhohho' ar Mungú 2004

²² Asma deeloorí an deelór múk Yahudi amohhooa ngiwa slayé' dír wakuuser'ine, nee an slahhángw gurhaami kawa warqeés tawa qwala/, nee an deelór tsuunqumis kuwa warqeés tawa deelór ur. Múk Yahudi kuna ádbáy deeloorí ngiwa oohiya', ngiwa deelór ur tleehhiya' nee ar qwala/, nee qeemuú dimbadimbé kuwa hanmiisi dír muu nee dír narkuute.

ESTA 9:22 Iomraidhean Croise

ESTA 9:19

Gawaá adoorihe, múk Yahudi kuduú baraá ayeemo nee baraá gixsadaá koo/ír gawit ngi kooma'aaká, deeloorí kana óh, ar mibaá nee tsiyáhh slahhángw Adari, tawa deelór muruú /ayma nee qwala/ nee deelór tiwa qeemií ya/abitiya'.

ESTA 9:21

as muu nguwa ádbáy kahhó' bál mibaá nee tsiyáhh nee bál mibaá nee kooán ar slahhángw Adari kawa inslaslay umuúqo kurko.

ESTA 9:23

Múk Yahudi adoodá' ngiri ya/ané' ar adoodá' ngira geerií tleehhiyé', nee ar adoodá' Mordekai ngira gooín.

WARA'AMI 103:2

Muunaáeé', AAKOÓ MUNGÚ diidi'iimiseek, hhooeemawós mi baloó gunqareesaar!

WARA'AMI 149:7

As li/aay kuwa bui dír xoordu, nee xoordaá hatlá' muxta ngi slaye'.

WARA'AMI 30:11

Kuúng niwa hardát tsuunqumisueé' una warqés tari bara/. Inqwaruú tsuunqumis una dúx iri qwal/atís.

WARA'AMI 30:12

Daxta án kuúng u diidi'iimiís ar muunaáeé' sleémeero, slám a baloó xasliitaaká. AAKOÓ MUNGÚ, án kuúng un sluufmiís ay kureeraá kureér.

WARA'AMI 37:15

Ala tsati'ii'ín kudá' ngin i ki/iyá', inooínadaá kilá', nee ga/alduín kudá' sleeme nay qeqtiná'.

ISAYA 14:3

Bál anuú AAKOÓ MUNGÚ kuungaá múk Israeli barna amohhooárí haniís baraá slahh'amuuhunge, nee baraá tlaahhiro nee lawaali'iimár gawit ar taa /agi'i,

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

Matayo 5:4

Múk amohhoó' a kudá' gurhaamuút, asma inooín gurkwa/asa ngi slayá'.

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Galatia 2:10

Ala gár wák kilós ngina ooiyé', iwa kaahiya', «Múk narkuute alee/iimisaak.» Nee gaarí a gár án ni tlehhaahhiit ló'wa ale.

DABE 15:7

«Barnaxes heé narkutmo i deer baraá tla/ángw hhaeehunge, baraá gixsár wake, baraá yaamuudá' AAKOÓ MUNGÚ Munguúhúng ni kuungií haniisi, ma qahuuse tleehhitaara' laqaá ma /akuuse tleehhitaara' dír hhaeehunge.

DABE 16:14

Kuungá' deeloosíng ur ka saqwalala/á' dinkwa nee na/iihúng awa daaqaay nee awa dasu, nee lawaalerhúng ar hhawaate nee ar /ameenaaro, nee múk Laáwi, nee dahaaye, nee na/aá panaay nee /ameenár kwaeeli nee hoomár baraá ayaahúng hoota.

DABE 16:15

Deelo faanqwe AAKOÓ MUNGÚ, Munguúhúng un deelór úr i tlehhá', didá' inós aa tsawaár as umuuwós kuwa didá' wa teetin, asma kuungá' AAKOÓ MUNGÚ, Munguúhúng nu tsuuq baraá balangwhúng sleémeero, nee baraá gadiyeduuhúng sleémeero, kuungá' tari ló'wa qwala/á'.

Geehhoeemaá 11:10

Nee múk baraá yaamuú wa hoót i qwalalaa/ nee iri baraa/ as inooín, nee tiri kilooín ilahhooár i hanmisiyá'. Asma aaruuseerí tsár mukdá' baraá yaamuú wa hoót guna ló'wa daawitamís.

1 SAMUELI 25:8

Kuúng inooín yaahaseek, kingi qo oo', hám daxta án kuúng u firiím masoombar'eé' tisíng ya/aámí haniseek, asma naa amoorók kawaán baalaarír boo/aywo, na'ás, u firiím sagadiyuuseerók tisíng, nee anuú garmaawók Daudi ti qeer umuú gár taqo koonda dakoge.› »