ESTA 9:15 - Biblía Axweesantá Hhohho' ar Mungú 2004

¹⁵ Bál slahhángw mibaá nee tsár kudá' ta bay Adari tawa mibaá nee tsiyáhh, múk Yahudi kuduú baraá gixsár Susa tari burumburiít, múk tsiire tám kuri tsuú/ baraá gixsár Susaro. Ala muruuín ngwaa haasaáng wa ar tlay'iiká.

ESTA 9:15 Iomraidhean Croise

ESTA 8:11

Baraá barwadukae waawutmo, múk Yahudi guna pa/ángw i haniís baraá umuúqo gixsaro tawa burumburiiti as slafingw'ín nguwa xuna', mikiwa tsuú/, laqaá mikiwa hhaamiís nee mikiwa qororo'oós, nee slaqwaruusér xoordu baraá ayeemoowo as inooín mikiwa i haratlay, na/ii'ín nee /ameenar'ine nee daqaari'iimar'ín makawa haasaáng wa ar tláy baraá ayeemo sleémeero awa waawutmo Ahasuerowo.

ESTA 9:10

Mukwí an daaqoó mibaangw oo Hamani garmoó Hamedata, wakusmoó múk Yahudi, ala muruuín kwaa haasaáng wa hayohiiká.

ESTA 9:12

Waawutmo waawuto'o Esta gari báy, «Múk Yahudi muu ngwa tsu/iyé' tsiire kooán baraá gixsarí ur ar Susaro, dinkwa nee daaqoó mibaangw oo Hamani. Xáy, gár ta tleehhi a milá baraá ayeemaá hatlá' naa meetiye' awa waawutmoowo? Firoorók a milá? Kiíng ti qáy. Gár ta sla' a milá aáma? Tam tlaqtá waawuti'iima kingi haniis.»

ESTA 9:13

Naagáy Esta iri ó', «Waawutmo birngi slaa', áx múk Yahudi kuduú baraá Susa ku pa/ángw i haniisi matlo, as adoorí laarí taa tleéhh kawa tleehhi, nee daaqaysíng mibaangw oo Hamani ku tarerein gawaá xaai.»

ESTA 9:14

Waawutmo adoodá' gari oó' kawa tleehhi, afo gari ilahariís baraá Susa, daaqaydá' mibaangw oo Hamani kuri tarereín.

ESTA 9:16

Múk Yahudi oo hatlá' oo baraá ayeemaá waawutmoó hootá' tana burumburiít slafingw'ín nguwa xuna', amohhooa kay sláy dír wakuuser'ine, kudá' inooín ngi ahhiitá' kina tsuú/ muu kume mibeeri faanqw nee kooán, ala baraá muruuine gár taa haasaáng wa ar tláy i káhh.

ESTA 9:2

Baalaadae múk Yahudi tana burumburiít baraá gixsaduuín awa baraá ayeemo sleémeero awa waawutmo Ahasuero, as mukdá' inooín gi slahh'eemisuú wa slaá' kuwa i haratlay. Tam heé inooín gaa tlampa'aas i kaahh, asma muu sleémeero inooín gina da'ayuút.

1 Tesalonike 5:22

Ti paratle' dír umuúqo gár tlaakwe.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»