ESTA 8:11 - Biblía Axweesantá Hhohho' ar Mungú 2004

¹¹ Baraá barwadukae waawutmo, múk Yahudi guna pa/ángw i haniís baraá umuúqo gixsaro tawa burumburiiti as slafingw'ín nguwa xuna', mikiwa tsuú/, laqaá mikiwa hhaamiís nee mikiwa qororo'oós, nee slaqwaruusér xoordu baraá ayeemoowo as inooín mikiwa i haratlay, na/ii'ín nee /ameenar'ine nee daqaari'iimar'ín makawa haasaáng wa ar tláy baraá ayeemo sleémeero awa waawutmo Ahasuerowo.

ESTA 8:11 Iomraidhean Croise

ESTA 3:13

Barwaduuká' kiri múkwár ya/aáw ay baraá ayeemo sleémeero awa waawuti'iima, tawa kaahi, «Bál slahhángw mibaá nee tsár bar mibaá nee tám, kudá' ta bay Adari, múk Yahudi sleémeero, masoomba nee bariise, /ameena nee na/aá qaweero sleeme, sleémeero ki qwaareesi, nee kiwa tsu/i, nee kiwa hhaamisi nee muruuín ku hayoohi.»

ESTA 9:18

Ala múk Yahudi kuduú baraá gixsár Susa, tana burumburiít bál slahhaangw tawa mibaá nee tám nee tawa mibaá nee tsiyáhh. Aluuwo bál mibaá nee kooán, tana hungu/uús, baalaadá' kay deelór ur ar muruú /ayma nee qwala/ tleéhh.

WARA'AMI 137:8

Kiíng Babuloni, aga naká/ huuamaawo, heé amohhoó' a kudá' i li/áy buú', as adoodá' atén tira slahh'eemís.

WARA'AMI 68:3

Ala múk hota ganaá' tan qwalalaa/, tan baraa/ geeraá Munguhe, tay tsimaahh ar qwala/.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ESEKIELI 39:10

Migír ngu ay'aaká baraá slá/tí ale, laqaá xaai ngi tlaquú ay'aaká baraá darma, asma xooslaadár slaqwara ngin ásltár oohamisiyá'. Inooín daqaari'iimár mukdá' aáng daqaari'iimar'ín gaa hayoh ngin hayohír, nee muruú mukdá' muruuín gwa ar tlay ngun ar tlayá'. Anuú Aakoó MUNGÚ tí aga oó'.»