ESTA 8:10 - Biblía Axweesantá Hhohho' ar Mungú 2004

¹⁰ Barwadu kina gooín ar umuú waawutmo Ahasuero, kari dugunií qaás ar mungoó waawutmo, barwadu kay ya/abuusérií haniís tari tsa/án gawaá faras, asma a makaá inslahh ti'iingo, awa tar gadiyumaamisi gadiyér doó waawutmoowo, an kudá' taa laqwaál baraá matla/ángw doó waawutmo.

ESTA 8:10 Iomraidhean Croise

1 WAAWITÁ 21:8

Naagáy Yesebeli barwadu giri gooiín ar umuú Ahabu nee giri dugunoó waawutmo i qás. Barwadu giri ya/áp amór bariise nee múk iia tleér kudá' nee Naboti hootá' baraá gixsár wa alé.

1 WAAWITÁ 4:28

Umuúqo heewo baalaarós iwa xeér angaánoó shayiíri nee gitsór faras i /ayi gana huúw nee makaydá' tii'íngw baalá'.

2 QOM'I 30:6

Muu kuri ya/aáw nee waawutmo nee geeraharuuse amór múk Israeli sleémeero, nee oo Yudawo. Barwaduudá' gár ki gooín a tí, «Kuungaá múk Israeli, peeroó taa meetiís nee waawituú Ashuru, AAKOÓ MUNGÚ i ki/aare', Munguú Abrahamu, nee oo Isaka nee oo Israeli, inós daqaní kuungá' nu i kii/.

ESTA 8:8

Ala /ayma'aá ta sla'a gooimaak amór múk Yahudi ar umuú waawutmo, dugno ku qasá' ar mungoó waawutmo, asma barwár taa gooín ar umuú waawutmo nee kay dugunií qaás ar mungoó waawutmo, heé warqeesaro ga aleesláw i kaahh.»

YOBU 9:25

Deelór slafingw'eé' gaanslaay gun ar waaráhh heé ti'ii'iím ba/a, in gaanslár ti'ii'iín hhooeemaá ni araa'ar i kahhiyá'.

DAHARUSMO 8:4

/Aymuú waawutmo i /uuruú kón, heé inós gu qiítl nguwa bay, «Kuúng gár ta tlehhit a milá?»

ISAYA 60:6

Yaamuuwók ki tuuntuuk nee daqtá angamía. Eeít damaá angamía awa múk Midiani nee Efa, nee sleémeero awa Sheba nin hardihiyá'. Inooín sahaábu nee mooyángw tsuú' ngun huwiyá', nee inooín xirfuú AAKOÓ MUNGÚ ngun alki/iitiyá'.

ISAYA 66:20

Hhaeehúng sleémeero kingay ki/is baraá xoordaá hatlá' wa ale adór ilahhooár anuú AAKOÓ MUNGÚ. Kingin ki/is ar faras, nee ar gaardu, nee ar /aampu, nee ar wayshama' nee ar angamiadu ay baraá gixsár Yerusalemu dír tloomar'eé' tidá' hhoohhoo'. Inooín kingi huuw, adór múk Israeli ilahhooár balaangw kingir haahuwi baraá xooslmoó hhoohhoó ar ale ay dír dooeé' anuú AAKOÓ MUNGÚ.

YEREMIA 2:23

Xáy, adór hám tar o', «Aníng ti slasla/areeká, munguaá Ba'ali iga eehariiká.» Qaytsiít, tlakweemadá' taa tléhh baraá xatstaqá' wa aleeró, ga/aaweek adoodá' taa amorqá' wa tléhh. Kuúng a adór damár ar angamía buka ar /akuutár slaa', tidá' ti'iim amooqá' nee tiqae,

YEREMIA 51:21

Kuúng un farsúr tsuú/ nee slaqwaruuseedá' gaa i tsa/aandi, kuúng un gaardaá farsúr giqáw nee mukdá' gi madiita.

DANIELI 4:1

«Anuú waawutmo Nebukadnesa kuungá' xoordu sleémeero nee tlahh'i sleémeero nee tsifri sleémeero ar gawaá daanduú yaamu sleémeero gooír naa gooiím ngi ya/aáw amorhúng. Aníng kuungá' nun waydú yaariír i slaá'.

DANIELI 6:8

Gawaá adoorihe, gimáy waawutmo Darío, hara'aya ooeek, nee ka dugunoowók i qás as makawa warqeés. Daqaní a dabér múk Medi nee oo Persia, dabér ta baloó warqesiiká.»