ESTA 8:1 - Biblía Axweesantá Hhohho' ar Mungú 2004

¹ Baalaadae waawutmo Ahasuero waawuto'o Esta gay doó Hamani haniís, kuduú wakusmoó múk Yahudi. Iimír qoomaadae Mordekai kuna ya/aámár i haniís iwa daqaaqay amór waawutmo, asma Esta waawutmo gwaa kángw beér adór Mordekai tar mar'afmoowós.

ESTA 8:1 Iomraidhean Croise

ESTA 1:14

Bihhawose Karshena aa iwiít nee Shetari, nee Admata, nee Tarshishi, nee Meresi, nee Marsena, nee Memukani, geeraharuuse faanqw ar múk Persia nee oo Media, kudá' gitsa/aá waawutmo nga ariye', a múk urén baraá waawuti'iimarose. Giri yaahaás,

ESTA 2:15

Tam qoomaadá' Esta iwa daqeer amór waawutmo iwa xeér dasír Abihaili, maamoó Mordekai, Estadá' aáng ira waátl tawa adór dasiirós, iwa dat amór waawutmo gár aa slá' i káhh, aqo har tidá' taa oó' nee Hegai kudá' taa karmúy, sagesihhtusmoó /ameena. Esta umuúqo heé gaa ari gari waatlakweés.

ESTA 2:7

Inós Hadasa tidá' umuuwós oo hatlá' ta bay Esta gana umín, dasír maamáywós, asma inós i xwayliitér koondaaká. Inós a dasír ló'wa hhoohhoo' nee ka tsataari hho'. Qoomár xwayliteérós iwa qátl, Mordekai gana ar waátl tay adór dasiirós ar kilá'.

ESTA 7:6

Esta iri ó', «A wakusmo, a tsu/utusmo Hamani, heewí ló'wa tlaákw.» Hamani gura' ma'aay ngway dalaa/iyé' dír geeraá waawutmoowo nee dír geeraá waawuto'ooro.

ESTA 8:7

Aluuwo waawutmo Ahasuero waawuto'o Esta nee Mordekai kuduú heé Yahudi giri báy, «Ga/aawaak, Esta aga doó Hamani haniís, inós kwa tarereé', as adoodá' iwa tsabín múk Yahudi nguwa qwaareesi.

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

AXWEESANOÓ SAGALOOA 13:22

Heé hhoó' aali gan haniis dír nángw naangós, Ala daqaari'iimár heé tlaákw kaa amohhe'eés as múk hota ganaá'.

AXWEESANOÓ SAGALOOA 28:8

Heé daqaari'iimarós dogiít ar iwa múk /aytin, Gan burumbuur as heedaádá' narkuutér gurtlatláw.

Luka 12:20

Ala heé aáng kuri báy nee Mungú, ‹Kuúng a daktani. Xweerakaá laarihe kuúng a gwá'. Nee muruudá' taa amohhe'eemaamís oo heemá?›